Бичлэгийн тоо 372
БНСУ-ын Кёнхи их сургуулийн нарийн мэргэжлийн эмч, эрдэмтдийн баг 2011 оны 7 дугаар сарын 20-ноос 25 ны өдрүүдэд манай улсад ажиллаж байна. Тус улсын эрүүл мэндийн салбарынхан энэхүү 2011 оныг хөгжиж буй орнуудад туслах аяны жил болгон зарлажээ.
Энэ удаад Төв аймгийн Зуунмод сумын ард иргэдэд эрүүл мэндийн анхан шатны болон дунд шатны тусламж үйлчилгээг хүргэхээс гадна, үнэ төлбөргүй үзлэг оношлогоо, эмчилгээ, хөнгөн төрлийн хагалгааг хийх юм. Урьдчилан зарласны дагуу зөвхөн Зуунмод сумын иргэд гэлтгүйгээр тус аймгийн 27 сумын иргэд хамрагдах боломжтой юм.
БНСУ-ын Кёнхи их сургуулийн нарийн мэргэжлийн эмч, эрдэмтдийн багийнханыг 2011 оны 7 дугаар сарын 21-ны өдөр Шадар сайд М.Энхболд төрийн ордонд хүлээн авч уулзлаа.
УИХ-ын гишүүн, Монгол Улсын Шадар сайд М.Энхболд БНСУ-ын нарийн мэргэжлийн эмч, эрдэмтдийн багийг Монгол улсад ажиллуулах, тэр дундаа Төв аймгийн иргэдэд тусгайлсан үнэ төлбөргүй үзлэг оношлогоо, эмчилгээ явуулах саналыг тавьсаны хүрээнд ийнхүү өнөөдөр ажил хэрэг болж байгаад талархаж байгаагаа уулзалтын эхэнд багийн ахлагч илэрхийллээ.
Шадар сайд М.Энхболдын санаачилгаар үүсэн байгуулагдаж, үйл ажиллагаа явуулж байгаа “Эх нутгийн иргэд” ТББ-ынхан энэ удаагийн үйл ажиллагааг зохион байгуулан ажиллаж байна.
БНСУ-ын Ерөнхийлөгч Ли Мен Баг Монгол улсад төрийн өндөр дээд хэмжээний айлчлал хийхээр төлөвлөгдөж байгаа. Тус айлчлалаар Засгийн газрын тэргүүнүүдийн ярилцсан дээрх эрүүл мэндийн салбарын хамтын ажиллагааны томоохон алхмыг гарын үсэг зурж баталгаажуулахаар төлөвлөж байна. Энэ мэтчилэнгээр манай 2 улсын эрүүл мэндийн салбарын хамтын ажиллагаа цаашид улам хөгжинө гэдэгт би итгэлтэй байна гэсэн юм.
Төв аймагт ажиллах эмч нар дараах чиглэлээр иргэдэд үзлэг оношлогоо хийнэ.
www.mglclub.com Administrator
- Холбоотой бичлэг :
- http://www.mglclub.com/4878119/d6a/trackback
