Moderator: mgl_300
Бичлэгийн тоо 42,366
Я.Буянжаргал: Хүссэн хүн бүр кесерова хагалгаа хийлгэж болохгүй
.
-.
-Сүүлийн үед хүмүүс кесерова хагалгааг илүүд үзэж байна. Мөн дараа нь хүндрэл гарах үед эмчийг буруутгадаг. Тэгэхээр энэ хагалгааг хүссэн хүн бүр хийлгэж болох уу?
-Эх, ургийн амь насанд аюултай гэдэг нь тогтоогдсон, шаардлагатай нөхцөлд төрөлтийг мэс заслаар төгсгөдөг. Энэ нь кесерова хагалгаа хийнэ гэсэн үг. Гэхдээ ямар тохиолдолд ямар заалтыг баримтлах вэ гэдэг нь бүгд хуульчлагдаад стандартад орчихсон. Тэр заалтын дагуу л хийнэ. Түүнээс биш хэн нэгэн хүн өөрийн хүсэлтээрээ өвдөхгүй амаржмаар байна гээд хийлгэдэг зүйл биш. Энэ бол маш их хүндрэлийг ардаа дагуулж байдаг зүйл. Хагалгааны явцад цус алдаж болно, ямар ч хүндрэл гарч болохыг үгүйсгэхгүй. Эх, ургийн амь эрсдэхгүй гэх баталгаа байхгүй, ийм хэцүү мэс ажилбар байдаг.
-Эхчүүдийг гурваас дээш удаа кесерова хагалгаа хийлгэхгүй байхыг эмч нар зөвлөдөг. Энэ талаар?
-Эхчүүдэд яагаад гурваас дээш удаа кесерова хагалгаанд орохгүй бай гэдэг зөвлөмжийг өгдөг вэ гэхээр эхийн дараагийн жирэмслэлт эрсдэлтэй байх нөхцөл бүрддэг. Тухайлбал, хүүхэд томрохын хэрээр эхийн умай томорч, хуучин сорви маань гэнэт задрах аюул үүсдэг. Тиймээс тухайн эхийн амь насанд халгаатай учир хориглодог.
-Мэргэжлийн хүний хувьд залуу гэр бүл, эхчүүдэд хандаж юу хэлэх вэ?
-Хамгийн эхлээд хүмүүс хүүхэд төрүүлэхдээ энэ хүүхдийг үнэхээр хүсч байна уу гэдгээ бодож, ярилцах хэрэгтэй. Үнэхээр хүүхдээ тээх хүсэлтэй байгаа эсэхээ сайн тодорхойлох нь зүйтэй. Учир нь тээх хүсэлгүй байгаа бол эхний гурван сар дотор үр хөндүүлэх арга хэмжээг авах нь зөв. Ер нь эхний гурван сартайд нь эхийн өөрийн хүсэлтээр үр хөндөж байгаа. Гурван сараас хойшоо хэтрэхээрээ хүсэлтээр хийдэг ажилбар биш болно. Яагаад гэвэл тухайн ажилбар нь эхийн амь насанд халгаатай.
Харин үнэхээр хүүхэд төрүүлэхийг хүсч байгаа бол төрөлтөндөө бэлтгэх хэрэгтэй. Ялангуяа хожуу жирэмсэлж байгаа эхчүүд бол ургийн аливаа гаж хөгжлөөс сэргийлэхийн тулд полийн хүчлийг уух зэрэг арга хэмжээг авч хэрэгжүүлэх нь зүйтэй. Мөн эмчийн хяналтад тогтмол явж, төмрийн бэлдмэлийг уух хэрэгтэй. Энэ нь ямар хэрэгтэй вэ гэвэл цус багадалтаас сэргийлнэ. Цус багадалтаас сэргийлж чадвал төрөх үед гарах хүндрэлийг багасгана. Ямар нэг хүндрэл гарсан тохиолдолд эмчид яаралтай хандах хэрэгтэй.
Э.Туул