Арлын оронд нэрээ дуурсгаж яваа сумоч Хакухо маань Монгол охидуудынхаа зүрх сэтгэлийг шархлуулан харь орны (япон) хүргэн болсон гэдгээ зарласан билээ. Сэтгэлд нэг л гунигтай санагдав. Монгол түмний хайр хүндэтгэлээр өлгийдүүлэн, бурхан шүтээнтэй нь адилтгуулж залагдсан монгол эрчүүд яагаад харийн хүүхэн өвөртлөх болов.Халхын өргөн уудам нутгаас Даваажаргал хүүгийн өрхийг татах монгол бүсгүй олдохгүй болоо юу. Монгол бүсгүйчүүд эртнээс нааш мэргэн ухаан, ааш ааль, царай зүсээрээ хэний ч аавын хүүд өнгө шилэгдэж явсангүй. Харин өдгөө цагт Мөнхбат аваргын хүү Даваажаргалд гологджээ, манай xүүхнүүд. Аварга Мөнхбат хүүгээ Саёко Вадо гэдэг бүсгүйтэй гэрлэж, удахгүй ачаа тэврэх болсноо сонсоогүй гэсэн байх юм. Цогт тайж, хүүгээ харийн бүсгүйн өнгөнд хууртаж, шашин төрөө алдсанд сэтгэл нь хэрхэн өвдөж байлаа. Яг л түүнтэй адил Мөнхбат аварга бөхөө дээдэлдэг ард түмэндээ юу гэж тайлбарлах учраа ололгүй, самгардсан биз. Өнгө мөнгөний хойноос сайхан эцгийнхээ нэрийг балалсан сумогийн аварга маань гэрлэлтээ жил гаруйн хугацаанд нууцалсан нь удахгүй амаржих гэж байгаа эхнэрийнх нь байдал гэрчлэв. Харин харийн иргэнтэй дэр нэгтгэснээ ард түмэндээ ямар байдлаар яаж дуулгах вэ гэдгээ Хакухо их л удаан бодсон бололтой. За одоо олон юм нуршаад яахав, нэгэнт гаргасан шийдвэр болохоор… Хакухогийн хадам аавын талаар японы хэвлэл мэдээллийн сувгуудаар хэрхэн бичсэн талаар сонирхож үзлээ.
Томоёоши Вадо гэж хэн бэ?
Хакухогийн сүйт бүсгүй Токүшима мужаас гаралтай 22 настай Саёко Вадогын аав Томоёоши Вадо нь японы сумогийн ертөнцөд нөлөөтэй, японы нэртэй бизнесменүүдийн нэг Токүшима мужийн хэд хэдэн томоохон компанийн ерөнхийлөгч удирдах зөвлөлийн гишүүн үүсгэн байгуулагч, Асашёруг дэмжигчдийн нийгэмлэгийн тэргүүн юм байна. Нэг сонин зүйл бичсэн байхын 2006 онд японы дунд сургуулийн охидуудад мөнгө өгч нүцгэн зургийг авч цуглуулдаг байсан нь илэрч цагдаад баригдаж байжээ. Энэ хэргийнхээ төлөө дунд сургуулийн охидуудыг садар самуунд уруу татсан үндэслэлээр шийтгэгдэж, мөн сумогийн холбоотой холбоо тасарсан гэж бичжээ. Энэ хэрвээ үнэн бол Хакухогийн хадам аав нилээд гаж зуршилтай, хүнд гаруудын нэг бололтой.
Хакухогийн сонголт хэн нэгний хүсэл шаардлага уу?
Хакухо сүйт бүсгүйтэйгээ их аваргын хуриман дээр анх танилцжээ. Японы нөлөө бүхий баян айлын охин Даваажаргалтай ямар зорилгoop учир ургуулсан нь сонин. Энэ нь Монгол хүний цусан дахь бөхийн гөнийг авч улдэх Япон улсын бодлого байж болох. Хакухо Япон улсын иргэн болох үгүйгээ хараахан шийдээгүй байгаа гэж байгаа ч Японы иргэн болох нь тодорхой болж байгаа аж. Монголын сумочид өөрийн орных нь сумочдыг өөд нь гаргахгүй байгаад эгдүүцсэн японы “якүза” нар их аварга Дагвадоржийг сүрдүүлсэн удаа бий. Үүн шиг зүйл Хакуход тохиолдсон байж магадгүй гэх хүмүүс олон байх юм. Тэр ээжийнхээ өврөөс алсыг зорьсон жаахан хүү Даваажаргалын ээж Тамирын хэлснээр эхийнхээ өврөөс шууд л арлын улсыг зорьсон бяцхан хүү өнөөдөр эрийн цээнд хүрч эцгийн нэрийг дуурсгаж явна. Тэр одоо бяцхан хүү биш нас биед хүрсэн ханхар эр шүү дээ. Тиймээс эрийн цээнд хүрсэн хүнд юм юм л хийх шаардлага гарна. 16-хан настай явсан тэр хэзээдээ Монгол охидтой танилцах билээ. Түүний нүдэнд хаашаа л харна майжиг хөлтэй Япон охид харагдаж байгаа юм чинь тэр дундаас аль гайгүй, өөртөө таалагдсантай нь л дотносохоос өөр яах билээ. Хүний хайр хүсэл гэдэг угаасаа сохор байдаг юм чинь хэнтэй ч суусан яадаг юм гэж зарим нэг нь Хакухог өмөөрч байх юм.
www.sumoforum.net
