Солонгосын уламжлалт эртний аргаар барьсан байшинг Хануг гэж нэрлэдэг. Солонгосын эртний байшингийн хэлбэр, бүтэц нь байгальтай зохицсон. Байгалийн материалыг тэр чигээр нь барилгын материал болгон хэрэглэдэг байжээ. Голдуу чулуу, мод, шавар зэргийг барилгын материал болгож хэрэглэж байсан ба хаалга, цонхонд цаас нааж улам үзэсгэлэнтэй болгодог. Дээврийг шавар шатааж, тодорхой хэлбэр гарган хийсэн гива юм уу эсвэл сүрлээр хучиж хийдэг байв. Ийнхүү шавар дээвэр болон сүрлэн дээвэртэй солонгос эртний орон сууцанд байгальтайгаа зохицон амьдарч ирсэн өвөг дээдсийн маань амьдралын ухааныг мэдэрч болно. Гива дээвэртэй байрны хашаа барихдаа эхлээд шавар шороогоор барьж дугуйлсны дараа түүн дээр бөөрөнхий гивагаар хучиж, сүрлэн дээвэртэй байшингийн хашааг бут, бусад модоор барьдаг байв. Хоёр тийшээ гүйж онгойдог өрөөний хаалгыг цаасаар нааж, агаар салхи нар сайн нэвтрэхээр хийсэн ба шал нь доороосоо халахаар зориулалттай хийсэн. Өрөөний пийшэнг голдуу гал тогооны өрөөнд байрлуулах ба гал тогооны өрөөний хажууд хамгийн том өрөөгөө барьдаг байлаа. Ханыг шавраар хийдэг байсан ба шавар нь хүйтэнд хамгийн тэсвэртэй, халуунд өрөөг сэрүүцүүлдэг байна. Түүнчлэн Ханугт цэцэрлэг байх ба голдуу байгалийн тогтоцыг хэвээр нь гаргаж илэрхийлэх хэлбэрээр зохион байгуулагдсан. Дээдсийнхэн цэцэрлэгээ байгальтайгаа зохицуулан улам сайхан тохижуулдаг байв. Энгийн харцынхан хоёр талдаа өргөн талбайтай ба байшингийн хойд наран талдаа кимчи болон ногоо даршлах ваарнуудыг өрж байрлуулж, ойр хавиар нь, түүнчлэн гэрийн хоёр талын өргөн талбайд цэцэг тарьж арчилдаг байв. |