Moderator: mgl_300
Бичлэгийн тоо 42,366
Хэзээ нэгэн цагт та жингээ хасах талаар бодож байсан байж болох юм. Мөн жингээ хасах гэж оролдож ч байсан байх. Хүн илүү жинтэй байх ямар шалтгаанууд байдаг вэ? Их идэх, идэвхгүй байх гэсэн энгийн хоёр шалтгаан хүнийг илүү жинтэй болгоход хүргэдэг болохыг эрдэмтэд тогтоожээ. Хэрэв та илчлэг ихтэй хоол хэрэглэвэл илүүдэл илчлэг нь таны биед өөх болон хуримтлагддаг. Хүн бүрт нөөц өөх гэж байдаг. Харин өөх хэт ихэссэний үр дүнд хүн илүү жинтэй болдог байна. Яагаад илүүдэл жинтэй хүн жингээ хасах ёстой вэ? Жингээ хасах нь өөрийгөө сайн байгааг мэдрэх, илүү идэвхтэй болоход тань тусалдаг. Жингээ хасах нь амархан биш ч та оролдоод үзэх хэрэгтэй. Та үүнийг хийж чадна. Хэрвээ та илүү жинтэй бол жингээ бууруулснаар ямар ач холбогдолтой болохыг доорх мэдээллээс уншаарай. -Таны цусны холестериний хэмжээ буурна -Цусны даралт буурна -Цусны сахарын хэмжээ хэвийн байна Түүнчлэн та илүүдэл жинтэй ч эрүүл мэндийн ямар нэг асуудалгүй бол эрүүл хэвийн жинтэй байх нь таныг зүрх судасны өвчтэй болохоос сэргийлэх юм. Жингээ хасах ямар аргууд байдаг вэ? Юуны өмнө бүү төөрөлд. Тухайлбал бидний чихэнд хоногштол ТВ, радио, сонин хэвлэлээр сурталчилж, санал болгож байдаг төрөл бүрийн биеийн жинг богино хугацаанд, түргэн хасах янз бүрийн аргуудад болгоомжтой ханд. “Та юу хүсэж байна түүнийгээ л ид. Жин чинь буурна” , “Таныг унтаж байх үед чинь өөх чинь хайлж алга болно” гэх сурталчилгаануудад тун болгоомжтой хандаарай. Харин түүний оронд жингээ бууруулах зорилгыг өөртөө тавьж дасгал хөдөлгөөн хийх цагаа төлөвлө. Өөрт тохирсон, хийж чадах энгийн дасгалыг хийж аажим аажмаар хүндрүүлэх хэрэгтэй. Дасгал хийх явцдаа дараах зөвлөгөөг хэрэгжүүлээрэй. -Өөх тос илчлэг багатай хоол хүнсийг сонго -Хоолоо шарж, хайрахын оронд чанаж, жигнэж бэлтгэх нь хавьгүй дээр. -Шарж, хайрсан хоолыг бага хэрэглэ. Үүнд хуушуур, шарсан тахиа, загас, ногоо зэрэг орно. -Өөхгүй мах, хальсгүй тахиа, загасны мах идэж байх -Жимс, ногоо, бүдүүн ширхэгтэй гурил ахиухан идэж бай. Хэрвээ та шүд сайтай бол хөнгөн зууш, түргэн хоолоо жимс ногоогоор сольж болно. -Хүнсний бүтээгдэхүүний шошго уншиж, илчлэг багатай хоолыг сонго -Архины төрлийн ундаа болон их илчлэгтэй ундааг бага уу. -Өдөрт 6-8 аяга ус ууж бай Нэг удаад идэх хэмжээгээ багасга. Өдөрт хооллох тоогоо цөөлөх замаар идэж уухаа багасгах. Өөх тос ихтэй, илчлэг өндөртэй хоол болох пицца, мөхөөлдөс, шарж хатаасан төмс, хуушуур, нарийн боов зэргээс өдөрт ердөө нэг удаа идэхийг хичээ. Нэг удаад ямар хэмжээтэй идэх вэ? Хөдөлгөөнтэй бай. Өдөрт доод тал нь 30 минутын хугацаатай ямар нэгэн идэвхтэй хөдөлгөөнийг хий, эсвэл өөрийн чадах дээд хэмжээгээр идэвхтэй бай. Таны идэвх сайн байх нь таныг жингээ хасахад тань туслах болно. Доорхи хөдөлгөөнүүдийг хийх -Байшингаа хоёр удаа тойрч алхах -Хоёр буудал явган явах -Шатаар явган өгсөж байх -Бүжиглэх. Шинэ шинэ хөдөлгөөнүүдийг нэмж сурч авах. Өөртөө тохирсон хөдөлгөөнүүдийг нэмж ашиглах. Жингээ тогтмол хэмжээнд барьж байхын тулд яах вэ? -Дасгал хөдөлгөөн тогтмол хий -Өөх тос ихтэй хоол хүнс хэрэглэхээс зайлсхий -Хэт цадталаа идэхгүй байх -Чихэр болон архи тамхины хэрэглээг багасгах -Биеийн жингээ барьж байх Жин нэмэгдэхээс сэргийлэх: Хэрвээ та илүүдэл жинтэй бол жингээ аажмаар бууруулаарай. Эрүүл хэвийн жинтэй болтлоо 7 хоногт биеийн жинг 250-450 граммаар бууруулах нь хамгийн зохимжтой байдаг. Эв эрүүл, хэвийн биеийн жинтэй байж, жингээ хасахын тулд өөрийн хийж чадах 2-3 алхмыг нь сонгон байнга хэвшүүлээрэй. -Ихэвчлэн өөх тос багатай, илчлэг багатай хоол хүнсийг сонгож хэрэглэх -Хоолоо удаан идэж байх -Жимс ба хүнсний ногоог ихээр хэрэглэх -Цахилгаан шат ашиглахгүй, явган шат ашиглах -Чихэрлэг ундаанаас усыг илүүд үзэх -Хоол бэлтгэхдээ тослог ихтэй бяслаг, цөцгий, өөх тосыг бага хэрэглэх -Архины төрлийн ундааны хэрэглээгээ хязгаарлах.