Монголд Улс дахь дипломат байгууллагын төлөөлөгчид буюу элчин сайдын яамдууд өнгөрсөн бямба гаригт сагсан бөмбөгийн талбайд нөхөрсөгөөр өрсөлдөж, аваргуудаа тодрууллаа.

 Энэ удаагийн  “Сагсан бөмбөгийн нөхөрсөг тэмцээн”-ийг Голомт банк, АНУ-ын Элчин сайдын яамтай хамтран зохион байгуулсан  бөгөөд АНУ, ОХУ, Канад, Англи, БНХАУ, Кувейт, Чех, Япон болон Гадаад харилцааны яам гэсэн нийт 10 багийн 100 гаруй тамирчин оролцож хурд хүч авхаалж самбаагаа сорилоо.

Дипломат байгууллагуудын дунд зохион байгуулагдсан  анхны сагсан бөмбөгийн тэмцээний гуравдугаар байрт Кувейт улсын элчин сайдын яам, хоёрдугаар байрт Английн элчин сайдын яам, харин нэгдүгээр байрт Монгол Улсын Гадаад Харилцааны Яамны баг тамирчид тус тус шалгарчээ.

Олон улсын байгууллагуудын санхүүгийн итгэлт түнш Голомт банк Монгол дахь дипломат байгууллагуудыг нэгтгэсэн олон тэмцээн уралдааныг амжилттай зохион байгуулж ирсэн бөгөөд 2009 болон 2010 онд гар бөмбөгийн, 2010 онд хөлбөмбөгийн  тэмцээнүүдийг тус тус зохион байгуулсан нь тэдний талархлыг хүлээсэн, хүсэн хүлээдэг арга хэмжээнүүдийнх нь нэг болж чаджээ.

Американ Экспресс байгууллагын  Монгол Улс дахь онцгой эрхт түнш, Олон Улсын Агаарын Тээврийн Холбооны Монгол Улс дахь төлбөр тооцоог гүйцэтгэгч гээд өрсөлдөгчдийнхөө эдэлдэггүй давуу эрхийг дангаар эзэмшдэг Голомт банк олон улсын нэр хүндтэй байгууллагуудын итгэлийг хүлээн ажиллахын зэрэгцээ Монголд үйл ажиллагаа явуулж буй олон улсын байгууллагуудын санхүүгийн итгэлт түнш гэдгийн  тод илрэл нь энэхүү элчин сайдын яамд хоорондох сагсан бөмбөгийн нөхөрсөг тэмцээн болж байна.