Шанхайн нэгэн их сургуулийн царайлаг, сурлагатай, хөгжөөн дэмжигчийн багийн ахлагч нэгэн Хятад оюутан охины гэрлэлтийн талаарх өөрийн үзэл бодлоо хуваалцсан захиаг хүргэж байна. Энэ захиа нь интэрнэтэд нийтлэгдсэн даруйдаа хамгийн олон уншигдсан, хамгийн их шүүмж  болон сайшаал хүртсэн нийтлэл болсон юм.





За ингээд захиаг хүргэе:

"Би Шанхайн Jiaotong Их сургуулийн оюутан. Би анх удаагаа бичиж байгаа болохоор хэрэв ойлгомжгүй бол уучилна биз дээ.
Хүн бүр амьдралын өөр өөрийн гэсэн үзэлтэй байдаг. Зарим нь олны дунд баатар мэт өргөмжлөгдөж, зарим нь баян болж, зарим нь удирдагч болохыг хүсдэг. Харин миний тухайд? Миний чин хүсэл бол барууны залуутай суух. Үүнийг сонсоод зарим хүмүүс намайг арчаагүй, жижигхэн бодолтой, тэрслүү үзэлтэн гэх мэтээр бодож болох юм.
Гэвч би үнэхээр үндсэрхэг хүн. Миний хувьд амьдрал дахь хамгийн чухал зүйл бол гэрлэлт. Энэ бол сүүлийн үед нилээд дэлгэрч байгаа үзэл бодол. Сурна гэдэг бол үнэн хэрэгтээ гэрлэлтээс хялбархан. Зөв хүнээ олж гэрлэнэ гэдэг юу юунаас чухал.

Тэгвэл зарим хүмүүс асуух байх: “Хятад залуусаар дутаа юу” гэж. Уучлаарай, би өмнө нь энэ талаар бодож байгаагүй. Миний хэлэх шалтгаануудыг хүлээцтэйгээр уншиж үзээрэй.

I. Хятадад надад тохирсон эр хүн алга.

Би бол хэн бүхний хүсэл татмаар, онцгой, гайхамшигтай бүсгүй. Сурлагын хувьд миний сурч байгаа сургууль бол алдартай, би бас онц сурдаг. Гэхдээ би зузаан харааны шил зүүчихээд номноос салдаггүй онц сурлагатан биш ээ. Надад гоё сайхан бие, үзэсгэлэнт царай, хүнтэй харилцах харилцааны чадвар байгаа. Би хөлбөмбөгийн хөгжөөн дэмжигчийн багийн ахлагч. Би орон нутгийнхаа гоо бүсгүйн тэмцээнд олон удаа оролцож байсан. Би бас дуу хөгжим, урлагт дуртай. Хааяа сонинд нийтлэл бичдэг. Ер нь бол нэг үгээр хэлэхэд би салбар бүр дээрээ өөлөхийн аргагүй амжилттай яваа охин. Гэхдээ ямар эр хүнтэй би гэрлэх вэ? Миний араас олон залуус хөлөө хугалах шахан гүйдэг. Бүр найз охидуудын маань найз залуус хүртэл миний араас гүйдэг.

Гэхдээ тэд төгслөө л бол нэг бол сална, эсвэл гэрлэх тухай, гэр бүл болох, хаана амьдрах талаар ярьж эхэлнэ. Тэд гэрлэлтийн хамгийн чухал зүйл болох хайр дурлалаас өөр бусад бүх зүйлийн талаар маш нухацтай ярьж эхэлнэ. Би амьдралаа сэтгэл санаа, материаллаг байдлын аль аль тал дээр өв тэгш байлгахыг хүсдэг хүн. Гэвч энэ бүхнийг нэг ч Хятад эр хүнээс нэгэн зэрэг олж чадахгүйнэ ээ. Сургуулийнхаа залууд дурлаад гэрлэлээ гэхэд тэр надад миний хүслийн байшинг худалдаж авч өгч чадах бил үү?
Би багахан хэмжээний салон шиг хэмжээний маш том зочны өрөөтэй болохыг хүсдэг. Байшингийнхаа гадаа наран доор биеэ шарангаа үнэтэй шар айраг шимэн найзуудтайгаа санаа амар хөөрөлдөхийг хүсдэг.

Угаалгын өрөөндөө 2 хүн элбэг сэлж чадахаар том баннтай байгаасай гэж хүсдэг. Тэгээд хайртай нөхөртэйгөө уянгалаг хөгжим тавиад шөнийг романтик өнгөрөөж чадна ш дээ.
Түүнчлэн надтай гэрлэх залуу надад машин авч өгч чадахаар хангалттай мөнгөтэй байх хэрэгтэй биз дээ. Эсвэл би өдөр бүр сургууль руугаа автобусаар яваад байх юм уу? Өвөл нь хөлдөж үхэхээ шахаж, зун нь халууцсаар нөгөө үзэсгэлэнтэй залуухан хатагтай хэдхэн жилийн дотор халтар царайлсан чавганц болчихно биз. Тэрнээс гадна над шиг цагаахан царайтай гоо үзэсгэлэнг балиар цагаач ажилчдад түлхэгдэж явахыг залуус та нар зөвшөөрнө гэж үү?

