Бичлэгийн тоо 3,329

Өмнөд Солонгосын бүтээгдэхүүн дэлхий нийтийн анхаарлыг татаж байна

СӨҮЛ. /Yonhap-MONTSAME/. Өмнөд Солонгосын арьс арчилгаа, гоо сайхны бүтээгдэхүүн дэлхий даяар алдаршиж байна.

Арьсанд гаж нөлөө үүсгэж болзошгүй хортой элементийн орцгүй, байгалийн гаралтай өндөр чанартай бүтээгдэхүүнийг Өмнөд Солонгосын компаниуд үйлдвэрлэж байгаа нь тэдний амжилтын гол үндэс юм. Мөн тэдний бүтээгдэхүүн байгалийн гаралтай, өндөр чанартай хэдий ч боломжийн үнэтэй байгаа нь амжилтынх нь бас нэгэн үндэс юм. Эдгээр бүтээгдэхүүний дийлэнх нь 10000 воноос хямд байгаа бол хамгийн үнэтэй нь 50-60 мянган вон байна. Өмнөд Солонгосын арьс арчилгаа, гоо сайхны бүтээгдэхүүнийг бусад тансаг брэндтэй харьцуулбал, үнэ хямд юм. Энэ нь хэрэглэгчийн сэтгэл ханамжийг нэмэгдүүлдэг ажээ.

Жишээ нь, “Tony Moly”-гийн гелин контур байна. Энэ бүтээгдэхүүн нь гелин бэх ашиглан контур тавих зориулалттай юм. Уг бүтээгдэхүүн нь усны хамгаалалтай бөгөөд  хэрэглэгч хөлөрч, уйлсан ч гэсэн удаан тогтдог байна. 10000 вон хүрэхгүй үнэтэй уг бүтээгдэхүүн дотроо бийртэй учир ашиглахад тохиромжтой юм. Анхлан хэрэглэгчид уг бүтээгдэхүүнийг хялбархан хэрэглэх боломжтой. Хар, бор, хар ногоон, сувдан хар гээд долоон өнгөөс хэрэглэгчид сонголт хийх боломжтой энэ бүтээгдэхүүн Өмнөд Солонгост болон гадаадад ихээхэн нэрд гараад байна.

“Tony Moly” нь өвөрмөц савлагаа, загвартайгаараа олонд танигдсан билээ. Эдгээрээс дурдвал улаан уруулын хэлбэртэй уруулын түрхлэг, тоорын эсвэл жимсний үнэртэй гарын тос, жижиг туулай шиг хэлбэртэй үнэртэй ус зэрэг байна. Эдгээр бүтээгдэхүүн нь мөн 10000 вон хүрэхгүй үнэтэй бөгөөд хэрэглэгчдийн анхаарлыг татсан жижиг, хөөрхөн загвартай учир авч явахад тохиромжтой юм. Эдгээр бүтээгдэхүүн нь нэрд гарсны ачаар “Tony Moly” компани 2014 онд 330 тэрбум вонын борлуулалт хийж, дээд амжилт тогтоосон байна. Тус компанийн бүтээгдэхүүн гоо сайхны дэлхийн сүлжээ “Sephora” дэлгүүрийн Европ дахь салбарт худалдаалагдсан анхны Солонгос бүтээгдэхүүн болсон юм.

Мөн “Missha” компанийн BB кремүүд гадаадад нэрд гараад байна. 2014 оны 11 дүгээр сарын 11-нд болдог “Ганц биечүүдийн өдөр” баяраар BB кремийн багц БНХАУ-д 56123 ширхэг худалдаалагдсан байна. Илүү тослог, бүдэг өнгөтэй бусад BB кремүүдийг бодвол “Миша”-гийн крем нь цагаан байдаг учир арьсыг тослоггүй, гэрэлтүүлж харагдуулдаг.

 “Missha”-гийн хөгшрөлтийн эсрэг бүтээгдэхүүн хэрэглэгчдийн дунд нэлээд нэрд гарчээ. Өмнөд Солонгосын хэрэглэгчдийн хийсэн чанарын туршилтаар, “Missha”-гийн “Цагийн хувьсалд мөнхийн залуу” крем үрчлээний эсрэг болон чийгшүүлэгч тосны туршилтад хоёрдугаарт орсон байна. Уг туршилтад гадаадын болон тансаг зэрэглэлийн брэндийн үрчлээний эсрэг 12 кремийг оролцуулжээ. Энэ бүтээгдэхүүн нь хөгшрөлтийн эсрэг хамгийн ихээр худалдаалагдаж байгаа бүтээгдэхүүнүүдийн нэг болсон байна.

Харин “It's Skin” компанийн эмгэн хумсны тос болон эмгэн хумсны нүүрний маск сүүлийн үед Ази, ялангуяа, БНХАУ, Японы иргэдийн хэрэглээ болсон байна. Энэ бүтээгдэхүүн нь эмгэн хумснаас гарган авдаг зузаан, гулгамтгай салсыг агуулдаг учир арьсыг чийгшүүлж, нөхөн сэргээдэг. Энэ нь арьсанд аажмаар, жигд шингэж өгдөг ажээ. Мөн үрчлээг багасгаж, арьсыг цагааруулдаг арбутин, аденозиныг уг бүтээгдэхүүн агуулдаг байна.

