Монгол улсны иргэн “А” нь 2014 оны 4 дүгээр сарын 8-ны өдөр БНСУ-д хөдөлмөрийн гэрээгээр ажиллахаар ирсэн.  А-г эрүүл мэндийн шалтгаанаар гэр бүлийнхэн нь нутаг буцаахаар төлөвлөж байх үед 2014 оны 5 дугаар сарын 22-ны өдөр зочид буудлаас гарч ор сураггүй байгаа тухай мэдээлэл ирсэнээр Нон Сон хотын цагдаагийн байгууллага эрэл хайгуулыг хийсээр байна. Эрлийн ажил тодорхой ахиц гараагүй  тул эрлийн ажилтай танилцах, дэмжлэг үзүүлэх зорилгоор  НЦҮТ-ийн дарга М.Нямдаваа , тус төвийн сайн дурын ажилтан Ким Хен Сан нар тухайн орон нутагт очиж ажиллалаа.

Нон Сан хотын цагдаагийн газартын Мэдээлэл хамгаалалтын хэлтсийн дарга Ли Зон Ги-тэй уулзан Эрлийн үйл ажиллагааны ерөнхий төлөв байдалтай танилцаж, Хамгаалалтын хэлтсийн дарга Ким Ён Сик, Ен Сан цагдаагийн хэсгийн дарга Зан Юн Сү нартай   эрлийн ажиллагаа  явуулж буй  газар дээр нь  очиж цаашид  эрлийн ажиллагааг хэрхэн явуулах тухай  санал солилцов.

Санал солилцох явцад Цагдаагийн хэсгийн дарга Зан Юн Сү  5-р сарын 27 ны өдөр манай НЦҮТ-ийн хүсэлтийг  хүлээн аваад манай цагдаагийн газраас “А”-ийн хамгийн сүүлд байрлаж байсан гэх зочид буудлын ойролцоох камеруудын бичлэгийг шалган үзэж,  5-р сарын 22 ны өглөөний  8 цаг 30 минутад  зочид буудлын хойд  уулруу гарч яваад буцаж ирээгүй  болохыг тогтоосон тухай иргэн “А”-г эрэн сурвалжилж буй тухай  зураг бүхий зарыг орон нутгийн иргэд ихээр явдаг ойр орчмын газруудад байршуулж, бас оршин суугчдад тараах ажлыг хийсэн тухай ярилаа. Мөн үүний зэрэгцээ цагдаагийн ажилчид болон галын аюулаас хамгаалах газрын ажилчдаас бүрдсэн нийт 74 хүний бүрэлдхүүнтэй эрлийн багийг гаргаж, зочид буудлын хойдох уул болон эргэн тойрны барилга байшин, очих боломжтой газруудыг самнан шалгаад олдоогүй учраас цагдаагийн үнэрч нохой болон  орон нутгийн  иргэдийн тусламж дэмжлэгийг авч  эрлийн ажиллагааг үргэлжлүүлэн явуулаад өнөөдрийг хүртэл ямар нэг ул мөрийг нь гаргаж чадаагүй байгаа тухайгаа манайханд танилцуулсан байна.  Цаашид эрлийн цар хүрээг өргөжүүлэх,  алга болсон  иргэний талаархи  нэмэлт мэдээллийг олоход Элчин сайдын яам, Нэг цэгийн үйлчилгээний төвөөс дэмжлэг үзүүлж  хамтран ажиллахаар тохиролцжээ.