Солонгосчуудын амьдралын хэв маягт тохирч хийгдсэн Солонгосын уламжлалт хувцас Ханбуг нь солонгос соёлын билэгдэл билээ. Хүний биеийн галбирын дутагдалтай талыг сайн дарагдуулдаг. Ханбугийн гол үзэсгэлэн нь цээжээр өмсдөг цээживч болон гутлын хоншооронд оршдог. Түүнчлэн цээживчний заханд давхар цагаан зах оёж өмсөх нь хувцасны тэнцвэрийг барьж, ханбугийг улам тансаг болгоно. Ялангуяа цагаан торгон ханбугтай солонгос эмэгтэйн төрх нь түүний цэвэр ариун шинж, гоо сайхныг улам гэрэлтүүлдэг. Ханбугийг гоо сайхан харагдуулж өмсөхийн тулд дотуур хувцсыг нь хослуулж өмсөх хэрэгтэй. Ханбугийн үндсэн өнгө нь цагаан өнгө бөгөөд улирал, ёслол, заншилыг даган хийц, материал нь өөр өөр. Орчин үед баяраар болон гэр бүлийн ёслолд Ханбугийг өмсч, энгийн үед европ хувцас өмсөх болсон ч сүүлийн үед орчин үеийн амьдралын хэв загварт тохируулсан биед эвтэйхэн Ханбугуудыг их хийж байгаа болохоор жирийн үед ч өмсөх хүмүүс олширч байна. | | | | |
|
|
|
|