Монгол Улсын Гадаад харилцааны сайд Л.Болд 2014 оны 2 дугаар сарын 12-14-ний өдрүүдэд Бүгд Найрамдах Солонгос Улсын Гадаад хэргийн сайд Юн Бён Сэ-гийн урилгаар тус албан ёсны айлчилж байгаа билээ. Тэрээр айлчлалын хүрээнд БНСУ-д ажиллаж, амьдарч буй Монгол иргэд, байгууллагуудын төлөөлөгчидтэй уулзаж тэдний өмнө тулгамдаж буй асуудлаар харилцан ярилцаж, санал бодлоо солилцлоо. Уулзалтад Гадаад харилцааны сайд Л.Болд, УИХ-ын гишүүн Г.Батхүү, МУ-аас БНСУ-д суух онц бөгөөд бүрэн эрхт элчин сайд Б.Ганболд болон бусад албаны хүмүүс оролцсон бол БНСУ дах Монгол иргэд, байгууллагыг төлөөлж Монгол улсын Хүн Амын Хөгжил, Нийгмийн Хамгааллын яамны харьяа Хөдөлмөр Нийгмийн Хамгаалал , Нэг Цэгийн Үйлчилгээний төв, Улаанбаатар хотын Сөүл хот дах төлөөлөгчийн газар , МИАТ компаны төлөөлөгчийн газар, Төрийн банк, Хаан банк, MGLRADIO 102.1 долгион , Монгол Солонгос мэдээ сонин, БНСУ-ын цагаачлалын албаны ажилтан, Хөдөлмөрийн гэрээгээр ажилладаг ажилчид , Солонгос улсад төгсөгчдийн холбоо, Сөүл глобал төв, СМОХ болон Монголын хэвлэл мэдээллийн байгууллагууд оролцлоо

 "Эх орноосоо хол байгаа иргэн бүр та тухайн  улсдаа эх орноо төлөөлж буй элчин сайд юм шүү"  гэж яриагаа эхэлсэн 

Сайд Л.Болд энэхүү хурал дээр сонсон , санал болгосон , хэлэлцэгдсэн бүх асуудлыг Гадаад харилцааны яаманд бичгээр  хүргүүлэн  төрийн хэмжээнд авч үзэж судлах хэрэгжүүлэх болно гэж яриагаа өндөрлөлөө.

  Уулзалтын үеэр хэлэлцэгдэж байсан асуулт , хариултуудаас товч хүргэе.

Асуулт: 

Солонгос дахь Монгол Оюутны Холбоо: 

- Гадаадад суралцаж буй оюутнуудад төрөөс олгож буй 70,000 төгрөгийг олгох боломжтой юу?

- Оюутнууд гэр бүлийн гишүүдээ урихад виз гардаггүй, татгалзсан шалтгаан тодорхой бус байдаг тодруулах?

- Солонгост виз сунгуулахад төлбөр нэмэгдсэн , банкны баталгаа 10 сая вон шаардаж байгааг эргүүлж 3 сая болгон  бууруулах!

Кисс Олон соёлт гэр бүлийн радио:

- Виз олгодог улирал үе гэж байна уу? заримдаа хүмүүсийн виз сайн гараад заримдаа бодлогоор огт гаргадаггүй гэсэн яриа байна үнэн үү?

- Дэлхийн шилдэг 100-н сургуулиудад суралцаж буй оюутнуудад олгох тэтгэлэгийг ямар шалгуураар яаж олгож буй талаар мэдээлэл?

- Солонгост оршин сууж буй хүүхдүүдийн асуудал виз, сургалт, халамжийн талаар төрийн бодлогын талаар мэдээлэл?

MGLRADIO:

Виз:

- Гэрээгээр ажиллаж буй хүн гэр бүлийн хүнээ дагалдан визээр авах, гэр бүлүүд хамт байх талаар арга хэмжээ авах боломж?

- Оюутнууд гэр бүлээ урихад виз гардаггүй бэрхшээлтэй холбоотой 50, 60-с дээш настай Солонгост ажиллаж хийж харлахааргүй иргэдийг эхний ээлжинд визгүй зорчуулах талаар хүсэлт тавих

- Хууль бусааар амьдарч буй иргэд эх орондоо буцсан тохиолдолд дахин Солонгос улсад зорчих боломжийг хангах, өршөөлийн сар, өдөр гэж тогмтол зарлаж байх

Онгоцны билет:

- Монголруу нислэг бусад Азийн оронтой харьцуулахад үнэтэй хямдруулах боломжтой эсэх? шалтгаан?

