Дэлхийн түүхэнд нэрээ гаргасан зургаан Хусейн байдаг юм байна .

Манай тооллын өмнөх 627 онд дэлхийд цуутай ууган Хусейн төрсөн байх бөгөөд дэлхийн сэтгэлгээний үнэт зүйл, хүчтэй урсгал болох Мухамедийн буюу Исламын шашныг үндэслэгчийн төрсөн хүү, Шийтийн шашны 3 дугаар тэргүүн ажээ.

Түүнээс улбаалан Хусейн ургийн овогтой үй олон цусан холбоо дэлхий даяар модны үндэс, усны судал адилаар түгэн тархжээ.

Түүний нэг нь Брак Хусейн Обама... Түүний нэг нь Брак Хусейн Обама...

Исламын шашны урсгалууд хуурай өвс, хөвөн даавуунд авалцсан их түймэр адилаар дэлхийн олон түмний сэтгэл оюуныг эзэмдэн байсаар хоёр дахь их Хусейныг төрүүлсэн нь  Казаганы ноёны хүү Хусейн байлаа.

1364 оноос 1370 оны Казаганы эмир байсан хүний хүү бол Хусейн. Манай их хаан Чингисийн алтан ургийн  хүн болох Цагаадай хааны Цагаадайн улсад тэрээр оршиж байжээ. Цагаадай хааны дараахан олноо Доголон хэмээн онцлогдсон Төмөр хааны ивээлээр Хусейн ноёны зэрэгт хүрч эцэст нь хаан ширээнд заларч түүхэнд нэрээ үлдээсэн байна.

1438 онд хамгийн хамгийн эгэл бөгөөд дөлгөөхөн Хусейн төрсөн нь Хусейн Байкара юм, тэрээр мөн л Чингисийн алтан ургийн их хаан Цагаадайн хөвүүн Төмөр хааны нутагт мэндэлсэн аугаа их яруу найрагч байлаа.

хэмээх нэгэн нэрийн доор гал усны гашуун зовлон эдэлсээр өглөө бүр бидний зүг сүүн цацал өргөж, үдэш бүр үрс хүүхдүүддээ Монголын их хаадын түүхийг өгүүлэн унтуулж, амнаас ам дамжсан түүх шашдрыг бүтээдэг гэнэм.
1935 онд Иордан улсад төрж, 1952 оноос 1999 оныг хүртэл тус улсын хаан байсан Хусейн бол түүхэн Хусейнуудын дөрөв дэх нь билээ. Тэрээр Англи улсын “Виктория”-гийн коллежд боловсрол эзэмшиж улмаар цэргийн боловсрол олж 17 настайдаа буюу 1952 оны 8 дугаар сарын 11 ний өдөр Иорданы хаан болжээ.

Хорьдугаар зууны түүхэнд Хусейны ургийн овгийг өндөрт өргөж суу их тэмцэл, ялалт, ялагдал, цуст дарангуйлал, эмгэнэлт гэсгээлээр хорвоог орхисон хүн бол Саддам Хусейн.

1937 оны 4 дүгээр сарын 28 нд  Иракт төрсөн тэрбээр 1979 оноос 2006 оныг хүртэл Иракийн төрийн тэргүүн, үндэстэний их удирдагчаар ажиллажээ.

Тэрээр Иракийн Баас намын ерөнхий нарийн бичгийн даргаар ажиллаж байсан бөгөөд Персийн булан болоод Арабын ертөнцийн эзнээр тодорсон байлаа. Иракаас гарч байгаа түүхий нефтийг хамгийн хатуу гараар хянах замаар эрх мэдлээ бэхжүүлэн 1980 оноос 1988 оны хооронд найман жилийн турш үргэлжилсэн урт хугацааны дайныг хийж Курд үндэстний эсрэг “Анфаль” ажиллагааг зохион байгуулсан байна. Энэ үйл ажиллагаандаа химийн зэвсэг хэрэглэх аргаар үй олноор хөнөөх аллага хийсэн тул 2003 оноос Америкийн нэгдсэн улс ба Английн арми хүч хавсран эсэргүүцэж эхэлсэн байна.

Саддам гэдэг нь “Эсэргүүцэн зогсогч” гэсэн утга бүхий Араб гарлын үг бөгөөд түүний овог нь Хусейн юм.

Бүтэн нэрийг нь Садда́м Хусе́йн Абд аль-Маджи́д ат-Тикри́ти гэнэ.  Утгачилбал Тикрит нутгийн Абд аль Маджидын Хусейн овогт Саддам хэмээн нэрлэгддэг байжээ.

