ОХУ-ын иргэн Д.Ю.Усов, М.М.Федоров, М.С.Нимаев нар хар тамхи, мансууруулах бодис хэрэглэсэн, борлуулсан, хууль бусаар олж авсан гэсэн үндэслэлээр эрүүгийн хэрэг үүсгэн шалгасныг Сүхбаатар дүүргийн шүүхэд өчигдөр хэлэлцлээ. Д.Ю.Усов, М.М.Федоров нар 2007, 2008 онд нийтдээ таван удаа ОХУ-ын иргэн А.Андрееваас мансууруулах үйлчилгээтэй каннабисийн төрлийн ургамал авч хэрэглэсэн, бас монголчууд, ОХУ-ын иргэн М.С.Нимаев нарт худалдаж байснаа мөрдөн байцаалтын явцад хүлээжээ.

Мөн Д.Ю.Усовын гэрт нэгжлэг хийхэд энэ төрлийн бодис илэрсэн, М.М.Федоровын халааснаас шахмал болгож бэлтгэсэн гурван ширхэг каннабис илэрсэн аж. Шүүхийн хэлэлцүүлгийн явцад шүүгдэгч нар болон тэдний өмгөөлөгчид тэднийг анх байцаахдаа цагдаагийн ажилтан, дэслэгч Бат гэдэг хүн орчуулга хийж байсан. Тэр хүн буруу орчуулга хийж, худал зүйл бичсэн гээд мөрдөн байцаалтад буцаах хүсэлтээ илэрхийлсэн юм.

Шүүхийн хэлэлцүүлгийн явцад М.С.Нимаев “Улаанбаатараас Дархан-Уул аймаг руу явахдаа түүсэн” гэж мэдүүлсэн нь мөрдөн байцаалтад өгсөн мэдүүлгээсээ зөрж байсан юм. Түүнийгээ Д.Ю.Усовын гэрийн гадна байдаг вандан сандал дээр татаад улмаар унтсан байсан гэж мэдүүлж байсан бол Д.Ю.Усов “Цагдаагийнхан манайхаас хар тамхины төрлийн ургамал олоогүй. Би борлуулж байгаагүй. Цагдаагийн ажилтнууд манай гэрт нэгжлэг хийхдээ ээжийн хоол хийхдээ хэрэглэдэг укроп, петрушкаг эд мөрийн баримт болгон хурааж авсан. Тэд намайг дарамталж хэрэг хүлээлгэсэн” гэж тайлбарлаж байлаа.   

Энэ бүгдийн эцэст нотлох баримтыг шинжлэн судлаад шинжээчийн дүгнэлтэд гарын үсэг зураагүй, шүүгдэгч нар өмгөөлөгчөө сонгож авсан эсэх нь эргэлзээтэй гэсэн үндэслэлээр нэмэлт мөрдөн байцаалтад