Лаа бол зөвхөн гэрэл гийгүүлдэг зүйл байхаа больжээ. Энэ нь хайр дурлал, амьдралын гэрэл гэгээ болж өөрчлөгджээ. Наад зах нь оюун санааг төрүүлдэг аж.

Оюун ухааны эрч хүч авахыг хүсвэл нил ягаан лаа асаах хэрэгтэй юм. Өөрт учирсан саад тотгорыг арилгаж, санаа сэтгэлээр унахгүй явъя гэвэл мөнгөлөг өнгөтэй лаа асаа. Цагаан лаа өөртөө бүх өнгийг шингээж  байдаг бөгөөд цэвэо ариуныг билэгддэг учир амрагаа өөртөө үнэнч байлгая гэвэл түүнийг асааж байгтун. Цэнхэр өнгө өршөөл нигүүсэл ба ухаарал тайвшралыг дууддаг. Хайр дурлал гэр бүлийн амар амгалан, эхнэр нөхрийн үнэнч холбоог гийгүүлье гэвэл цэнхэр өнгийн лаа асааж бай. Дотны хүн чинь байнга уцаарлан гомдоллодог бол шар өнгийн лаа асааж ариулвал муу энергийг замхраана. Шар өнгө нь оюун ухааны өнгө учир байнга хэрэглэхэд тустай. Улбар шар лаа нь маш хүчирхэг өнгийг илэрхийлдэг тул сайн сайхныг дуудаж , аз жаргалыг олоход нөлөөлнө. Хөрөнгө мөнгөө арвижуулж, бизнесээ бэхжүүлэн, амьдралын баталгаат орчныг тэнцвэржүүлж хадгалъя гэвэл ногоон өнгөтэй лаа хэрэглэ. Ногоон өнгө нь байгаль дэлхийн энергийг танд өгч, олз ашгийг харамгүй дуудна. Номин ногоон өнгө нь ямагт шинэчлэл өөрчлөлтийг авчирна. Ялангуяа ажлын өрөөндөө ийм өнгөтэй лаа асааж байвал шийдвэрлэж амжаагүй асуудлын гарцыг олоход танд тусална шүү. Хөрс шорооны өнгийг төлөөлдөг бор өнгөтэй лааг санхүүгийн гачаалд орсон үедээ асааж байвал танд амжилт дуудна. Гэхдээ санхүүгийн бэрхшээлийг хүлээж суулгүйгээр үргэлж асааж байвал таньд л тустай. Улаан өнгө хайр дурлалыг өршөөгч сарнайн билэгдэл бөгөөд урам зориг, хүч чадал, эрч хүчийг тэтгэнэ. Улаан лаа хэрэглэж дадвал осол эндэл ба халдлага дайрлагад өртөхөөс хамгаална. Алтлаг өнгө нь агуу их хувь тавиланг билгэдэх ба гэр бүлд өлзий дүүрэн аз жаргалтай түвшин амьдралыг соёрхоно. Чандмань эрдэнэ болсон усны өнгийг илэрхийлэгч хар өнгө юм. Хар лаанаас битгий эгдүүц. Хар өнгөтэй лаа гэртээ барьж байвал тань наалдаж шингэсэн сөрөг энергийг сорон зайлуулах агаар гэр орон, ажил дээр чинь оршин бүгсэн муу муухай бохирдлыг угааж чөлөөлөх чадвартай юм.
Сануулахад ямар өнгийн лааг асаахдаа байнга залбирч, хүслээ шившиж байгтун. Лаа асааж дадвал гар бүлд хэрүүл уруул үүсэхгүй. Хэн нэгэн өвдөхөд баасан гарагийн орой нар жаргасны дараа гол хаалганыхаа хажууд лаа асааж нар зөв гурвантаа тойрвол өвчнөөс ангижрна.