Тэрээр Америкийн Нэгдсэн Улсын нэгдүгээр зэрэглэлийн дайсан байсан бөгөөд Хусейн хэмээх нэр Америкийн төр, олон нийтийн эвлэрэшгүй эмгэг байсан цаг хугацаа саяхан.

2006 оны  12 дугаар сарын 26 ны  тэр нэгэн өдөр 69 настай, сахал үсэндээ дарагдаж, хүнд эрүү шүүлт давсан, ухаан санаа нь хэвийн биш болсон нь нийтэд илэрхий түүнийг дүүжлэн хороосон билээ.
 

Америкчууд их өвөрмөц бөгөөд тогтвортой сэтгэлгээтэй ард түмэн юм. Тэд төрийн тэргүүнээр сонгогдсон хүмүүсээ үргэлж тэд дэх ерөнхийлөгч хэмээн хүндэтгэн нэрлэдэг нь авууштай санаа юм.

Бидний Монголчууд ээлжит сонгуулиар албан тушаалаа өгсөн ерөнхийлөгч нараа “ЭКС” хэмээн цоллож байгаа нь харамсалтай үр дагаврыг дагуулж байна. “Экс төрийн тэргүүн” гэсэн агуулга нь Монголын төрийн тасралтгүй үйл ажиллагааг үгүйсгэж улмаар “Экс төр“ хэмээсэн билэггүй утгыг илэрхийлж байна.

Зүй нь Монгол улсын анхны ерөнхийлөгч Пунсалмаагийн Очирбат, хоёр дахь ерөнхийлөгч Нацагийн Багабанди, гурав дахь ерөнхийлөгч Намбарын Энхбаяр хэмээн нэгэн төрийн буулган доор ээлжлэн зүтгэсэн эрхэм хүмүүсийг хүндэтгэн нэрлэдэг байгууштай.

Тэд насан туршаа ерөнхийлөгч хэмээх алдрыг хүртэх эрхтэй хүндтэй хүмүүс бөгөөд харин хэд дэх гэдгээрээ ялгарах учиртай.

Одоо гол баатар болсон Брак Хусейн Обамагийн талаар жаахан намтар өгүүлье

Исламын шашны хүмүүжлээр өсч өндийсөн нэгэн хөвгүүнийг Христийн шашны сургуулиас зардлыг дааж эдийн засгийн чиглэлээр америкт сургахаар илгээсэн нь хожмоо нэгдсэн улсын 44 дэх ерөнхийлөгчийн эцэг байх хувь заяат нэгэн байжээ.

Ийнхүү сурч байхдаа христиан шашинт Стэнли Энн Данхэм хэмээх бүсгүйтэй танилцаж гэр бүл болсон байна. Тэр бүсгүй Обамагийн ээж. Тэрээр Христийн хүмүүжлээр өссөн ч хожмоо Агнестист болсон гэнэ. Агнестик үзлийн гол төлөөлөгч нь эртний Грекийн суут сэтгэгч Фалес бөгөөд одоо цагийн итгэгч нар нь гэрлийн лампыг зохиосон Томас Эдисон, аугаа сэтгэл зүйч Зигмунд Фрейд, алдарт жүжигчин Чарль Чаплин, дэлхийн сэтгэгч Билл Гейтс нар байдаг билээ л.

Агнестиуд хүн бурхны шүтэлцээний талаархи хуучны номлолд шинэлэгээр хандаж мөнхийн амь болон сэтгээлгээний үнэний талаар илүү анхаардаг илүү философилог сект юм.  Зарим талаараа Исламын шашны үзэл ч холилддог өвөрмөц салбар шашин юм байна.

Нэгдсэн Улсын  дөчин дөрөв дэх ерөнхийлөгчийн эцэг Исламын шашны хүмүүжилтэй, эх нь агнестик хүмүүжилтэй байсан нь Б.Обамад аль ч шашин нь элгэмсэг дотно санагдах бизээ. Тэрээр түүхийн төлөө зохиогдсон аугаа их зурхайн бүтээл юм.

Миний үзэхээр бол:

Америкийн нэгдсэн улсын 43 дахь ерөнхийлөгч, хүү Жорж Буш хамгийн эгзэгтэй азгүй тохиолын ерөнхийлөгч.

Манай төрийн тэргүүн Н.Энхбаяр өөрийгөө азтай ерөнхийлөгч гэсэн бол Ж.Буш азгүй ерөнхийлөгч. Аль Кайда, Лалын ертөнц, нефтийн хомсдол, ханшийн уналт гээд үй олон бэрхшээлийг цаг үе тулгаж амжилттай амжилтгүй олон дайны үрээр Америк орныг авч үлдэж өөрийгөө золиосолсон нэгэн.

