~~E-9, E-10 гэрээний визнээс F-2-6 оршин суух

             визээр солиулхад тавигдах шаардлага~~

Гадаад иргэдийн асуудал хариуцах төвийн зөвлөгчдөөс та бүхэнд үнэн зөв мэдээллийг хүргэж байна.

ГАДААД АЖИЛЧИН ОРШИН СУУХ ЭРХ АВЧ БОЛОХ ТУХАЙ

Солонгос улсад 5-аас доошгүй жил мэргэшлийн бус хөдөлмөр эрхэлсэн, хууль зөрчөөгүй, тогтоосон шаардлагыг хангасан ажлын дадлага туршлага, чадвартай тодорхой хэмжээний цалин орлого бүрдүүлж чадсан гадаадын ажилчдыг шалгаруулж, урт хугацаагаар оршин суух эрх олгож байхаар өнгөрсөн 2007 оны 6 сарын 1-ний өдөр “Цагаачлалын Албаны Хууль”-д нэмэлт өөрчлөлт оруулсан байна. Үүнд 3-н жил болоод монгол буцалгүйгээр солонгост виз нь 1жил 10-н сараар сунгагдаж буй иргэд огт хамааралгүй болно.

Дээрх ангилалд хамрагдах нөхцөл, тавигдах шаардлага

Сүүлийн 10 жилийн дотор үйлдвэрлэлийн дадлагажигч болон мэргэшлийн бус ажилчин E-9, усан онгоцон дээр ажиллах ажилчин E-10 визтэйгээр 5-аас доошгүй жилээр аж үйлдвэр, барилга, хөдөө аж ахуй, загасны аж ахуйн салбарт ажиллаж байсан иргэд [Ажлын байраа хэдэн удаа ч хамаагүй солисон байж болно зөвхөн нэг салбартаа ажилсан иргэд хамрагдана.]

▶доорх 4-н нөхцөлүүдийг бүрэн хангасан тохиолдолд өргөдөл гаргаж болно. Үүнд:

1) Солонгосын аж үйлдвэрийн хүний нөөцийн албаны шалгаруулалтад тэнцэн, Хүснэгт 1-д заасан инженер, техникчийн мэргэжлийн үнэмлэх эзэмшсэн эсвэл сүүлийн 2 жилийн турш авсан жилийн дундаж цалингийн орлого нь ажилчин хүний жилийн нийт цалин (12 сарын цалингийн нийлбэр)-аас дээш байх.

[Хүснэгт 1-д заасан инженер, техникчийн мэргэжлийн үнэмлэхний талаарх мэдээлэл доор хүснэгтээс харж болно. Жч: Үйлдвэрт ажилладаг ажилчин үйлдвэрийн мэргэжлийн үнэмлэхтэй байх, барилга дээр ажилладаг иргэд тухайн салбарын мэргэжлийн үнэмлэхтэй байх гэх мэт.] 2) Тухайн хүн болоод хамт амьдрагч гэр бүл нь 20 сая воноосдээш хөрөнгөтэй, амьдралын баталгаатай байх.

3) БНСУ-ын Иргэний хуульд заасны дагуу насанд хүрсэн иргэн байх.

4) Солонгосын Боловсролын үнэлгээний газраас эрхлэн явуулдаг Солонгос хэлний түвшин тогтоох шалгалтын 3 дугаар зэргээс дээш шатанд тэнцсэн байх. Гэхдээ 1-р зүйлд заасан инженер, техникчийн мэргэжлийн зэрэг тэр дундаас үйлдвэрлэлийн техникчээс дээш зэрэгтэй, мөн БНСУ-ын “Бага, дунд сургуулийн тухай хууль”, “Ахлах сургуулийн тухай хууль”-нд заасан ахлах сургууль, мөн дээд сургууль (үйлдвэрлэлийн сургууль, боловсролын дээд сургууль, мэргэжлийн дээд сургууль, радио телевиз, харилцаа холбооны дээд сургуулиуд хамрагдана)-ийн сургалтын програмыг 2 болон түүнээс дээш жилийн хугацаанд суралцан диплом авсан бол энэ шаардлагад үл хамаарагдана.

▶ 1-д заасан “цалингийн шаардлага”-ыг хангасан бол таваас доошгүй жил ажиллахдаа гурваас дээш жил нь нэг салбартаа тогтвортой ажилласнаа баталгаажуулсан байх ёстой. [1 салбартаа гэдэг нь 1 үйлдвэртээ гэсэн үг биш үйлдвэр бол үйлдвэр барилга бол барилга дагнасан байхыг 1 салбар гэж хэлнэ.]

▶ 1-д заасан “цалингийн шаардлага”-д нийцэж байгаа эсэхийг жил бүр Хөдөлмөрийн яамнаас гаргадаг “Цалингийн бүтцийн статистик судалгаа”-нд тулгуурлан тогтооно. [2009 оны дундаж хэмжээ 32сая воноор тогтсон байна]

 Бүрдүүлэх бичиг баримтууд

 Туршлагатай мэргэшсэн гадаад ажилчны хувьд байнга оршин суух зөвшөөрөл хүссэн өргөдөл гаргахдаа дараах бичиг баримтуудыг бэлтгэн хавсаргаж өгөх ёстой. Үүнд:

 1) Өргөдлийн маягт

2) Паспорт

3) Гадаад иргэний үнэмлэх

4) Сүүлийн 1 жилээс дээш хугацаанд цуглуулсан 20 саяаас доошгүй воны хадгаламж, түүнтэй дүйцэх хэмжээний үнэлгээ бүхий үл хөдлөх хөрөнгийн гэрчилгээ, гэрээний хуулбар мөн Хууль зүйн сайдын хүлээн зөвшөөрсөн баримтууд, хамт амьдарч буй гэр бүлийн гишүүдийн амьжиргааг нотолсон бичиг баримт

5) Ажлын газрын тодорхойлолт, мэргэжлийн зэргийн гэрчилгээ гэх мэт баримтууд. Хэрвээ бүртгэлийн албаны системээр эдгээрийг баталгаажуулах боломжтой бол эх материал бүрдүүлэх шаардлагагүй.

6) Хойшид ажиллах газрын тодорхойлолт, хөдөлмөрийн гэрээ зэрэг бичиг баримтууд.

7) Хүснэгт 1-д заасан мэргэжлийн чадварыг баталгаажуулсан бичиг баримтууд(3-р бүлгийн 2-1-д заасан “инженер, техникчийн мэргэжлийн шаардлага”-д хамаарагдах иргэдийн хувьд)

8) Хөдөлмөрийн хөлс, цалингын орлогыг баталгаажуулсан бичиг баримтууд (3-р бүлгийн 2-1-д заасан “цалингийн нөхцөл”-д хамаарагдах иргэдийн хувьд)

9) Солонгос хэлний түвшин тогтоох шалгалтын оноо(хэрэв 3 дугаар бүлгийн 2-4-т хамаарагдах бол Солонгосын ахлах сургуулиас дээш түвшиний их дээд сургуульд хоёроос доошгүй жил суралцаж төгссөн бичи баримт).г

별표 1】 부여 대상 자격 종목 및 등급

Солонгосын аж үйлдвэрийн хүний нөөцийн албаны шалгаруулалтад тэнцэн,

 Хүснэгт 1-д заасан инженер, техникчийн мэргэжлийн үнэмлэх

www.doldon.com oos  ГАДААД АЖИЛЧИН ОРШИН СУУХ ЭРХ АВЧ БОЛОХ ТУХАЙ