Бичлэгийн тоо 85

Пусан хотын “Монгол наадам” боллоо

 

Монгол Улсын Хөдөлмөрийн яам, БНСУ- дахь  Нэг цэгийн үйлчилгээний төвөөс Пусан хотын биеийн тамирыг дэмжих нийгэмлэг, Пусан хотын Монголын оюутны холбоотой хамтран Монгол наадмын арга хэмжээг 2014 оны 7-р сарын 6 ны өдөр Пусан Сөгү дүүргийн Сонгдо  далайн эргийн амралт үйлчилгээний цогцолборт зохион  байгууллаа.

Тус арга хэмжээнд Монгол Улсын Элчин Сайдын Яам, Пусан хотын Сөгү дүүрэг  хамтран оролцож Элчин сайдын яамны Хөдөлмөрийн атташе, Нэг цэгийн үйлчилгээний төвийн дарга М.Нямдаваа Сөгү дүүргийн засаг дарга  Park,Geok Je  нар наадамч олонд баяр хүргэж үг хэлэв.

Наадмын үйл ажиллагааны үеэр М.Нямдаваа  Дүүргийн засаг дарга  Park,Geok Je-д Элчин сайдын яамны дурсгалын зүйлийг гардуулан өгч Монгол иргэдийг олон жил тогтвортой ажлын байраар хангаж  ирсэн Солонгос  ажил олгогч  эзэд болон Монгол иргэдийн хөдөлмөр эрхлэлтэд  дэмжлэг үзүүлэхэд  тэргүүлэн ажиллаж буй нийт 18-н байгууллага,   иргэдийг шагнасан Монгол Улсын Хөдөлмөрийн яамны шагналыг  /Хөдөлмөрийн салбарын тэргүүний ажилтан, Тэргүүний хоршоологч, Хүндэт жуух бичиг /  гардуулан өглөө.

Наадамд Сөгү дүүргийн 10 жилийн сургуулийн Солонгосын Үндэсний Сирөм бөхийн тамирчдыг урин оролцуулж үзүүлэх тоглолт хийлгэж наадамд зодоглож буй монгол бөхчүүдтэй  нөхөрсөг барилдааныг хийлээ. Мөн олс таталт, гар барилдаан, хүүхдийн гүйлтийн уралдаан зэрэг сонирхолтой тэмцээнүүдийг зохион байгуулж  хүчит 32 бөх барилдаж Аймгийн арслан Цэрэнпилийн Амгаланбат түрүүлж  Аймгийн харцага Жалаагийн Баясгалан үзүүрлэж тэмцээнд түрүүлсэн иргэд болон бөхийн бай шагналыг гардуулан  өгснөөр  наадмыг өндөрлүүллээ.

Энэхүү арга хэмжээнд  Пусан хотод ажиллаж амьдарч буй 500 гаруй Монгол иргэн, наадмын үйл ажиллагааг  дэмжигч 300 гаруй Солонгос иргэн хүрэлцэн ирж  оролцсон нь Монгол Солонгос иргэдийг өргөнөөр хамруулсан хоёр улсын иргэдийн хамтарсан наадам  болсноороо онцлог арга хэмжээ боллоо.

 

 

 

 

List of Articles
Дугаар Гарчиг Нэр Date Уншсан
Зарлал Help ҮЙЛДВЭРИЙН ОСЛЫН ТУХАЙ ҮНЭГҮЙ СУРГАЛТ file ONESTOPSERVICE 2016-09-28 7053
Зарлал Help ХУУЛЬ БОЛОН ВИЗНИЙ АСУУДАЛ ТАНЫГ ЗОВООЖ БАЙНА УУ? file Levi`s 2012-03-02 59080
배너신청
자생병원

배너신청