Бичлэгийн тоо 294
Тус банкны Монгол дахь суурин төлөөлөгч Коралли Гэвэрс Монгол Улсын Ерөнхийлөгчийн амлалтыг нь сануулав уу

Дэлхийн банкнаас Монгол Улсын ирэх оны төсвийн төсөлд дүн шинжилгээ хийжээ. Төсвийн төсөлд зардлыг ихээхэн нэмж тооцсоноос төсвийн алдагдал дотоодын нийт бүтээгдэхүүн 8.6 хувьд хүрч огцом өссөн байна. Төсөв энэ хэвээр батлагдвал үнийн график гэдийсэн хэвээр байх нь. Энэхүү төсвийн төсөл Төсвийн тогтвортой байдлын хуульд заасан макро эдийн засгийн тогтвортой байдлыг хангах, инфляцыг тогтоон барих зэрэг заалттай зөрчилдөж байна гэж Дэлхийн банкныхан үзэж байгаа аж.

Нэг унци алтны үнийг 1250-1350 ам.доллар болгон нэмж тооцжээ

Ирэх оны төсвийн орлогыг тооцохдоо эрдэс баялгийн гол бүтээгдэхүүн болох нэг тонн зэсийн үнийг 5983 ам.доллар, нэг тонн нүүрсний үнийг 98.8 ам.доллар байхаар тус тус тооцжээ. Гэхдээ төсвийн төслийг засварлахдаа төсвийн зарлагыг нэмэгдүүлсэнтэй холбоотойгоор санхүүжилтийн эх үүсвэрийг гаргаж ирэх болсон аж. Тиймээс унци алтны үнийг 1250 ам.доллараас 1350 ам.доллар болгон нэмж тооцсон байна. Үнийг ингэж өөрчилсөн нь хуулийн үзэл санаатай зөрчилдөж байна гэж Дэлхийн банкны эдийн засагчид үзэж байна.

Төсөв үнэ хөөрөгдөж, экспортыг “боомилно”

Дэлхийн банкнаас ерөнхий тэнцвэрийн динамик тооцооллын загвар ашиглан Монгол Улсын эдийн засагт туршилт шинжилгээ хийжээ. Энэ шинжилгээний үр дүнд УИХ ирэх оны төсвийн төслийг одоогийн хэлэлцэж буйгаар батлавал эдийн засагт хохирол авчирна гэсэн дүгнэлтийг гаргажээ.

Мөн туршилтийн шинжилгээгээр төсвийг тэлэх бодлого баримталж, уул уурхайн салбарт орж байгаа экспортын орлогыг иргэдэд бэлэн мөнгө болгож тараах нь үнийн дарамтыг өсгөж, төгрөгийн ханш огцом чангарахад хүргэнэ гэсэн хариулт гарсан аж. Ингэснээр экспортод суурилсан үйлдвэрлэл хоргодох юм.

Хөдөө аж ахуй, хувийн хэвшлийнхэн ч хумигдана

Төгрөгийн ханшийн чангаралт олон улсын худалдаанд гарах салбарын өрсөлдөх чадварт сөргөөр нөлөөлнө. Тиймээс боловсруулах бүтээгдэхүүнийг дэлхийн зах зээлд их хэмжээгээр гаргадаг хөдөө аж ахуйн салбар түрүүлж үүнд нэрвэгдэнэ гэж Дэлхийн банкныхан үзэж байна.

Учир нь хөдөө аж ахуйн салбарын түүхий эдийн үнэ дотооддоо нэмэгдвэл эцсийн бүтээгдэхүүний үнийг өсгөх боломжгүй байдаг аж. Ингэснээр чөлөөлөгдсөн түүхий эд олон улсын худалдаанд гарч чаддаггүй байна.

“2011 оны төсвийн төслийг одоогийн хэлэлцэж буйгаар батлавал Монгол Улс 1960-аад оны Нидерланд гэх мэт байгалийн нөөцөөр баялаг улс орнуудын алдаатай замыг дагана гэсэн үг. Эдгээр улсуудын алдаа юу байсан бэ гэхээр их хэмжээний татаас, шилжүүлгийг иргэддээ олгож, цалин хөлсний өсөх спиралийг бий болгосон нь хяналт тавихад бэрхшээлтэй болгосон.

