"Кармын сав"-нд байгаа шингэний эзэлхүүн хүний хураасан нүглийн хэмжээг илэрхийлнэ.

Нүгэл гэдгийг шашнуудын сургаал номлол, бидний дагаж мөрддөг ёс зүйн хэм хэмжээний үүднээс нүгэл гэж тооцогддог зүйлийг хэлээгүй юм шүү.

Жишээ нь, та хорвоогийн аливаа зүйлсийн тухай та өөрийн гэсэн бодол төсөөлөлтэй байдаг. Бодит амьдрал таны төсөөлж байгаагаас зөрж эхэлмэгц та ямар нэгэн сөрөг догдлол гаргаж эхэлнэ. Хэр тааруу сэтгэлийн хөдөлгөөн зөвшөөрөгддөг. Жишээ нь, ямар нэгэн зүйл таныхаар болохгүй байвал та түр зуур бага зэрэг уурлаж уцаарлаж болно. Эсвэл бүр нэлээд сайн хараагаад (болж өгвөл хэт зохисгүй үг хэрэглэлгүй) авсан ч болно. Энэ нь нүгэл болохгүй.

Харин удаан хугацааны хэт их сөрөг догдлолыг нүгэлд хамааруулж байгаа юм.

"Кармын сав"-ыг дор зурган дээр байгаа шиг ваарны, магадгүй бүр цүндгэр ширмэн сав гэж төсөөлж болох юм.

"Кармын саванд " байгаа шингэний эзэлхүүн хүний хураасан нүглийн хэмжээг илэрхийлнэ.

Хорвоогийн аливаа нэг зүйлд хэт утга учир өгч сөрөг догдлолд автаж эхэлмэгц "кармын сав"-ны дээрээс цутгах хэд хэдэн цоргоор шингэн цутгаж эхэлнэ.

Гэхдээ хүний нүгэл зөвхөн хураагдаад байдаг бол амьдрал их л богинохон байхсан. Иймд шингэн дээрээс цутгахын зэрэгцээ бидний бурхны өмнө хийсэн гавьяа зүтгэлийн хэрээр доошоо тусгай цоргуудаар гоожин гарна. Гарах урсгал нь бидний "кармын цэвэрлэгээ" гэж нэрлээд байдаг тэр зүйл болно.

"Кармын сав" тодорхой түвшиндээ хүртэл дүүрэхэд  (өөрөөр хэлбэл хүн тодорхой хэмжээний нүгэл хураахад) кармын хүмүүжүүлэх механизм ажиллаж хүний хэт утга учир өгч буй зүйлсийг нь ямар нэгэн байдлаар салган авна.

Хүн бүрийн кармын савны багтаамж дотоод энергийнх нь хэмжээнээс хамааран харилцан адилгүй өөр өөр байдаг бололтой.Төрөлхийн эрч хүч ихтэй, сэтгэлийн хөдөлгөөн ихтэй хүнийх хэлбэр хэвээрээ боловч хэмжээ нь том, дотоод энерги багатай, үлбэгэр номой хүнийх бага эзэлхүүнтэй байх жишээтэй.

"Кармын саван" дахь шингэний хэмжээ нэмэгдэхэд элдэв бэрхшээл зовлонгийн түвшин нэмэгддэгийг илүү тодорхой төсөлөхийн тулд та уг савны дотор байна хэмээн төсөөлөөд үз. Та өөртэйгөө яг чяцуу өндөртэй саван дотор зогсож байна.

Шингэний түвшин 50-60% хүртлээ дүүрсэн байхад та бага зэргийн саадыг мэдрэн зорилго руугаа чөлөөтэй явж чадна.

Шингэний түвшин цээжний дунд хэрд (80%) хүрэхэд бүх биеэрээ шингэний эсэргүүцлийг давж хөдлөхөд нэлээд хэцүү болно. Иймээс аливаа зүйлийг бүтээхэд маш их хугацаа, хүч зарцулах хэрэгтэй болдог.

Шингэний түвшин эрүүнд хүрэхэд (90%) хахаж үхчихгүй л байвал зорилгодоо хүрэх ч яамай болно.

Савны эзэлхүүний 93-95% дүүрэх нь та өлмий дээрээ зогсон арай ядан амьсгалж байна гэсэн үг. Хорвоогийн тухай бодох байтугай амьд л байвал их юм болно.

Хэрвээ та сүүлчийн хэдхэн амьсгал авах л үлдээд байгааг ойлгохгүй цухалдаж бухимдан саваа дүүргэсээр байвал шингэний түвшин ахиж, өчүүхэн дээшлэхэд л амьсгал авч чадахаа болино. Ингээд хүн бүтэж, өчнөөн сөрөг догдлол авчирсан энэ хорвоог орхин явна.

А.Свияш "Карма- Хорвоотой зохицон амьдрахуй" номоос

"Кармын сав" гэсэн ийм ойлголт байдаг юм байна. Дараагийн удаа яахаар шингэн дээд цоргуудаар урсан орж нэмэгдээд байдаг хийгээд ямар тохиолдолд доод цоргуудаар шингэн урсан гарч дундардаг тухай дэлгэрэнгүй бичнэ.

Та сонирхож байвал номыг бүрэн эхээр нь уншаарай. Өмнө нь уншаад мэдсэн хүмүүс нь дахиж уншихад, өмнө нь уншаагүй байсан хүмүүс ийм онол үзэл баримтлал байдаг юм байна гэж мэдээд авахад илүүдэхгүй болов уу.                

Кармын саваа дундалцгаая