“It's Skin” компанийн бас нэгэн алдартай бүтээгдэхүүн бол “Power 10 Formula” юм. АНУ, Европ, ОХУ-д ихээхэн нэрд гарсан энэ бүтээгдэхүүн нь арьсны 13 төрлийн асуудлыг шийдэх өндөр хэмжээнд баяжуулсан эссэнз юм. Уг бүтээгдэхүүний 13 төрөл бүр нь арьсанд зориулагдсан витамин А, витамин С, мөөгөнцрийн ханд, коллаген болон коэнзим Q10-ийг агуулсан байдаг бөгөөд хэрэглэгчид өөрсдийн арьсанд тохируулан 13 төрлөөс сонгон авах боломжтой.

Алт болон бусад тансаг орц найрлагаар хийсэн арьс арчилгааны алдартай бүтээгдэхүүнүүд байна. “Nature Republic” компанийн 99 хувийн цэвэр алт, сүүнцэр, хүр хорхойгоос гаргаж авсан нүүрний тос олны анхаарлыг ихэд татаж байна. Аотны үртэстэй, гелин уг тос нь арьсыг чийгшүүлж, тэжээл өгөхийн зэрэгцээ арьсыг зөөлрүүлж, толигор болгох үйлчилгээтэй.

Мөн “Nature Republic” компанийн зуун настын тайвшруулах гель олны дунд нэрд гарсан бүтээгдэхүүн юм. Уг бүтээгдэхүүнийг 92 хувийн байгалийн зуун настаас гарган авсан ба витамин С агуулдаг байна. Үүнийг хэрэглэсэн тохиолдолд арьсыг чийгшүүлж, эмчилдэг.

Солонгосын арьс арчилгаа, гоо сайхны бүтээгдэхүүний нэр хүнд өсөн нэмэгдэж байгаад олон улсын хэвлэлийн байгууллагууд анхаарал хандуулж байна. АНУ-ын “NBC” телевиз “Солонгосын гоо сайхны бүтээгдэхүүний хэрэглээ АНУ-д зонхилж байна” нэрт нэвтрүүлгээ нэгдүгээр сарын 6-нд гаргажээ. Уг нэвтрүүлэгт, “Өнгөрсөн нэг жилийн хугацаанд Өмнөд Солонгосын гоо сайхны бүтээгдэхүүн, тухайлбал, нүүр цэвэрлэгчээс эхлүүлээд нүүрсний маск хүртэлх бүтээгдэхүүний нэр хүнд АНУ-ын дэлгүүрүүдэд улам бүр нэмэгдэж байна” гэж дурдсан байна.

Мөн Солонгосын ВВ крем болон нүүрсний маск нэлээд алдаршиж байгааг дурдаад, “Өмнөд Солонгосын арьс арчилгааны бүтээгдэхүүний талаар гоо сайханчид цахим хуудсаар шуугиж байсан нь “Sephora”,  “L'Oreal” зэрэг томоохон компаниудын анхаарлыг татжээ.

Д.Нямтулга

Эх сурвалж: Монцамэ

Холбоотой бичлэг :
http://www.mglclub.com/8943314/917/trackback
List of Articles
Дугаар Гарчиг Datesort Уншсан
3149 Илүүдэл жингээ хасах энгийн дүрмүүд 2016-03-03 5978
3148 Та ямар бүлгийн цустай вэ. Хэрхэн хооллох вэ? 2016-03-03 5721
3147 ШҮДНИЙ ӨВЧИН ХОРТ ХАВДАР ҮҮСГЭДЭГ 2016-03-02 5469
3146 Усэйн Болтын дээд амжилтыг эвдсэн ч бүртгэсэнгүй 2016-03-02 5751
3145 Шекспирийн бунхныг шалгаж эхэллээ 2016-03-02 5706
3144 Forbes-ийн дэлхийн хамгийн баян хүний жагсаалтыг Билл Гейтс ахин тэргүүллээ 2016-03-02 5810
3143 THE MONGOLZ багийн Польш явах виз гарлаа 2016-02-29 5729
3142 “Mad Max fury road” гурван оскарын эзэн боллоо 2016-02-29 5768
3141 Зүсээ хувиргасан "казино" буюу залуусын хэтэвчийг тэмтэрсэн автомат тоглоомын газрууд 2016-02-29 6181
3140 Зүсээ хувиргасан "казино" буюу залуусын хэтэвчийг тэмтэрсэн автомат тоглоомын газрууд 2016-02-29 5619
3139 ГЭРТ ХУРИМЛАХ МООД ЕВРОПТ ДЭЛГЭРЧЭЭ 2016-02-26 5874
3138 Төгрөг “тэнхрэх” найдлага байна уу, Ерөнхий сайд аа! 2016-02-23 5716
3137 Ардын Төрийн Наадмын аварга цолтой бөхчүүд-13: Д.Хадбаатар 2016-02-23 5836
3136 UFC 196 дэлхийг зогсооно 2016-02-23 5669
3135 ХҮН-ын дарга С.Ганбаатар Мүүнийн шашинтай юу 2016-02-22 5456
3134 Турахыг хүсдэг бүсгүйчүүдийн гаргадаг 6 алдаа 2016-02-22 5231
» Өмнөд Солонгосын бүтээгдэхүүн дэлхий нийтийн анхаарлыг татаж байна 2016-02-22 5212
3132 "Хоёр Мөнх"-ийн талаар Улсын заан том Санжаа ийн хуучилжээ 2016-02-22 5424
3131 Майли Сайрус, Лиам Хемсворт нар гэрлэжээ 2016-02-22 5718
3130 Монголчуудад цагаачлал олгохгүй 2016-02-16 6788
배너신청
자생병원

배너신청