- Солонгосын хил дээр Монголчуудтай дээрэнгүй харьцдаг, авчирсан Монголын стандартын шаардлага хангасан савалгаатай бүтээгдэхүүнийг оруулж байх? оруулахгүй бүтээгдэхүүнийг хаядгийг болиулах

Гэмт хэрэг:

- Солоногост Монголчууд гэмт хэрэг зөрчлийн тоогоороо тэргүүлж байгааг хэрхэн бууруулах? Засгийг газраас урьдчилан сэргийлэх ямар арга хэмжээ авч байгаа талаар танилцуулах

- Монголчууд Монголчуудыгаа залилах, зодох танхайрах, охид бүсгүйчүүдийг зуучилдаг биеийг нь үнэлүүлдэг гэх мэт гэмт хэргүүдтэй хэрхэн тэмцэх боломжтой тухай?

- Элчин сайдын яамны хүн хүчийг нэмэгдүүлж, хагас сайн өдөр ажилладаг болгох боломжтой эсэх?

Тайлан: 

Уулзалт арга хэмжээ зохион байгуулаад иргэдийн тавьсан асуудал, санал сэтгэгдлийг хэрхэн шийдвэрлэж биелүүлсэн тухайгаа эргээд тайлагнаж байх

БНСУ-ын цагаачлалын албаны ажилтан:

- Чадвартай мундаг залуучууд маань Солоногосын иргэншил аваад байна, Монгол улс хоёр иргэншил зөвшөөрөх боломжтой эсэх

- Төрийн албаны ногоон паспортоо бусдад ашиглуулах тохиолдол гардаг, төрийн албан паспортыг өндөр шалгуураар олгох?

Солонгос дахь Залуучуудын Холбоо: 

- Солонгост эмчилгээгээр ихээр хүмүүс ирж байгаа, үнэ төлбөрийн хувьд даатгал байхгүй учраас их өндөр үнэтэй гардаг. Эмчилгээ шинжилгээ хийх хүнд өвчтэй хүмүүсийг даатгалд хамруулж байх боломж?

- Монголруу виз хүсэж байгаа хүмүүсийн визийг нягталж олгож байх, Солонгосын элчинтэй адил материалиудыг шаардаж авч байх, 

Монгол хүмүүсийн эрхлэх бизнесийг Солонгос хүмүүс хэтэрхий их авч байгааг анхаарах

- Солонгост гэр бүл болж буй Монгол залуусын хуримыг ёслол төгөлдөр хийж өгөхөд тус болох

Солонгос дахь Эмэгтэйчүүдийн Холбоо:

- Солонгосын эмнэлэгийн тоног төхөөрөмжийг Монголруу оруулах, Монголдоо эмчлэх боломжийг гаргах

- Хоёр иргэншил зөвшөөрдөг орнуудад зөвхөн хоёр иргэншлийг зөвшөөрөх боломжтой эсэх 

- Солонгост өсч буй Монгол хүүхдүүд Монгол хэлээ мэдэхгүй өсч байгаа учир анхаарч үзэх

- Солонгосын нийгмийн халамж, хамгааллын чиглэл өндөр хөгжсөн учир энэ тал дээр Солонгосоос туршлага судлах 

Солонгост сургууль төгсөгчдийн холбоо:

- Монгол хүний үнэлэмж гадаадад буурч байна, Монгол хүний үнэ цэнэ үнэлэмжийг дээшлүүлэх

- Гэмт хэрэг гаралтыг багасгах, Солонгосын хууль дүрмийг таниулах...

Хөдөлмөрийн гэрээгээр ажиллаж буй залуусын төлөөлөл: 

- Монголруу өөрийн ажиллаж байсан сурсан мэдсэн үйлдвэрийн тоног төхөөрөмж оруулахад татвар өндөр, хуучин тоног төхөөрөмжин дээр татваргүй болгож өгөх боломж байгаа эсэх?

- 3н сарын бичгээ аваад ажил хайхад 7 хоногт нэг ажлын санал мессэжээр ирдэг ч хэл ойлгодоггүй, энэнээс болоод олон хүмүүс харлаж байгаа, өмнөх шигээ өөрийн танил тал найз нөхдөөрөө ажил олуулаад орох боломж олгох гэх мэт асуултуудыг тавьсан болно. 