Хятад улс мэдээж чинээлэг эрчүүдээр дутаагүй. Гэхдээ тэд ямар хүмүүс билээ. Тэдний хичнээн нь өөрийн шударга хөдөлмөр, эрдэм мэдлэг, хичээл зүтгэлээр ингэж амжилтанд хүрсэн билээ. Тэд нар сайн ч төлөвшөөгүй, бас хандлага муутай. Яаж би гэдэг хүн тэд нарыг өөрчилж чадах билээ.
Тэд нар мөнгөтэй болохоороо гарч ууж идэн, янхан авч, эсвэл мөрийтэй тоглоцгоодог. Зүгээр л амар тайван амьдрал тэд нарт хэцүү байдаг. Миний араас гүйж, надад бүх юмаа зориулъя гэсэн залуус зөндөө байна. Тэдний тоонд CEO, салбарын ахлагч, дээд зэргийн хүнд сурталтнууд хүртэл байна. Тэд бүгдээрээ баян хэрнээ бүгд их зантай. Тэдний зарим нь надад бүр шууд өөрийнх нь татвар эмэгтэй болох ч санал тавьсан. Бурхан минь! Би зүгээр л нэг хөөрхөн эмэгтэй биш залуу, үзэсгэлэнтэй, үнэтэй сургуульд орохын тулд хэдэн жил маш шаргуу сурсан тийм охин. Над шиг хүн хатагтай байхгүй л юм бол хэн байх юм?

II. Барууны орны амьдралын нөхцөл байдал илүү дээр.

Гэхдээ баян, ганц бие, царайлаг залуу надад дурласан ч байлаа энэ охин [өөрийгөө] бас л түүнтэй гэрлэхийг яарахгүй. Шударгаар хэлэхэд би барууны оронд очиж амьдармаар байна. Миний ТВ-ээр харсан Барууны орон бол яг л диваажин шиг: цэвэрхэн гудамж, гоёмсог барилгууд, цэнгэг агаар гээд. Бүх зүйл нь амар тайван, гоё. Хүн бүр нь эелдэг.
Миний мэдлэг чадвар байгаа байдлаас шалтгаалаад би мэдээж хэрэг хувийн эдлэн газарт амьдарна. Гэвч тэгээд юу гэж. Эдлэн газартай болсон ч би цэнгэг агаарыг худалдаж авч чадах уу? Энэ оронд хаа сайгүй шороо, бохир. Хөдөө арай л гайгүй, гэхдээ би тийшээ зүглэмээргүй байна. Усан сангийнхаа дэргэд усны хувцастай охин руу сагсаа барьсан хэдэн фермерүүд дүрлийтэл ширтээд байвал сонин биз дээ. Оронд нь Төвд илүү цэвэр агаартай, гэхдээ би тэндээс айж байна.
Надад ялангуяа яг одоогийн амьдарч байгаа орчин нөхцөл ердөө таалагдахгүй байна. Айл болгон хулгайчаас сэрэмжлэн хаалгаа тоноглосон, хүн бүр бие биетэйгээ уулзахдаа муухай харьцаатай байдаг. Заримдаа надад агуйд амьдардаг хэсэг бүлэг хүмүүстэй амьдраад байгаа юм шиг л санагддаг. Будаа нь хортой, хуурай сүү нь толгой том болгодог, янз бүрийн шавьж хоолондоо иддэг гээд энэ бүхнийг бодохоос аймаар.

Уучлаарай, чи эхлээд намайг өөртөө дурлуулахын тулд шалтагтай байх ёстой. Юу ч алга уу? Тэгвэл гадаадын орнуудыг л хайрлаж эхлэхээс. Америкийн хотууд, Францын дарсны талбай,  Испанийн далайн эргийн хот, Британийн үзэсгэлэнт ногоон тосгод гээд байна. Манай ангийн хүүхэд Канад руу сурахаар явсан юм. Тэгээд тэнд байхдаа аавыгаа авчирч бараг хагас жил хиртэй болоод ирсэн. Аав нь ирээд “Пөөх, Канад чинь ёстой хүн амьдарч байхаар хамгийн сайхан газар байна” гэж уулга алдаж байсан. Хэрвээ намайг хайрламаар л байгаа юм бол эхлээд нь надад шалтгаан гаргаж өгөх ёстой, зөв үү?
Хятадад амьдрах өртөг маш өндөр. Бид нар Америкчууд шиг үрж, Африкчууд шиг л олж байна. Эцэг эх маань намайг энэ сургуульд оруулахын тулд их ажилласан. Тиймээс би тэдэнд өртэй. Тэд маань хөгширч байна. Хэрэв тэд өвчин тусч эмнэлэгт хэвтвэл тэр өндөр зардлыг би хаанаас олох вэ? Барууны орнуудад хүний эрүүл мэндэд онцгой анхаардаг цогц бодлогууд явагддаг. Гэтэл Хятадын ажиллах нөхцлийн талаар юу хэлэх вэ? Ажлын байр нь ажилтнууддаа хүрэлцдэггүй, энэ бүхнийг бодохоор зүрхний шигдээс тусмаар.