Moderator: mgl_300
Бичлэгийн тоо 42,366
Таргалах бэрхшээл дэлхийн хэмжээнд сүүлийн жилүүдэд өсөн нэмэгдэж байгаа бөгөөд өсвөр үеийнхэн болон 40-өөс дээш насныхан голдуу нэрвэгдэх болжээ.
Буруу хооллолт, хөдөлгөөний хомсдлоос болж таргалах хандлага газар аваад байна. Илүүдэл жинтэй хүмүүс янз бүрийн аргаар л тэмцэх юм. Өдөр шөнөгүй дасгал хийж өөрийгөө зовоох нэгэн байхад, өөхөө соруулахаас өөр шилдэг арга байхгүй гэж үздэг нь бий. Өлөн гэдэстэй өдрийг өнгөрөөвөл жин хасах байтугай хамаг энергиэ алдаж сульдана.
Эрүүл мэнддээ хохирол учруулахгүйгээр хоолоо сойхын сацуу хөдөлгөөн хийж жингээ хасахыг хамгийн зөв арга гэж мэргэжилтнүүд дуу нэгтэй зөвшөөрдөг. Энэ удаагийн дугаараас эхлэн Монголын олны танил хүмүүсийн жин хасах нууц жорыг та бүхний өмнө дэлгэх болно.
Анхааралтай уншаад тэднээс суралцаарай. Та ч гэсэн олны харцыг булаан, өөртөө итгэлтэй, өөдрөг амьдарч яагаад болохгүй гэж...Нууц жороосоо харамлалгүй хуваалцсан анхны хүн бол дуучин М.Нара. Францын зүрхний эмч нар хүлээн зөвшөөрсөн жин хасах хоолны дэглэмийг зүрхний өвчтэй, хурц хөдөлгөөн хийж жин хасаж болдоггүй хүмүүст зориулжээ.
Тиймээс маш эрүүл хооллолтоор хамгийн хурдан жин хасах арга гэж нэрлэж ч бас болно. Хэрвээ та энэ дэглэмийг долоо хоног бариад 7-8 кг турвал “хангалттай” гэж үзэн зогсоох хэрэгтэй. Энэ хугацаанд үүнээс илүү турахыг хүсвэл “Нуухыг нь авах гээд нүдийг нь сохолно” гээч болно гэж Нара зөвлөсөн шүү.
Өглөөний цай
Өлөн элгэн дээр нэг аяга буцалсан ус ууж шинэ өглөөг угтаарай. Цагаан талхны оронд хар талх хэрэглэ. Учир нь гурилан бүтээгдэхүүн тэр дундаа цагаан гурилаар хийсэн хүнсний зүйл таны биед ороод хөөлт үүсгэдэг. Нарийн боов хэрэглээд бараг хэрэггүй. Ганц хоёр ширхэг чанасан болон шарсан өндөг идэж болно.
Өдрийн хоол
Маш их шөл болох учраас хөргөгчинд хадгалаад өлссөн үедээ идэж болно. Бүх ногоонуудаа хэрчээд шөлөө болтол нь буцалгаад л гүйцээ. Төмсийг хоолондоо хэрэглэхээс аль болох татгалзаарай. Цардуулыг их хэмжээгээр агуулдаг учир таргалалт мөн тэр хэмжээгээр явагдана гэсэн үг шүү. Мах идмээр байвал бага хэмжээгээр хоолондоо нэмээрэй. Орц нь:
байцаа- нэг бүтэн
ногоон чинжүү-гурван ширхэг
бөөрөнхий сонгино-таван ширхэг
улаан лооль-таван ширхэг
сэлери-нэг багц
амтлагч-тахианы булёонь, лаврын навч, бага зэрэг давс
Оройн хоол
Дэглэмийн хоол гэдэг нь махнаас гараад зөвхөн ногоогоор хооллоно гэсэн үг биш. Тэгвэл хүн биш ямаа болчихно биз дээ. Харин ч махны хэмжээг зохицуулан хэрэглэж энергиэ нөхөж авах хэрэгтэй. Өлссөн үедээ хооллоод, оройн 19:00 цагаас хойш тараг, жимс зэргийг хүнсэндээ хэрэглээрэй.
elgemsuug er emig ni meddeg hun bdag yumuu medehgui bj bas buduuniig ni yaj medeev medemhiinuud ee
чи комын урд нэг муу гоймон идээд л суугаад байгаа юм чинь аргагүй ш дээ элгээ чавка таргалах нь муухай л байж таараа ш дээ кк