“Томуугийн тандалтын тогтвортой сүлжээг хөгжүүлэх төсөл”-ийн баг ирэх аравдугаар сарын 1 гэхэд ханиад томуугийн талаар мэдээллийг онлайнаар дамжуулан орон нутгаас Томуугийн үндэсний төвд илгээдэг болгохоор ажиллаж байна
. Уг төслийн хүрээнд аймаг бүрт томуугийн харуулдан тандалтын цэг байгуулж, айл өрхийн түвшинд мэдээлэл цуглуулан, түүнийгээ төвдөө шуурхай дамжуулж байгаа аж. Одоохондоо зарим аймгийн бэлтгэл ажил бүрэн жигдрээгүй байна.
Энэ ажил бүрэн хэрэгжвэл манай улсын эрүүл мэндийн байгууллагын түүхэнд анх удаа өвчний мэдээллийг өрхийн түвшнээс интернэт ашиглан анх удаа Улаанбаатарт мэдээлдэг болох юм. Интернэтэд суурилсан томуугийн FIS системийг нэвтрүүлэхээр тус төслийнхөн жилийн өмнөөс ажиллаж эхэлжээ.
Манай улс ийм системтэй болсноор томуу, томуу төст өвчин, амьсгалын замын гоц халдварт өвчнүүдийг богино хугацаанд илрүүлэн, газар авахуулалгүй эмчлэхэд ихээхэн тус нэмэр болох юм байна.