Мөнгө хэмнэх нь хийж бүтээхтэй харьцуулбал тун амархан зүйл Та хэдэн төгрөг яаж хэмнэх вэ, хэмнэсэн мөнгөө юунд зарцуулах вэ? Зарцуулах мөнгөндөө хяналт тавих, мөн бодит амьдрал дээр яаж биелэлээ олох талаар бид таньд зөвлөе. Та эхлээд өрнөөсөө сал Та сард хэдэн төгрөгний өр /банкинд/ төлдөг тухай нарийвчилан тооцоо гаргаж, цаашид хурдан аргаар төлж дуусгах нь хамгийн чухал бөгөөд нэгэнт та өрний асуудлаас мултарсан бол таньд мөнгөө хэмнэх зорилго тавихад таатай боллоо. 1. Өөртөө мөнгө хэмнэх зорилго тавь Ойрын хугацааны зорилго буюу өргөн хэрэглээний бараанд хэмнэлт хийх нь амархан. Хэрэв та DVD тоглуулагч худалдаж авахыг хүсэж байгаа бол ямар үнэтэй болохыг нь мэдэж ав, харин орон сууц эсвэл хаус худалдаж авахыг хүсвэл, түүнд шаардагдах төлбөрийн талаар тооцоолох шаардлагатай. Урт хугацааны зорилт нь илүү өргөн хүрээнд төлөвлөгөө гаргах шаардлагатай тухайлбал та тэтгэвэрт гараад 20-30 жил сайхан амьдрахын тулд аливаа хөрөнгө оруулалт нь таны зорилгод хэр зэрэг тустай явагдаж байгааг үргэлж хянаж явах хэрэгтэй. 2. Зорилгодоо хугацаа зааж өг Жишээлбэл: Би өнөөдрөөс эхлэн 2 жилийн хугацаанд байр худалдаж авна. Хугацаа дуусгавар болох хүртэл ойрын хугацааны зорилгод нийцэх хугацааг зааж өгөх хэрэгтэй. Хэрэв таны төлөвлөсөн хугацаа таны зорилгод хүрч чадахгүй бол бүтэлгүйтэлд хүрэх нь гарцаагүй. 3. Та 7 хоног бүр /сар бүр /хэдэн төгрөг хадгалах/хэмнэх/ ёстой гэдгээ тодорхойл. Та хэдэн төгрөг хэмнэх боломжтойг тодорхойлон гаргаарай. Та сар бүр ижил хэмжээний мөнгийг хэмнэж байх нь шилдэг арга бөгөөд тухайлбал та 2сая төгрөгтэй болохыг хүсэж байгаа бол сар бүр 55 мянган төгрөг хэмнэх хэрэгтэй, 3жил буюу 36сарын дотор таны хэмнэлт биелэлээ олно. Үүнтэй адил хугацаа зааж өгөх нь зорилгод бодитоор илүү ойртдог. 4. Зарлагын падаануудаа цуглуул Та хэдэн төгрөг олж хэдийг нь зарцуулж байгаагаа тооцож, орлого зарлага хоёроо хянаж байх ингэснээр та зарлагууддаа шүүмжлэлтэй хандах болно. Зарлагдсан зүйлүүдээ болж өгвөл тодорхой бичиж тэмдэглэ, сүүлийн хэдэн 7 хоног цаашилбал саруудын тэмдэглэлүүд байвал зохино. Та аль болох жижиг худалдаа хийхгүй байхыг хичээх хэрэгтэй. -Та зарлагуудаа жагсааж бичсэн байх шаардлагатай тухайлбал: -Байрны, утасны тооцоо, хоол, кабель, бензин шатахуун гэх мэт. -Өврийн дэвтэр байнга биедээ авч яв, зарлагуудаа бичиж бүр занших -Долоо хоногтоо нэг удаа өврийн дэвтэртээ цаг гаргаж нягталж түүнийгээ өөр бичгийн цаасан дээр тэмдэглэж авч үлд. 5, Зарлагуудаа цэгцэл Та нэг юмуу хоёр сарын дараа зарлагын баримтуудаа нягталж нэг сайн үзнэ үү. Эргэн нягталж үзэхэд магадгүй та гайхаж мэднэ тухайлбал найз нөхөдтэйгөө нийлэхэд 200мянга, утасны мөнгө 80мянга, тамхи 60мянга гээд та эдгээр дэмий их хэмжээгээр зарлагдсан байдлыг хараад цаашид түдгэлзэх сэтгэгдэл төрнө гэдэгт санал нэгдэж байна. Мөнгө