УИХ-ын Нийгмийн бодлого, боловсрол, соёл шинжлэх ухааны байнгын хорооны хуралдаанаар өчигдөр Хүний хөгжил сангийн хуулийн төслийг хэлэлцлээ. Нийгмийн халамжийн хавтгайрсан бодлогыг нэг мөр цэгцлэн төрөөс зайлшгүй нийгмийн халамж тэтгэвэр авах ёстой хүмүүст зориулах хэсгийг төсөвтэйгээ уялдуулах ёстой хэмээн гишүүд үзжээ. Тус байнгын хорооноос УИХ-д тогтоол хүргүүлэн батлуулахаар болсон юм. Хүний хөгжил санд хүүхдийн мөнгө, шинэ гэр бүл, шинэ хүүхдийн мөнгийг нэгтгэх аж. Байнгын хорооны гишүүдийн олонхийн саналаар тогтоолын төслийг дэмжлээ. Хүний хөгжил сангаас иргэн бүрт 120 мянган төгрөгийн хишиг хүртээх боломж эхний ээлжинд нээгдэх юм. Байнгын хорооны гишүүд намуудын амлалт бусад халамж үйлчилгээнүүдээс тусдаа байх эсэхийг тодруулж байв. Холбогдох яамны сайдын тайлбарласнаар нийгмийн халамж зайлшгүй авах ёстой хүмүүс нь салбарын яамныхаа бодлогод хамаараад явах аж. Тодруулбал, гавьяаны мөнгө авдаг ахмадууд, хөгжлийн бэрхшээлтэй иргэд, олон хүүхэдтэй эхчүүд нийгмийн халамжийг Хүний хөгжил сангаас биш төсвөөс хүртэнэ гэсэн үг. Нийгмийн бодлого, боловсрол, соёл, шинжлэх ухааны байнгын хорооноос тогтоол гарган УИХ-аар батлуулахаар болов. Ингэснээр хавтгайрсан халамжийг цэгцлэх боломжтой гэж үзжээ. 2011 он хүртэл хүүхдийн мөнгийг хэвээр өгөх бөгөөд энэ хугацаанд Нийгмийн халамжийн тухай суурь хуулийг өөрчлөхөөр төлөвлөсөн байна.
Г.Энх
|
1644-7111+4 