Гадаад харилцааны яам дээрх асуудлуудыг бичгээр албан ёсоор хүлээн аваад шийдвэрлэн ажиллах болсон юм. 

Элчин сайдын яамнаас мөн Эдийн засгийн асуудал, Гэрээгээр болон хууль бусаар ажиллаж байгаа иргэдийн асуудал, Монгол хүний үнэлэмжийг дээшлүүлэх гэмт хэргээс урьдчилан сэргийлэх асуудал, визтэй холбоотой хүндэрлүүд зэрэг түгээмэл тохиолддог хүндрэл бэрхшээлийг байгууллага холбоодын тэргүүдэд хариуциулж асуудлыг дэлгэрэнгүйгээр Гадаад харилцааны яаманд бичгээр хүргэх болноо гэж мэдэгдсэн юм. Мөн цаашдаа УИХ-ын дарга З.Энхболд айлчлах үеэр иргэдтэй хйих уулзалт зохион байгуулах, Солонгос дахь байгууллагууд, холбоодын хамтын ажиллагааг эрчимчүүлэх талаар анхаарч ажиллах тухай мэдэгдлээ. 

(Зарим Хариулт: УИХ гишүүн Г.Батхүү : Онгоцны билетын хувьд өндөр үнэтэй байгаа шалтгаан нь манай улс шатахуунаа бусад орноос өндөр үнээр авдаг учраас өндөр байгаа, шатахуунаа хямдаар авбал хямдрах боломжтой.

ГХ Сайд Л.Болд: Хоёр иргэншил Монголд хар хайрцагны бодлого гэж байдаг .... боломжгүй.

ЭСЯ-ны ажилтан Батзориг: Хил дээр Монгол иргэдтэй зүй бусаар харьцсан тухай гомдол байвал Солонгос ажилтны нэр, хэн гэдэг хүн хэзээний нислэгээр ирэхэд гээд дэлгэрэнгүй мэдээлэл өгвөл гомдол гаргаж шийдвэрлүүлэх боломжтой. 

ЭСЯ консул Дулаанжаргал: ЭСЯ Солонгосын баярын улаантай өдрүүдээр ажилладаг, Мөн амралтын өдрөөр Нэг цэгийн төв, нийгмийн хамгааллын төвтэй хамтран орон нутагруу явж иргэддээ хүрч ажиллахаар зорин ажилладаг, гэхдээ итгэмжлэл гаргах, паспорт сунгах зэрэгт тамга тэмдэг авч явах бэрхшээл тулгардаг.

Нийгмийн халамжийн үйлчилгээний төв дарга Өнөржаргал: Манай төв ажлын өдрүүдээр болон бүтэн сайн өдөр иргэдээ хүлээн авч тогтмол ажиллаж байгаа. Бүтэн сайнд ирж үйлчлүүлэх боломжтой.)

Элчин сайдын яам бусад мэдээлэл:

БНСУ-д амьдарч байгаа иргэдээс жилд  1600-д иргэд гэмт хэрэгт холбогдож байгаагийн дийлэнх буюу 400 гаруй нь авто замын,  хулгай, танхайн хэрэг үйлдэж  байгааг  анхаарч ажиллах шаардлагатай байгаа.

Монгол дахь Солонгосын элчин сайдын яаманд Монголчууд маань визний асуудлаар их ханддаг 2011 онд 19058 иргэнд виз олгож 4887 хүнд татгалзсан хариу өгсөн байна. 2012 онд 27838 хүнд виз олгож татгалзсан хариу 4471 иргэнд өгсөн, 2013 онд 28001 иргэнд виз олгож 5130 иргэнд татгалзсан хариу гарч байжээ.

Хил хамгаалах ерөнхий газраас авсан мэдээлэл

Монгол улсруу зорчсон Солонгос иргэд 2011 онд 44928 иргэн, 2012 онд 45989иргэн, 2013 онд 46498 иргэн зорчжээ. БНСУлсруу зорчсон Монгол иргэд 2011онд 43429 иргэн, 2012 онд 54328 иргэн, 2013 онд 57113 иргэн зорчин өссөн тоо гарсан байна.

mglradio.com sitenaas