Сайн байна уу? Миний бичсэн зүйлийг уншиж байгаа эрхэм танд энэ өдөр, цаг үеийн  мэндийг хүргэе. Миний  найз 10 жилд байхдаа царайлаг, алаг нүдтэй хөөрхөн охин түүний араас хөвгүүд гүйлддэг байлаа. Тэр 10 ангид байхдаа нөгөө ангийн хөвгүүнтэй үеэрхэж түүнтэйгээ гэрлээд, 2 хөөрхөн хүүтэй болсон. Мэдээж хүний амьдралд байдаг аар саар хэрүүл уруул, униж туних юм зөндөө л байдаг байсан гэхдээ бололцоондоо тааруулаад амьдралаа зохицуулаад  л амьдарч байсан. Нэг л өдөр хэрүүлээс болоод нөхөр нь явчихсан. Найз маань "Тэр гэртээ ирэхгүй байгаа надаар гуйлгах гээд байгаа юм байлгүй, би гуйхгүй  байгаа гэж ... ". Би ч тэгж байгаад эвлэрчих байлгүй гэж бодоод тоогоогүй.  Тэгсэн нөхөр нь 8 эгч, олны танил хүмүүсийн эгч, мөнгөтэй  хүүхэн дээр ороод суучихсан байсан. 12 жил ханилсан хань нь өөрийг нь, 2 хүүгээ хуурсаныг мэдээд амьдрал түүнд ямар хатуу хандсаныг мэдсэн. Тэр залуу өнгө, мөнгөний хорвоог үнэхээр мэдэрдэг нэгэн байсан юм байна л даа. Түүнд 8 эгч хүүхэнд биеэ үнэлээд, тэжээвэр  гөлөг шиг амьдрах амьдрал нь хар багаасаа ханилсан хань, 2 хүүгээс нь илүү байсан юм байхдаа... Ээ хөөрхий гэж. Тэгсэн мөртлөө тэгж байгаад эргээд ирнэ гэдэг гэсэн яаж хэлж чадаж байна аа. Найз минь 2 хүүгээ өсгөөд, ганцаараа амьдрана гэж ярьдаг, 32 насандаа бэлэвсэн амьдралыг сонгож байгаа нь юутай харамсалтай. Би энэ тухай  бичихдээ найздаа хэлж, зөвшөөрөл авсан, та уншаад өөрийн зөвлөгөөгөө  харамгүй өгөөрэй. Та бүхэнийг амьдралд ухаалаг хандаж, зөв сонголт хийж, амьдралыг хайрлаж амьдрахыг хүсье.