Батнэгдэл холбооноос БНСУ-д амьдардаг 8-18насны Монгол хүүхдүүдийн дунд судлагаа явуулж байна
Уншсан 23326 vote 0 2010.04.26 16:21:17Батнэгдэл холбооноос БНСУ-д бага-дунд-ахлах сургуульд сурдаг болон сургуулиас завсардсан хүүхдүүдийн дунд судлагаа явуулах гэж байна.
Батнэгдэл нь БНСУ-д ажиллаж амьдардаг Монгол ажилчдын хүний эрхийг хамгаалахын тулд эвлэлдэн нэгдсэн Монгол иргэдын холбоо юм. Энэ удаад Солонгосын хүний эрхийн хорооноос Монгол хүмүүст маш их хэрэгтэй судлагаа явуулах гэж байна. Иймээс та бүхнийг идэвхтэй оролцохийг хүсч байна.
Солонгост хэдэн жилийн өмнөөс “олон соёлт гэр бүл” үүсч, Солонгост амьдарч байгаа гадаад хүмүүсийн дунд олон төрлийн бодлого боловсруулан гарган гүйцэтгэж байгаа билээ. Ийм учраас хэдэн жилийн өмнөхтэй харьцуулахад гадаад хүмүүсийн ахуй амьдрал болон хүний эрхээ хамгаалах асуудал ихэд дээрдсэн билээ. Хэдийгээр дээрдсэн ч дутагдалтай талууд ч байгаа. Үүн дотроос Монгол хүмүүсийн хамгийн чухалд тооцдог хүүхдийн боловсролын асуудал юм.
Одоо Солонгосын хуулинд Солонгос хүнтэй гэрлэсэн гадаад хүний солонгост төрсөн хүүхдүүдийг Солонгос хүүхдүүдээс явгаварлан гадуурхахыг хориглосон байдаг. Гэтэл Солонгос хүнтэй гэрлээгүй хүмүүсийн хүүхдүүд, ялангуяа ажил хийж амьдардаг гадаад эцэг эхчүүдийн хүүхдүүд Солонгост сурч боловсроход олон төрлийн бэрхшээлүүд байдаг.
Эцэг эх нь хоёулаа гадаад, Солонгост төрсөн одоо сургуульд сурч байгаа болон сургуульд сурч байсан хүүхдүүд, гадаад эцэг эхчүүд Солонгост ажиллаж байх хугацаандаа хүүхдээ ( визтэй, визгүй хамаагүй ) авчираад Солонгосын сургуульд сурч байгаа хүүхдүүд, цагаачлах эрх авахад өргөдөл өгсөн цагаачдын хүүхдүүд, эх орондоо гэрлэлт цуцалуулсны дараа Солонгос иргэнтэй гэрлэн хүүхдээ авчираад Солонгос сургуульд сурдаг хүүхдүүд, үүнээс гадна ямар нэгэн шалтгаанааар улсын харъяалалгүй болсон хүүхдүүд зэрэг олон хүүхдүүд байгаа билээ.
Солонгосын засгийн газар ийм хүүхдүүдийн дунд сургуулийн 8-18 насны 12мянга орчим хүүхэд байгаа гэж үзэж байна. Гэтэл энэ хүүхдүүдийн дотроос 1400 орчим нь л сургуульд сурч, үлдсэн нь сургуулиас завсардсан байна. Энэ нь хүүхдийн ирээдүйг балласан хамгийн муу үзэгдэл бөгөөд Солонгосын нийгэм болон манай Монгол улсад ч муу нөлөө үзүүлсэн асуудал юм.
Энэ асуудлыг чухалчлан үзэж, Солонгосын хүний эрхийн хорооноос зохион байгуулж гадаад ажилчдад туслах төвүүдийн нийгэмлэг ( Солонгос дахь гадаад ажилчдад тусладаг 38 төрийн бус байгууллагуудийн сүлжээ ) бодит байдлын судлагааг гардан хийж байна. Судлагааны зорилго нь оршин суух эрхтэй хамааралгүйгээр Солонгост амьдардаг бүх хүүхдүүд сурч боловсрох эрхтэй бөгөөд хүүхдүүдийг сурч боловсроход бэрхшээлтэй байгаа асуудлуудыг арилгахын төлөө юм.
Энэ судлагаагаар дээрх болзолд багтсан 150хүүхэд ( 100 эцэг эх ) тэй уулзах юм. Судлагаанд оролцлоо гээд шууд визгүй хүүхдүүдэд виз өгөх, Солонгос хэл мэдэхгүй хүүхдэд Солонгос хэлний хичээл заах гэж байгаа биш юм. Энэхүү судлагааны хариу нь Солонгосын хуулийн тогтолцоог өөрчлөх баримт болно.
Солонгост байгаа гадаад хүүхдүүдийн дотор монгол хүүхдүүд хамгийн их байгаа бөгөөд Солонгос сургуульд дасан зохицож чадахгүй байгаа хүүхдүүд ч нэлээд бий. Эдгээр хүүхдүүдийн эцэг эхчүүд Солонгосын боловсролын тогтолцоо, сургалтын талаар ярих зүйл их байгаа гэж бодож байна. Тийм учраас энэ удаагийн судлагааг Батнэгдэл холбоо хамтран хийхээр болсон.
*Агуулга : 1-2цаг орчим ярилцлага хийнэ. Ярилцлагын агуулга нь сургуульд сурахад ямар бэрхшээлтэй асуудал байдаг талаар хийх болно.
* Оролцох хүрээ : 8-18насны сургуульд сурч байгаа болон сурч байсан доорхи хүүхдүүд , сургуульд сурч байсан хугацаа нь богино байсан ч болно.
1. Эцэг эх нь албадан баривчлагаанд өртөж байсан хүүхдүүд
2. Эцэг эхийн нэг нь Солонгосын иргэнтэй гэрлэсэн хүүхдүүд
3. Эцэг эхийнх нь нэг нь Солонгос иргэнтэй гэрлэсэн Солонгост төрөөд гадаадад амьдарч байгаад ирсэн хүүхдүүд
4. Солонгост ажиллахаар ирсан гадаад ажилчдын хүүхдүүд ( оршин суух эрхтэй эрхгүй хамааралгүйгээр )
5. Улсын харъяалалгүй хүүхдүүд
* Дээрхи хүүхдүүдтэй эцэг эхчүүд болон хүүхдүүд Батнэгдэл холбооны 02-3785-0422, 010-7129-0021 утсаар холбогдохыг хүсэж байна.
* Ярилцлага өгсөн хүүхэд болон эцэг эхчүүдийг хувийн нууцыг ( паспортын дугаар болон, утасны дугаар ) чанд хадгалах болно.
* Хүүхдүүд найзуудтайгаа найзынхаа эцэг эхтэй хамт олуулаа ярилцлага өгч болно.
* Амьдардаг газар нь заавал Сөүл биш байсан ч болно. Эхлээд утсаар холбогдоно уу.
* Ярилцлага хийсан хүүхэд болон эцэг эхэд 5000вон орчмын бэлэг өгнө.
* Ярилцлагыг 5сараас эхлэн 1сарын хугацаатай хийх бөгөөд 5сарын 15ны өдөр хүртэл бүртгэнэ.
- Холбоотой бичлэг :
- http://www.mglclub.com/3084593/280/trackback
0-8 nasnii huuhedtei humuus yah ve?