Биеийн галбир, нас, үндэс угсаанаас үл хамааран эмэгтэй хүн бүр л өөрийнхөө дүр төрхийг ямар нэгэн байдлаар өөрчлөхийг хүсч байдаг билээ. Бурхан танд гайхалтай төгс бие заяагаагүй байлаа ч энэ нь тийм сүртэй асуудал биш болжээ. Байнга фитнес хийдэг байлаа ч төгс биеийн галбиртай болохын тулд ихээхэн цаг хугацаа шаардагдана.
Таны биеийн галбирыг төгс төгөлдөр харагдуулж, бусдын харцыг булаахад тань туслах доорх 6 зөвлөмжийг танилцуулья.
Өгзөгөө том харагдуулахыг хүсвэл бэлхүүсээ тодотгосон хувцасыг сонгож өмсөөрэй. Бэлхүүс чинь нарийхан харагдахын хэрээр таны өгзөг төдий чинээ сайхан харагдах болно. Ийм учраас бэлхүүсийг тодотгохгүй байгаа хувцаснаас зайлсхийж байх нь зүйтэй.
Өгзөгөө том харагдуулья гэвэл үзэсгэлэнт хөлөө ил гаргахаас битгий татгалзаарай бүсгүйчүүдээ. Орчин үеийн загварын чиг хандлага ийм болсон шүү.
Кристиан Диорыг харандаа хэлбэрийн юбкаа анх удаагаа танилцуулснаас хойш эмэгтэй хүн бүрийн шүүгээнд заавал байх ёстой хувцаснуудын нэг хэмээн үзэх болсон байна. Харандаа хэлбэрийн юбка таны биеийн гоо сайхныг тод томруун харуулаад зогсохгүй таны өгзөгийг ч илүү сэтгэл татам харагдуулах болно. Бие барьсан юбка нь таны биеийн галбирыг шууд нүдэнд тусахуйц гайхалтай харагдуулдаг давуу талтай.
Хөндлөн судалтай плать болон юбка нь бүсгүйчүүдийг илүү эмэгтэйлэг, дэгжин харагдуулдаг билээ. Судал нь ташааг өргөн харагдуулаад зогсохгүй таны өгзөгийг илүү дугуйруулж харагдуулна.
Crop top нь бэлхүүсийг тодотгож өгдөг бол жинсэн шоорт нь эмэгтэй хүний биеийг бүхэлд нь харуулж өгдөг. Богино дэрвэгэр плать болон унасан загвартай юбкыг өмссөнөөр та ямар ч хүний анхаарлыг өөр дээрээ татаж чадах юм. Уг хоёр төрлийн хувцас нь таны өгзөгийг илүү том харагдуулаад зогсохгүй элсэн цаг хэлбэрийн биетэй болоход чинь туслах нь гарцаагүй.
Сунадаг материалаар хийгдсэн плать, юбка, жинс зэрэг нь таны биеийн гайхалтай хэсгүүдийг тун чадамгай тодотгож өгөх болно. Сунадаг материал нь таны өгзөгийг чангалж өгсөнөөр илүү дугуйруулж харагдуулах болно. Хувцастайгаа зохицуулаад өндөр өсгийтэй гутал юмуу сандал өмсчих юм бол хүмүүс таниас харцаа салгаж чадахгүй болох вий.
Баярлалаа ^^