хэмнэх нь таны хэдэн төгрөг хэмнэх гэж байгаатай шууд холбоотой, магадгүй таньд хэцүү шийдвэр гаргаж буй мэт санагдана. Өөрөөр хэлбэл таны өдөр бүрийн амьдралын хэмнэл алдагдаж буй мэт санагдаж хүссэн зүйлүүдээсээ татгалзаад байгаа мэт санагдаж мэднэ. Харин та хэмнэж чадсан мөнгөө жилээр бодож гаргахад, цаашид урамшиж мөнгөний үнэ цэнийг илүү ихээр мэдрэх болно. -Та одоогийн амьдарч байгаагаас арай хямд төлбөртэй байранд орж чадах уу? -Танай гэр бүл хэд хэдэн машин ашигладаг бол та түүнийг гэр бүлийн хэрэгцээнд зөвхөн нэг машинтай болгож чадах уу. -Та гэрийн суурин утаснаас татгалзаж зөвхөн зөвхөн гар утас ашиглаж чадах уу. -Та олон төрлийн кабель, сансарын телевизүүдээс татгалзаж чадах уу -Та гадуур хооллохоос татгалзаж илүү гэртээ хоол хийж чадах уу? Гэртээ хооллох нь маш их мөнгө хэмнэх болно. -Та ахуйн үйлчилгээнүүдээс татгалзаж өөрөө өөртөө цаг гаргаж чадах уу? 6. Төсөв зохио Та нэгэнт олсон орлогоо зөв тэнцүүлэн зарцуулж эхэлсэн болохоор үүндээ төсөв зохиох нь зүйтэй. Мэдээж энэ нь амаргүй боловч хэмнэлтийн хувьд маш чухал, тухайлбал би сард 20мянга төгрөгийг л шоколад, кофе, кино үзвэрт зарцуулна гэх мэт. 7. Төлбөрын карт ашиглахаас татгалз Бүх төлбөрийг бэлнээр болон баримтын дагуу төлж бай. Чек ээр төлбөр тооцоо хийхгүй байвал зохино. Бэлэн мөнгөөр гүйлгээ хийх нь банк болон кредит данстай харилцахаас илүү хялбар бөгөөд үлдэгдэл бүрийг хянах бэлэн мөнгөөр гүйлгээ хийх нь тохиромжтой. Та түрүүвчин дэхь мөнгөний хэмжээндээ тохируулан зарцуулах бөгөөд тодорхой зүйлдээ зөв зарцуулах болно. Хэрэв таньд төлбөрийн карт шаардлагатай гэж үзвэл өдөр бүр төлбөрийн хэрэгцээнд ашиглалгүйгээр өөрийн түрүүвчинд авч явахгүй байхыг зөвлөе. 8. Удаан хугацааны хүүтэй хадгаламжийн данс нээ Хамгийн өндөр хүүтэй удаан хугацааны хадгаламжийн данс нээлгэх таны мөнгөө өсгөх буюу хэмнэж байгаатай ижил утгатай. Та мөнгөө байршуулахын өмнө тухайн банк нь тогтвортой ажиллагаатай эсэхийг нь сайн судалж үзээрэй. 9. Доорхи хандлагуудыг баримтал Мөнгийг хэмнэвэл мөнгө үржинэ. Орлогыг үргэлж бага тооцож зарлагыг их сайн нарийн тооцож бай. Хямдхан гэж дуудуулахаас бүү ай. Мөнгөний математикийн хувьд хэрэв та нэг мөнгийг дэмий зүйлд зарцуулвал дараагийн нэг өдөр худалдаж авах хоолны мөнгөнөөс үрчихлээ гэсэн үг. Үүнтэй утга нэг хүнд ганцхан мөнгө ердөө л нэг мөнгө байсан гэж хэлэх нь зүйд нийцэхгүй ба нэг мөнгө ч гэсэн өөрийн гэсэн утгыг агуулж байдаг. 10. Бусадтай хуваалц мөн хүндэтгэ Хэрэв та өөрт байгаа бүхнээ бусадтай хуваалцаж чадвал энэ нь маш сайн үйлдэл бөгөөд боломжынхоо хэрээр хоол хүнс, эд материалыг хуваалцаж байхыг зөвлөж байна. Таны эргэн тойрон хүмүүс, ойр дотны найзуудад тань зөв энерги үйлчилж тэд ч бас таны адил байх болно. Гэхдээ мэдээж та буяны байгууллага биш гэдгийг санаарай. Таньд амжилт хүсье