Ж.Буш хэрэвзээ дайн хийгээгүй бол хамгийн сул ерөнхийлөгч Америкийг гутаасан болж үлдэх эс бол  дайн зарлаж хамгийн зэрлэг хэмээн цоллуулах л сонголт байв... Тэр хоёр дахь замыг сонгосон тэгэхдээ өөрийгөө золиосолж улс орноо бүрэн бүтэн авч үлдсэн...Түүхэн гавъяатан, түүнийг үхсэн хойно нь баахан магтана.

Дэлхийн дээвэр болсон Америк орны чөлөөт иргэд 44 дэх ерөнхийлөгчөө угтан авахдаа түүний эцэг цагаачлан ирсэн Исламын шашинтан, эх нь гадаадтай суусан Агнестикийг мэдсээр атлаа хувь хүний чадамжийг сонгож чадлаа.


Хэрэвзээ Монголд харийн хүний хүүхэд, хар арьстан, Ислам ба Агнестик хүмүүжилтэй бол ерөнхийлөгч болох нь бүү хэл нэр дэвших гэж “Завдсаныхаа төлөө” зодуулж үхнэ биз.

Дэлхийн хөгжлийн тулгуур Америк орны хувь заяаг цааш залах эрхэм үүрэг бүхий, аугаа том “Америк” нэртэй хөлөг онгоцны шинэхэн Ахмад

Ард түмэндээ хандан:

“Би Брак Хусейн Обама. АНУ-ын ерөнхийлөгчийн үүргийг шударгаар гүйэтгэнэ гэдгээ ёслол төгөлдөр тангараглаж байна. Ерөнхийлөгчийн бүрэн эрхийн хэмжээнд Нэгдсэн Улсын Үндсэн Хуулийг сахин хамгаалах болно. Америкийг бурхан ивээх болтугай. Намайг бурхан ивээх болтугай” хэмээн тангараглахдаа Авраам Линкольны “Библи” судар дээр гараа тавьж наминчлан тангараглалаа.
Шинэхэн ерөнхийлөгч тангарагаа өргөөд ард түмэндээ хандан 18 минут үг хэлсэн нь дараах дөрвөн зүйлийг онцлов:
1.    “Бид цөмийн зэвсгийн аюулаас сэрэмжлэхийн төлөө бололцоотой бүхнийг хийнэ”
2.    “Мөн дэлхийн дулаарлын эсрэг тэмцэнэ.”
3.    “Лалын ертөнцийнхөнд хандан харилцан хүндэтгэл, харилцан сонирхлын үндсэн дээр хамтдаа урагшлан хөгжихийг уриалан дуудаж байна”
4.    “Хөгжил буурай улс орны иргэдийг үргэлж дэмжин тэтгэж, сэтгэл санаа эд хөрөнгө, хоол хүнсээр дэмжиж цаашид хөгжих гарцад хөтлөнө” хэмээн уриаллаа...

• Дэлхийн энхтайвны төлөөх Нобелийн шагналт, “Хүмүүнлэг зуршил” хэмээх сангийн тэргүүн, Панамын сувгийн олон улсын хэлэлцээрийг байгуулагч, хүний эрхийн цогтой тэмцэгч Нэгдсэн Улсын 39 дэх ерөнхийлөгч Жимми Картер
• Америкийн нийт ард түмний 89 хувийн саналаар сонгогдож түүхэн дээд амжилт тогтоосон, Персийн булангийн асуудал, Берлиний ханыг нураах зэрэг олон олон улс төрийн гайхамшигт алхам хийсэн, “Шинэ татваргүй америк орон” уриатай ажиллаж ард түмний амдралыг өргөхийн хажуугаар өөрийн хүүгээ Нэгдсэн улсын ерөнхийлөгчийн хэмжээнд хүмүүжүүлсэн түүхэн гавъяат америк аав, нэгдсэн улсын 41 дэх ерөнхийлөгч эцэг буюу Жорж Хэрбэрт Уокер Буш
• Америкийн эдийн засгийг шинэ түвшинд гаргаж олон талт бодлогоор төрийн төсвийг 559 тэрбум долларын ашигтай ажилллуулсан шилдэг менежер, Дэлхийн айдас болоод байгаа ДОХ-ын эсрэг цогтой тэмцэж өөрийн нэрийн санг үүсгэн байгуулагч, Нэгдсэн Улсын өнөөдрийн төрийн нарийн бичгийн даргын нөхөр, Нэгдсэн улсын 42 дахь ерөнхийлөгч Уйльям Жефферсон Клинтон буюу Билл Клинтон
• Америкийн армийн бахархал агаарын цэргийн хүчинд алба хаасан эх оронч, Терорист үйл ажиллгагааны эсрэг цогтой тэмцэгч, Нэгдсэн улсын 41 дэх ерөнхийлөгчийн хүү, Нэгдсэн улсын 43 дахь ерөнхийлөгч Жорж Уокер Буш нар хүндэтгэлтэйгээр энэхүү арга хэмжээнд ирж улам их сүр хүчинг илтгэв...
  

