Толгой өвдөхөд эм хэрэглэж эдгээдэгтэй адил тохирсон шампуниа сонгон хэрэглэвэл үс эрүүлждэг-

Эрүүл, торгомсог гялалзсан үс ямар ч бүсгүйг наснаас нь залуухан, дур булаам харагдуулдаг. Тиймээс хамгийн чадварлаг гэсэн үсчинээр үсээ засуулан өөрт тохирсон хэв маягийг бий болгож, өнгө алдсан үсэндээ маникюр хийлгэж сэргээлгээд л, товчоор хэлбэл үс арчилгаатай холбоотой асуудлаа хялбархан шийдчихэж болно.

Гэхдээ мэргэжлийн, дээд зэргийн салонд ороод тэр дор нь шийдүүлчихэж чадахгүй нэг асуудал бол хагтай үс. Брэндийн үнэтэй хослол өмсөж, үсээ гоё засуулсан дэгжин залуу, сайхан бүсгүй хэн ч байсан үс нь хагтай бол бусдад таатай сэтгэгдэл төрүүлдэггүй. Өөрт нь ч тээртэй. Тиймээс олон хүн хагнаасаа хэрхэн ангижрах вэ гэж толгойгоо гашилгадаг.

Уншигч та бүхэндээ "Vidal sasoon" салоны ерөнхий захирал, үсчин Д.Одонгоотой хаггүй, эрүүл үстэй байх талаар ярилцсанаа хүргэж байна.

-Хүн бүхэн эрүүл, сайхан үстэй байхыг хүсдэг. Эрүүл сайхан үстэй байх нууц нь юунд байдаг вэ?
Эрүүл сайхан үстэй байх хамгийн энгийн хэрнээ чухал жор бол өөрийн үсний онцлогт тохирсон шампуниа сонгон, үсээ зөв угаахаас эхлэнэ. Өөрөөр хэлбэл үсээ шампуньдсан болоод усаар булхаад орхих биш шампуньд агуулагдах эрдэс бодисуудыг үсэндээ шингээхийн тулд 3-5 минут орчим хуйхандаа массаж хийн угаах нь зүйтэй. Будаг, химитэй үсэнд ангижруулагчийг заавал хэрэглэх хэрэгтэй.

Учир нь шампуниар угаасны дараа үсний бүрхүүлийн хайрсан давхаргууд нээгддэг бол харин ангижруулагчаар угаасны дараа эргээд хаагддаг. Ингэснээр үс торгомсог, зөөлөн болдог.

Бүсгүйчүүдийн санааг зовоодог зүйл бол үсний хаг. Хагыг арьсны нэг төрлийн өвчин ч гэж хэлдэг.

Хаг нь хуйхны эсүүдийн хэт хурдан шинэчлэгдэн солигдох болсны үр дагавар юм. Хагтай мөртлөө тол­гойн хуйх улайхгүй, өвдөхгүй байгаа бол энгийн хаг гэсэн үг. Харин хаг ихтэй, хуйх загатнаж, толгой угаасны дараа хуйханд хайрс хэлбэрийн тав үлдэж байвал үүнийг арьсны өвчний нилээд хүнд хэлбэр гэж ойлгож болно.

Хаг нь хажирс зэрэг өвчнийг дагалдан үүсдэг тул үс, арьс судлаач эмчид үзүүлэхэд илүүдэхгүй. Анагаах ухаанд Malassezia globosa гэдэг мөөгөнцрийг хагны үүсгэгч гэж үздэг. Хөлс нь гадны хүчин зүйлтэй исэлдэж хуйх загатнах, цочрол үүсэх гол шалтгаан болдог.



-Үс яагаад хагтдаг вэ?
Өөх тос, бодисын солилцооны өөрчлөлт, дотоод эрхтний үйл ажиллагаа доголдсоноос болж үс хагтдаг. Мөн бидний өдөр тутмын амьдралын хэвшил, орчин нөхцөлөөс тодруулбал утаа тортог, стресс, агаарын бохирдол, хлортой ус, чанаргүй хүнс, амин дэмийн дутагдал, зуны цагт наранд хэт халах, шампуниа буруу сонгосон зэрэг нь үс хагтах нөхцөл болдог. Үүнийг эмчлэхийн тулд заавал хагны эсрэг зориулалтын шампун хэрэглэх нь зүйтэй. Хамгийн гол нь шампуниа өөрийн үсний онцлогт, төрөлд тохируулан зөв сонгох шаардлагатай гэдгийг дахин онцолмоор байна. Учир нь бид толгой өвдөхөд эм хэрэглэж эдгээдэгтэй адил тохирсон шампуниа сонгон хэрэглэснээр үсээ эрүүл болгоно. Дараа нь хэвийн үсний шампунь хэрэглэх ёстой.

Хагны эсрэг гэсэн заавартай олон шампунь байдаг болохоор сонголт хийхэд төвөгтэй санагддаг. Олон жилийн туршлага дээрээ үндэслээд манай уншигчдад зөв сонголт хийхэд туслана уу.

Би үйлчлүүлэгчдэдээ монголчуудын үсэнд хагны эсрэг Novid шампунь сайн нөлөө үзүүлдэг гэж зөвлөх дуртай байдаг. Мөн манай орон эрс тэс уур амьсгалтай болохоор зун нарны хэт ягаан туяа болон халуунаас болж үс хугарч өнгөө алддаг, өвлийн улиралд үс ч бас даардаг тул малгай өмсөх хэрэгтэй. Харин хавар намар үс хуурайшиж хагтдаг тул үсээ зөв арчилах хэрэгтэй.

-NOVID шампунийг яагаад хагны эсрэг хамгийн сайн “эм” гэж нэрлэж байгаагийн учир нь юу вэ?
Монголын зах зээл дээр худалдаалагдаж байгаа шампуниуд найрлагандаа Zinc Pyrithione агуулсан байдаг бол NOVID шампуний найрлага дахь Zinc Pyrithione болон Climbazole –ийн хосолсон үйлчилгээ нь хагны эсрэг энгийн шампунитай õарьцуулахад хагыг 2 дахин илүү устгаж, хуйхыг идэвхтэй эмчилдэг. Чухам энэ найрлага нь толгойн эд эсийн хуваагдах явцыг саармаржуулж, хагыг арилгадаг.

ZPT бүхий шампунь нь чийгшүүлэх, тэжээл өгөх, өнгийг сэргээх зэрэг үсний гоо сайхны асуудлыг давхар шийддэг бол Climbazole- элдэв харшил, тууралтаас хамгаалдаг. Мөн микробны эсрэг идэвхтэй үйлчилгээ үзүүлдэг ч хүний үсэнд хэрэгтэй микробийг устгадаггүй, мөөгөнцрийн нянг л устгадаг. Эцэст нь зөвлөхөд шампуний сонголтоос гадна бие организмын бодисын солилцоог хэвийн болгодог В6, Е, D, А аминдэмүүдийг агуулсан хоол, хүнсийг амьдрал ахуйдаа түлхүү хэрэглэх хэрэгтэй гэж зөвлөмөөр байна.