March 11, 2009. 6:53 amАлдарт Анфиелд роад цэнгэлдэхийн амтыг Мадридчууд  өнгөрсөн шөнө хангалттай амслаа. Ливерпулийн талбайгаас ядаж тэнцээ зулгаагаад цааш пенальти цохих боломж хайж байсан тэд 4 : 0-р жинхэнэ ”цэвэр тавиулах” нь тэр. Хоёр багийн нэр хүнд, цар хүрээ, алдар хүндийг тооцсон ч ийм хол зөрүүтэй тулаан болно гэж олон хүн бодоогүй болов уу. Ер нь тоглолтын хувь заяа эхний хагаст л тодорхой болчихсон гэж хэлж болно. 16 дахь минутад Кюйтын кроссыг ”алтан жаал” Торрес хүлээн авч эхний гоолыг оруулсан бол үүнээс 12 минутын дараа Стиви Ж пеналтиас тоог холдуулжээ.
Бүх юм тодорхой болсон хоёрдугаар үед Жеррард, Доссена нар дахин 2 гоол оруулснаар Улаанууд итгэл төгс дараагийн шатанд шалгарлаа. Дашрамд сонирхуулахад Эзэн хааны баг сүүлийн 5 жил дараалан Аваргуудын лигийн плеи-оф шатны эхний даваанд бүдэрч буй аж.
Хотон шувуунуудын багийн ахлагч Жеррард энэ тоглолтын дараачаас 7 гоолтойгоор Аваргуудын лигийн мэргэн буучдын жагсаалтыг тэргүүлж эхэлсэн байна.

Ювентус ясны сайн баг гэдгээ харуулж Челсигийн эсрэг чамгүй тэмцэл үзүүллээ. Харамсалтай нь тоглолтын 71 дэх минутаас тэд  арвуулаа үлдсэн учир яаж ч хичээгээд барсангүй. Бэртлээс эргэн ирсэн Майкл Эссьен багтаа гоол бэлэглэсэн бол цаг дуусахаас 7 минутын өмнө Дрогба багаа аварсан гоолыг оруулжээ.

Мөн энэ шатны нэгэн томоохон дуулианыг Германчууд барьж байх шиг байна. Тэд өмнө нь дуулдаж байгаагүй 12  : 1 гэсэн гайхалтай үзүүлэлтээр Спортингийг буулган авч дараагийн шатанд үлдэж байна. Энэ завсар Испаний нэг төлөөлөл шөвгийн наймд үлдээд амжлаа. Талбай дээр 2 : 1-р ялсан Виллареалчууд энэ давуу байдлаа ашиглан айлын талбайд ялж чадсанаар шөвгийн -д үлдэж байна.

Ливерпуль 4 : 0 Реал Мадрид (15′ Торрес, 26′ 46′ Жеррард, 88′ Доссена)

(цуврал тоглолтын дүн 5 : 0)

Ливерпуль (4-5-1): Рейна- Арбелоа, Шкртел, Каррагер, Аурелио- Машерано, Алонсо (Лукас 60′), Кюит, Бабел, Жеррард (Спирин 72′) - Торрес (Доссена 83′)

Реал Мадрид (4-4-2): Касильяс- Серхио Рамос, Каннаваро (Ван дер Ваарт  63′), Пепе, Хайнце- Гаго (Гути 75′), Диарра, Роббен (Марсело 45′), Шнайдер- Игуайн, Раул

Анфиелд Раод цэнгэлдэх (Ливерпуль ) 42,550 үзэгч

Шар карт : 18′ Пепе, 25′ Жеррард, 27′ Хайнце, 61′ Марсело, 84′ Доссена

Ювентус 2 : 2 Челси (19′ Якуйнта, 74′ Дель Пьеро), (45′+1 Ессьен, 83′ Дрогба)

(цуврал тоглолтын дүн 2 : 3)

Ювентус : Буффон, Мельберг, Чиеллини, Григера, Молинаро, Недвед (13′ Салихамижич), Марчисио, Тиаго, Дель Пьеро, Якуйнта (61′ Жиовинко), Трезеге (79′ Амаури)

Челси : Чех, Терри, Босингва, Эшли Коул, Алекс (88′ Карвалью), Лампард, Ессьен (66′ Беллетти), Оби Микел, Баллак, Анелка, Дрогба

Олимпийн цэнгэлдэх (Турин) 27,319 үзэгч

Шар карт : 54′ Чиеллини, 63′ Чех, 69′ Дрогба, 88′ Коул,

Улаан карт  :  71′ Чиеллини

Байерн 7 : 1 Спортинг (7′ 34′ Подолски, 39′ Польга (а.г), 43′ Шванштайгер, 74′ ван Боммел, 82′ Клозе (п), 90′ Мюллер), (42′ Моутиньо)

(цуврал тоглолтын дүн 12 : 1)

Байерн : Ханз Юрг-Бат, Лам, ван Бюйтен, Лусио (46′ Брено), Лель, Зе Роберто (46′ Ернесто Соса), ван Боммел, Шванштайгер (72′ Мюллер), Оттль, Клозе, Подолски

Альянз Арена (Мюнхен) 65,000 үзэгч

Панатинайкос 1 : 2 Виллареал (55′ Мазиос), (49′ Ибагаза, 70′ Лорьенте)

цуврал тоглолтын дүн (2 : 3)

Олимпийн цэнгэлдэх (Афин) 60,616 үзэгч