Шинэ мянганы Америк орны улс төрийн чиг хандлагын салшгүй нэгэн үзэл баримтлал Лалын ертөнцийнхөнтэй энхтайван, эв найрамдлаар зэрэгцэн орших тухай чин хүсэл гэдгийг Б.Обама онцлон тэмдэглэлээ...

Нэг цэнхэр дэлхийн хүмүүс энхтайвнаар зэрэгцэж шашин суртал үл хамааран эвлэлдэн нэгдэх боломжийг Б.Обама нээхээр зориг шулууджээ. Түүний гэр бүлийн хүмүүжил, урсан байгаа цус, цохилон байгаа зүрхэнд энэ бүхнийг эвлүүлэн нэгтгэх асар их давуу талууд оршиж байгаа нь намтраас нь харагдаж байна.

Бидний цөөхөн монголчуудаа...

Хориннэгдүгээр зууны түүхэн их эргэлт хаяанд ирж энэ жил бид төрийн тэргүүнээ сонгоно.

Дорой буурай, эв түнжингүй, жалга довоор талцсан амьдралаас бид залхаж байна.

Эвлэрэшгүй дайсан хэмээн үзсэн Исламын шашинт гэр бүлд өссөн цагаачийн хүүг төрийн тэргүүнээр залж байгаа ардчлалын өлгий орны ард түмний уужуу ухаанаас суралцая.

Америкт үндэстэн байхгүй юм чинь гэж л битгий мулгуутаарай тэд чинь тэрэнтэй тэрэнгүй хөгжөөд байна Суралцацгаая...

Аймаг сумын нутгийн зөвлөл, аймгийн оюутны холбоо ч гэх шиг аргаа барсан юм хийж цөөхөн мөртлөө олон салж байхар хэн бидэнд зөв зүйл хийж чадахаар байна түүнийг л сонгоцгооё...

Их богд Чингисийг хүндлэн дээдэлдэг шигээ Их монгол улсынхаа хөгжлийн төлөө нэгдэцгээе, нэгдэхдээ эвлэж нэгдэцгээе. Тулга жалавч тойсон урьдын болхи хэрүүлээ хаяж нэгдэцгээе туурга тусгаар улсынхаа хийморь заяаг түшиж нэгдэцгээе...

Нэгэн тэнгэрийн доор хаан хоёр байх учиргүй хэмээн өөрийн амиа анддаа өргөсөн Жамуха баатрын зориг итгэлийг санан байж нэгдэцгээе, өстөн дайснаас өчүүхэн хөвүүнийг өргөн авч өрлөг жанжин Шихихутуг болгосон Богд Чингисийн ухааныг дээдлэн байж нэгдэцгээе...

Төрийн тэргүүнийг сонгохдоо түүний гарал угсаа, шашин шүтлэг, төгрөг мөнгөнөөс ангид оршиж гагцхүү үнэн, хөгжил, эв нэгдлийг илэрхийлэгчээ олж сонгоцгооё... Сонгохдоо үнэн сүжиг итгэлээрээ шинжиж сонгоцгооё.

Хэрэвзээ Монголд Брак Хусейн Обама нэр дэвшсэн бол, хэрэвзээ бидний сэтгэхүйгээр Америкчууд сонгосон бол Усама Бин Ладений эхнэрийн хүргэн дүүгийн удмын хүн гэх маягийн юм ярьж тэнэгтэх байсан ч тэгээгүйгээрээ биднээс ялггаатай. Бас хөгжиж байгаагаараа давуутай.

Лалын нийгэм Америкийн хамгийн хүнд асуудал болоод байгаа энэ цаг үед Брак Хусейн Обамаг ард түмэн сонгож итгэл хүлээлгэлээ.

Тэгвэл бидэнд, Монголчуудад эн тэргүүнд юу хэрэгтэй байгаа, түүнийг хэн хийх боломжтой банйа түүнийг сонгоцгооё.

Улаанбаатарт метро барина. Усны цоргоноос сүү гоожуулна, хүн бүрт мөнгө өгнө гэсэн утгагүй биелэх боломжгүй зүйлсэд хууртадгаа яг одооноос больцгооё.

Манай шинэ ерөнхийлөгч монгол орныг минь хөгжүүлэх чадвар чадамжтай монголын төлөө цохилох зүрх, эр зоригтой нэгэн байгаасай хэмээн ерөөгөөд энэхүү нийтлэлээ өндөрлье...

 www.geree.mn