Монголын эртний үлгэрийн шог бодлого
Урьд нэгэн цагт, далан жалгыг бүрхэж хэвтдэг, хөх бух байгаад хөгширч үхжээ.
Нэг үнэг ирээд тэр бухыг идэж зөвхөн нэг далны яс үлдээгээд явчихжээ.
Тэр далны ясан дээр далан цэрэг ачаатай хөсөгтэйгөө багтаж буудаллаад
явсны дараа, нэг бүргэд тэр далны ясыг зууж нисэж яваад сүмбэр уул шиг
нэгэн нүсэр том уулын оргилын нэг хадан хясаан дээр суутал, тэр нь
харин уул биш ухнын эвэр байсан тул тэр бүргэд сандраад, далныхаа ясыг
алджээ. Тэр үед далан хар ямаагаа хариулж яваад борооноос хоргодож
ухнын сахал дор суусан өвгөний нүдэнд далны яс нь орчихжээ.
Энэ долоогийн томыг эхэнд нь, түүнээс бага багыг хойш хойш нь дэс дараалан цувуулж бодит үнэн байдлаар нь хэлнэ үү.
Урьд эрт цагт гэнэ билээ. Хоёр хаад хоорондоо дайтдаг байжээ. Гэтэл нэг хаан, нөгөөгөө олзлон аваад, "зүсгүй морь олж над өгвөл чамайг тавина, хэрэв чи зүсгүй морь олж над өгөхгүй бол толгойг чинь авна" гэжээ. Цаадах хаан зүсгүй морь олж өгөхөөр нутагтаа буцаад, тугалчин хүүгийн хэлж өгснөөр гэдрэг хэлүүлсэн нь: "Би зүсгүй морь олсон, харин тэр морио ..... тийм нэг өдөр ирж аваарай" гэж хэлүүлсэн байна. Гэтэл зүсгүй морь авах ..... тийм нэг өдөр одоо хүртэл олдсонгүй гэнэ.
Ямар өдөр ирж аваарай гэж хэлүүлсэн бэ?
estoi bodoj chadaxgvi ym bna exniix ni uxna ni l xamgiin tom ym shig bxiin