Мөн дотоодын хөрөнгийн /жишээлбэл, орон сууцны/ үнэ өсч, олон улсын худалдаанд гарах салбарын ашигт маш их сөргөөр нөлөөлсөн. Нидерландын хувьд энэ нь эдийн засгийн тэсрэлтэд хүргэж, ихээхэн хохирол учруулсан” гэж Дэлхийн банкны Монголыг хариуцсан тэргүүлэх эдийн засагч Рожер ван Ден Бринк хэллээ.

Ирэх оны төсвийн зарлага өнгөрсөн оныхоос 30 хувиар нэмэгджээ


Ирэх оны төсвийн зарлага өнгөрсөн оныхоос 30 хувиар нэмэгджээ. Энэхүү төсвийн зарлагын өсөлтөд төрийн албан хаагчийн цалин 30 хувиар нэмсэн нь нөлөөлсөн гэнэ. Харин төсвийн шилжүүлгийн зардал 50 хувиар өсчээ. Уул уурхайн орлогоос хүний хөгжлийн сангийн мөнгийг хоёр дахин нэмж, 805 тэрбум төгрөг болгосон нь шилжүүлгийн зардал ийн нэмэгджээ.

Хүний хөгжлийн санд төвлөрсөн мөнгийг хуульдаа тэтгэвэр, эрүүл мэндийн даатгалын шимтгэлийн төлбөр, орон сууц худалдан авах, бэлэн мөнгө тараах, эрүүл мэнд, боловсролын үйлчилгээний төлбөрт зарцуулна гэж заасан байдаг. Харин Засгийн газар Хүний хөгжлийн сангийн 700 тэрбум төгрөгийг бэлэн мөнгө хэлбэрээр тарааж байгаа аж.

Ирэх оны төсөв ямар эрсдэл дагуулж байна вэ?

Төсвийн төсөл хэд хэдэн эрсдэл агуулж байгааг Дэлхийн банкныхан онцолж байна. Инфляц эрс өснө. Төгрөгийн ханш чангарна. Экспортын орлого буурна. Инфляцын өсөлтийг дагаад Төв банкны үнэт цаасны хүү өсөхгүй.

Мөн УИХ төрөөс мөнгөний бодлогын талаар ирэх онд баримтлах чиглэлийн талаар хэлэлцэхгүй байгаа нь Монголбанкны эрх үүргийг тодорхойгүй болгож байна. Ингэснээр Төв банкны үйл ажиллагаанд харшилж болзошгүй. Төсвийн төслийг одоогийн хэлэлцэж буйгаар батлавал Монгол Улс 2006-2008 оны эдийн засгийн өндөр өсөлт, 2009 оны хямралыг давтана. Банкны салбар дахь итгэлгүй байдал эргэж сөхөгдөхгүй гэх газаргүй хэмээн Дэлхийн банкныхан эрсдлийг тооцлоо.

Э.Солонго

Зууны мэдээ

Мэдээллийг
www.Doldon.com
Холбоотой бичлэг :
http://www.mglclub.com/3925027/c2e/trackback
List of Articles
Дугаар Гарчиг Нэр Date Уншсан
Зарлал 2017 оны МОНГОЛЧУУДЫН НЭГДСЭН НААДАМ file [4] admin 2017-07-13 5187
Зарлал СОЛОНГОС ДАХЬ МОНГОЛЧУУДЫН НЭГДСЭН НААДАМ 2017.07.02 [4] admin 2017-06-20 6671
Зарлал ХУУЛЬ БУС АЖИЛЛАГААГ ТАСЛАН ЗОГСООЁ!!! [2] admin 2017-06-17 5761
Зарлал ХУУЛЬ БУС ЗАРНААС БОЛГООМЖИЛНО УУ! admin 2017-01-08 8370
Зарлал "ЭХ ОРОН ТАНААС ЭХЭЛНЭ" ХӨДӨЛМӨРИЙН ӨДӨРЛӨГ 2016.3.13 file admin 2016-03-03 9943
Зарлал БҮГДЭЭРЭЭ ТУСЛААРАЙ file [2] Levi`s 2016-02-26 11885
배너신청
자생병원

배너신청