Хүүхэд хэрхэн нүдээ анин, эрхий хуруугаа хөхөж байгаа нь хэт авианы аппаратын дэлгэцэн дээр тод харагддаг билээ.
Ээжийнхээ хоолойг холоос бүдэгхэн сонсон, амар тайван бойжно.
Таны дотор шинэ амьдрал эхэлснээс хойш 6 сар болжээ. Дахиад 3 сарын өнгөрөхөд таны зүрхэн дороо тээж буй хүүхэд төрөн, гэр бүлдээ зохих байраа эзлэх юм.
Харин одоохондоо тэр энэ жижигхэн газраас гарч дэлхий ертөнцтэй танилцахаа тэсэн ялан хүлээнэ.
4 сартайгаасаа эхлэн хүүхэд хөдөлж эхэлдэг бөгөөд, харин хэдхэн сарын дараа, танд, таны гэдсэнд боксчин орсон мэт санагдуулмаар хөдлөнө. Тэр зөвхөн хөдлөх биш, эргэн тойрноо идэвхтэй мэдрэх бөгөөд сонсдог байна.

Тэр сонсож байна
Жирэмсний 2 дахь хагасаас эхлэн хүүхэд чанга дуу чимээг мэдэрч, хариу үйлдэл хийнэ. Энэ нь зүрхний цохилт хурдсах, хөдөлгөөний хурд өөрчлөгдөх зэргээр илэрнэ. Сонсголын эрхтэн хурдацтай хөгжиж эхлэх бөгөөд 26 долоо хоногоос эхлэн төрөл бүрийн дуу хоолойг ялгах чадвартай болно.

Төрөх хүртэл сонсгол чухал үүргийг гүйцэтгэнэ. Авиан мэдээлэл хэр авах нь хэвлийд хэрхэн байрлаж буйгаас хамаарна. Хэрвээ хүүхэд доошоо харсан байвал эргэн тойрноо илүү сайн сонсох юм. Харин эсэргээр дээшээ харвал, гадаад ертөнцөөс илүү эхийн зүрхний цохилтын хэмнэлийг сонсдог байна.

Хүүхэд 2 төрлийн авиа сонсоно дотоод ба гадаад. Мэдээж таны хэвлийд их дуу чимээтэй байна цус гүйнэ, зүрх цохилно, хоол боловсорно, бас та өөрөө ярина. Сүүлийн 3 сараас эхлэн хүүхэд бусад хүмүүсийг болон гадаад дуу чимээ сонсож эхэлдэг байна. Хэрэв та сонгодог хөгжим тавибал тэр тайвширна, харин хурдан буюу хэмнэлттэй хөгжим сонсговол улам их хөдөлж, бүжиглэх маягтай болдог юм. Хүүхдийн яаж сонсох нь зөвхөн түүний байрлалаас гадна эхийн биеийн жингээс болон усны хэмжээнээс хамаарна. Эмэгтэйчүүд голдуу бэлхүүс хавиар таргалдаг учир, өөхөн давхарга гадаад ертөнцийг сонсоход бэрхшээд учруулна. Хэрэв та ус ихтэй бол дуу чимээг саармагжуулж өгнө. Харин бага бол хүүхэд илүү сайн сонсоно. Таньд хэвлий дэх хүүхэд юу сонсдог нь сонирхолтой байвал, дүүрэн устай ваннд бүтэн биеээрээ орж бусад хүмүүсийн ярихыг чагнаарай.

Тэр амт мэдэрнэ
Учир нь 5 сараас 7 сарын хооронд түүнд нарийн амт мэдрэх эсүүд, нас бие гүйцсэн хүнийхээс хэд дахин илүү байдаг байна. Харин төрсний дараа тоо нь эрс багасдаг юм. Энэ явдлыг эрдэмтэд судлан тайлбарлахдаа, магадгүй ийм амтны нарийн мэдрэмж хүүхэд төрсний дараа түүнд хэрэггүй болдогоос яваандаа үхэждэг гэжээ. Мэдээж хэвлий дэх хүүхэд, эхийн хоолыг хүйсээрээ дамжуулан авна, өөрөө амаараа идэхгүй, гэхдээ савны ус идэвхитэй амталж мөн шээнэ. Энэ явдал нь түүний бөөр бодон уушганд хэрэгтэй. Хэвлийн усанд олон төрлийн бодис оршино, тэр дундаа чихэр ба давс. Хүүхэд алинд нь илүү дуртай байхыг мэдэхийн тулд, эрдэмтэд нэгэн туршилт хийжээ. Тэд хиймлээр савны усанд давсны орцыг ихэсгэхэд, хүүхэд усыг дурамжхан ууж харин сахар ихэсгэхэд дуртай ууж байв.

Тэр хардаг
Мэдээж хэвлийд хараад байх юм үгүй. Тэгээд ч эхийн гэдэсний хана болон хувцас нь нарны гэрлийг сайн хааж өгнө. Хэрвээ эх гэдсээ хурц наран дор байрлуулбал хүүхэд зөвхөн бараан улаан өнгө харна. Хүүхдэд нарны гэрэл тааламжгүй байдаг бөгөөд гэрлээс зугтаж байрлалаа өөрчилдөг нь хэт авиан дэлгэцэн дээр тод харагдах билээ. Гэхдээ тэр нүдээ үргэлж аниастай байх бөгөөд, зөвхөн 9 дөх сарын сүүлээр л гүйцэд төлжиж, юм харахад бэлэн болдог байна. 16 долоо хоногоос эхлэн, хүүхдийн зовхи хөдөлж эхлэх бөгөөд, 26 долоо хоногоос үе үе нүдээ нээж эхлэх юм.

Тэр мэдэрч байна
10 долоо хоногоос хүүхэд өөртөө хүрэхийг мэдэрч эхэлнэ. Дараа нь тэр хөдөлж эхлэн, өөрийнхөө биеийг сонирхоно. Энэ явдлыг хэт авиан дэлгэцээр ажиглахад, тэр нүүрэндээ хүрч, хөл гараа нугалж тавина. Хүүхэд дуртай нь аргагүй эрхий хуруугаа хөхөн, хүйсээрээ тоглоно. Харин ихэр хүүхдүүдийг ажиглахад тэд байн байн нэгнийхээ толгойг илэх бөгөөд цохидог байна. Тиймээс хэрэв та хүүхдийнхээ мэдрэмжинд эргэлзэж байвал, гэдсэн дээрээ гараа тавь, тэр хариуд нь шууд л цохино.

Тэр өвдөлтийг мэдрэнэ
24 долоо хоногоос эхлэн хүүхэд өвдөлт мэдэрч эхэлнэ. Тиймээс төрөөгүй хүүхдэд хагалгаа хийхдээ зайлшгүй хүйсээр дамжуулан унтуулах тариа хийдэг байна.

Харин 40 долоо хоногийн дараа тэр төрж ээжийгээ бүхий л талаар, бүх мэдрэмжээрээ судалж эхэлнэ дээ. Ээжийгээ сонсож, сүүг нь хөхөж, нүүр рүү нь анхааралтай харж, ээжийнхээ гарыг илэхийг тааламжтай мэдэрнэ