Эмэгтэй хүн хайр дурлалтайгаа учирснаас хойш түүндээ хандах хандлага, гаргадаг зан араншин нь эрэгтэй хүнийг бодвол хавьгүй нухацтай байдаг шүү дээ. Тэгвэл миний энэ бичлэгтэй бүсгүйчүүд маань санал нийлж байгаа юм болов уу?
Эмэгтэй хүн байгаа бүхнээ зориулахад бэлэн байдаг бол харин эрэгтэй хүн яадаг бол?
• Эмэгтэй хүн өөрийн хүсэн хүлээж байсан мөрөөдлийн залуутайгаа учирсан тэр мөчөөс эхлэн бүх зүйл өөрчлөгдөж эхэлдэг. Түүнчлэн энэ тохиолдолд ямар ч эмэгтэй хүн уг боломжийг хэзээ ч алдахгүй бас үгүй хийхгүй байхыг хүсдэг.
Read more >>
• Хайр дурлал нь эмэгтэй хүнд далавч ургуулж өгсөн мэт болж улмаар ямар ч саад бэрхшээлийг даван туулахад бэлэн болдог ажээ.
• Хайртай залуугийнхаа хажууд байхдаа өөрийгөө үнэлэх мэдрэмж нь эрс нэмэгддэг.
• Эмэгтэй найз нарынхаа дунд нүүр бардам, сэтгэл хангалуун байж чаддаг.
• Өөрийн дурласан залуудаа улам их таалагдахын тулд гоо үзэмжиндээ илүү анхаарал тавих, хувцасныхаа хэв маягийг өөрчлөх, алхаа гишгээгээ засах гэх мэтээр өөртөө анхаарал тавих эхний алхмыг хийж эхэлдэг.
• Хайртай залуугийнхаа найз нөхдийн дэргэд үг хэл, үйлдлээ цэнэж, тэдэнд аятайхан сэтгэгдэл төрүүлэх үүднээс зөв боловсон харьцах тал дээр багагүй хичээх хэрэгтэй болдог.
• Ганцаардал гэдгийг мэдрэхээ болиод зогсохгүй цаг агаарын ямар ч таагүй зүйлийг цухалдаж хүлээж авахаа болино.
• Өөрт байгаа бүхнээ зориулж, түүнийхээ төлөө бүх зүйлийг хийхэд бэлэн байдаг.
• Хайртай залуугаасаа өөр хэн нэгэн эр хүнийг шохоорхож харах нь битгий хэл өөрийг нь сонирхсон эрчүүдийг хүлээж авах сэтгэлийн орон зай үгүй болдог.
• Итгэл найдвар, зүрх сэтгэлээ зуун хувь өөрийн дурласан залуудаа зориулж чаддаг.
• Хэрэв энэ бүхнийг эрэгтэй хүн үл тоомсорлож, гомдоох юм бол сэтгэл зүрх нь шархалж, нэг хэсэгтээ л уйтгар гунигт автагдах болно.
