Төрийн
өмчийн хорооны энэ сарын ээлжит хуралдаанаар 23 асуудал хэлэлцэж
шийдвэрлэжээ. Засгийн газрын 234 дүгээр тогтоолын дагуу төсвийн
ерөнхийлөн захирагчдын бо лон яамд, тэдгээрийн харьяа агентлагуудын 2011
онд худалдан авах үндсэн хөрөнгийн нэр төрөл, тоо хэмжээ, үнийн дээд
хязгаарын төслийн нэгтгэсэн дүнг тус хороо анх удаа ханяж батлан,
зөвшөөрлийг Сангийн яаманд хүргүүлсэн байна.
Үүнээс гадна “Дулааны цахилгаан станц-3” төрийн өмчит хувьцаат компанийн 2008-2009 оны санхүү, эдийн засаг, удирдлагын үйл ажиллагаа, өмч хөрөнгийн бүрэн бүтэн байдал, захиран зарцуулалтад хийсэн шалгалтын дүнг хэлэлцэв. Шалгалтаар эрх бүхий газрын зөвшөөрөлгүйгээр байгууллага, хувь хүнд хандив, шагнал өгсөн зэрэг зөрчил илэрч, тус компанийн гүйцэтгэх захирал Г.Дамдинсүрэнд дутагдлаа засах тодорхой үүрэг даалгавар өгсөн байна.
Мөн нийслэлийн Хан-Уул дүүргийн IV хорооны нутаг дэвсгэрт байрлалтай нийтийн орон сууцны зориулалттай хоёр барилгын 36 айлын орон сууцыг эзэмшигч нарын хүсэлтийг харгалзан төрийн өмчид бүртгэн авч, хувьчлах ажлыг зохион байгуулах зэрэг асуудлыг шийдвэрлэжээ.
