- <iframe src="http://biznetwork.mn/like/button?href=http://news.zone.mn/content/read/76109.htm&title=ZONE.mn | Нөхрийнхөө талаар бусадтай хуваалцаж болохгүй зүйл" frameborder="0" scrolling="no" style="border: currentColor; border-image: none; width: 82px; height: 21px; overflow: hidden; float: left;" allowtransparency="true">
-
Чи найз бүсгүйчүүдтэйгээ гадуур гарч цагийг зугаатай өнгөрүүлж байхдаа нөхрийнхөө талаар өөрийн мэддэгээсээ хамаагүй бага зүйлийг тэдэнд хэлж байхыг зөвлөе. Чи бусдад тохиолдсон хөгжилтэй явдал мөн эксийнхээ чталаар найзуудтайгаа илэн далангүй ярьж болох авч нөхрийнхөө талаар ярихдаа юу хэлэхээ сайтар бодож бай. Учир нь эр хүн өөрийн гэсэн бардам зан, орон зайг үүсгэн байдаг бөгөөд үүнийг нь бүх хүн мэдээд байхыгсайшаахгүй л байх. Гэрлэлт гэдэг нандин зүйлээ өө сэвгүй хадгалж үлдэхэд зориулж хэдэн зөвлөгөөг хүргэе!
1. Түүний айдас
Чи мэдээж эхнэр нь учраас нөхрийгөө юунаас айдгийг хэнээс ч илүү сайн мэддэг байх. Гэхдээ тоглоом шоглоомоор найзуудад нь ч юмуу “манай хүн том нохойноос үнхэлцгээ хагартал байдаг ш дээ” хэмээн хэлэх нь эр хүний хувьд маш ичгэвтэр зүйл болох юм.
Тиймээс түүний айдсын талаарх ямар ч зүйлсийг хүнд дэлгэхгүй байх хэрэгтэй. Хэрвээ чи түүний итгэж хэлсэн нууцыг нь хүнд хэлвэл цаашид чамд итгэх итгэл нь алдагдахаас гадна хэр баргийн нууцаа чамтай хуваалцахгүй л болов уу!
2. Сексийн амьдралын талаарх яриа
Нөхөр чинь жил ирэх бүр нас нь явж сайхан байсан зүйлс нь бага багаар гундаж, тэр хэрээр бэлгийн чадавхи нь буурах нь дамжиггүй. Яг л эмэгтэй хүний гоо үзэсгэлэн гунддагийн адил. Тиймээс ор дэрний асуудлаа тэр тусмаа нөхрийнхөө сексийн чадавхийн талаар тодорхой яриад байх нь зохимжтой бус. Найз хүүхнүүддээ үнэхээр энэ талаар яримаар байвал нөхрөө аль болох сайхнаар ярьж магтаад л орхих хэрэгтэй илүү гүнзгийрэх хэрэггүй.
3. Түүний ядаргаатай дадал зуршлых нь талаар ярих
Нөхрийнхөө гэртээ гаргадаг элдэв жижиг сажиг дутагдлыг найз нартаа ярих нь тэдэнд сөрөг сэтгэгдэл үлдээхийг сана. Хэдийгээр чи үүнийг санаандгүйгээр хөгжилдөх маягаар хэлсэн байсан ч тэдэнд чиний нөхрийг чамаас доор бодох сэтгэгдэл шууд л төрдөг гэдгийг мэдэж авах нь зүйтэй. Тиймээс нөхөртэйгөө зөвлөлдөж яриагүй асуудлыг нь хүнд ярих нь хамгийн
буруу.
4. Нөхрийнхөө орлого болон ажлын талаар нь ярих
Бидний амьдарч буй нийгэм эрчүүд бүхнийг чадаж, тэд бүгдийг удирдаж байдаг цаг хэдийн өнгөрч тэднээс дутахгүй чадалтай эмэгтэйчүүд гарч ирсээр байна. Тиймээс нөхрөө ажилдаа үргэлж амжилт гаргаж гялалзах ёстой юм шиг түүнд ханддагаа болих.
Уналт, бууралт, алдаа, оноо нь ажлын амжилтанд нь нөлөөлөхөд энэ бүгдийг гэр бүлийн хүрээнд ярилцаж шийдэх хэрэгтэй. Тэрнээс чи найзууддаа түүний бүтэлгүйтэл болон бага орлого олж байгааг хэлэх нь түүнийг эр хүнийнх нь хувьд гутаан доромжилсон хэрэг болох юм.
