Эрэгтэйчүүдийн ихэнх нь гоолиг нуруутай, биеэ зөв авч явдаг, намбалаг аятайхан бүсгүй таалагддаг гэж үздэг. Мэдээж зүс царай өнгөлөг, сайхан цэвэрхэн байх нь чухал. Хичнээн гоё сайхан зүс царайтай байсан ч өвдгөө нугалж явдаг бол ямар харагдах нь ойлгомжтой. Эрэгтэй, эмэгтэй хэн ч байсан ялгаагүй хүүхэд наснаасаа эхлэн биеэ зөв хөгжүүлэх тухай бодох хэрэгтэй. Биеийн галбир зөв байхаас гадна чийрэг, саруул биетэй алхаж гишгэх нь хүртэл сэргэлэн цовоо байвал түүнээс илүү гоо сайхан гэж юу байх билээ. Өглөөний дасгал тогтмол хийдэг хүмүүс алхаж гишгэх нь хүртэл өөр байдаг. Биеийн галбир засах, булчин хөгжүүлэх эмчилгээний биеийн тамирын олон янзын дасгал хөдөлгөөн бий. Тэдгээрийн дотроос хамгийн хялбар, хүн бүрийн хийж чадах өглөөний дасгалыг толилуулъя.

Дасгал 1

Номхон зогсоно. 1, 2 гээд амьсгалаа гүнзгий авч гараа дээш нь өргөн, өлмий дээрээ зогсоно. 3, 4 гэхэд бэлтгэх байдалд орж амсгалаа гаргана. Дасгалыг удаавтар 6 удаа давтан хийнэ.

Дасгал 2

Õî¸ð гараа салаавчлан дагзандаа авч номхон зогсоно. 1 гэхэд баруун хөлөө баруун хажуу тийш өргөж, амьсгал авна. 2 гэхэд номхон зогсож амьсгалаа гаргана. 3, 4 гэхэд зүүн хөлөөрөө давтан хийнэ. Хөлийнхөө булчинг чангалж дасгалыг дунд зэргийн хурдтайгаар 6-8 удаа хийнэ.

Дасгал 3

Хөлдөө мөрний хэмжээтэй зай авч ташаагаа тулж зогсоно. 1 гэхэд 2 гараа дээш өргөж, нуруугаа ар тийш нь хотойлгож амьсгаа авна. 2 гэхэд бэлтгэх байдалд орж амьсгаагаа гаргана. 3 гэхэд 2 гараа алдлан цээжээрээ урагш бөхийн амьсгалаа гаргана. 6-8 удаа давт.

Дасгал 4

Номхон зогсоно. 1 гэхэд 2 гараа эгц урагш бөхийн амьсгалаа авна. 2 гэхэд явган сууж аажмаар амьсгалаа гаргана. 3 гэхэд бэлтгэх байдалд орж амьсгалаа гаргана. Дасгалыг маш удаан 6-8 удаа хийнэ.

Дасгал 5

Хөлдөө мөрний хэмжээтэй зай авч ташаагаа тулан зогсоно. 1 гэхэд баруун гараа дээш өргөж, зүүн гараа ташаандаа авна. 2, 3 гэхэд зүүн тийш хазайна. 4 гэхэд бэлтгэх байдалдаа орно. 1, 2 гэхэд амьсгалаа гаргана. Дасгалыг 3-5 удаа давтан, нөгөө тал руугаа мөн адил хийнэ.

Дасгал 6

Хөлдөө мөрний хэмжээний зай авч зогсоно. 1 гэхэд 2 гараа мөрөндөө авч өлмий дээрээ зогсож амьсгаа авна. 2 гэхэд бэлтгэл байдалд орж амьсгаа гаргана. 3 гэхэд гараа алдлан өлмий дээрээ зогсож амьсгаа авна. 4 гэхэд бэлтгэл байдалдаа орж амьсгаагаа гаргана. 6-8 удаа давт.

Дасгал 7

Õî¸ð гараа хүчтэй савж өвдгөө дээш өргөн 20-30 секунд доороо алхана. Эхлээд маш хурдан алхах ба аажмаар хурдыг удаашруулна. Дасгалыг өглөө бүр маш идэвхитэйгээр 6-10 удаа давтан хийгээрэй. Дасгалын нийт үргэлжлэх хугацаа 10-12 минут байхад хангалттай.