Moderator: mgl_300
Гадаад ажилчид үйлдвэрийн осолд орох нь жил ирэх тусам нэмэгдэж байна
Уншсан 1245 vote 0 2010.04.13 12:14:47Өнгөрсөн онд 5,231хүн… 2жилийн өмнөхөөс 31хувиар нэмэгдсэн байна.
Өнгөрсөн онд үйлдвэрийн осолд орсон гадаад ажилчдын тоо 2007оныхтой харьцуулахад 30хувиар нэмэгдсэн тооцоо гарчээ.
4сарын 12-ны өдөр Солонгосын хөдөлмөр хамгааллын байгууллагын мэдэгдсэнээр 2007он~2009онуудад 3жилийн хугацаацанд үйлдвэрийн осолд орсон 14,419 гадаад ажилчин байгаагаас 305хүн нь амь насаа алджээ. Он бүрээр авч үзвэл 2007онд 3,976хүн (нас барсан 87хүн) байсан бол 2008онд 5,221хүн(нас барсан 117хүн) үйлдвэрийн осолд оржээ. 2009онд 5,231хүн(нас барсан 101хүн) үйлдвэрийн осолд орсон бөгөөд 2жилийн өмнөхөөс 31.8хувиар нэмэгдсэн байна.
Тус байгууллагын ажилтан “Өндрөөс унах, хөдөлмөрийн нөхцөл хүнд хэцүү зэрэг дотоодын ажилчидтай ижил төстэй үйлдвэрийн осолд гадаад ажилчид орж байна” гээд “хууль бус гадаад ажилчдын хувьд үйлдвэрийн осолд орсон ч нөхөн олговор авах боломж байдаггүй”хэмээн дурдсан байна.
Гадаад ажилчид үйлдвэрийн осолд орох нь 3жилийн хугацаанд нэмэгдсэн тул тус байгууллагаас орон даяар 13орны 2,000ажилчдыг хамруулан хөдөлмөр хамгааллын аюулгүй байдлын талаар судалгаа явуулахаар болсон байна. Өнөөг хүртэл үйлдвэрлэл, бүс нутгаар нь судалгаа явуулж ирсэн бөгөөд орон даяар явуулж буй судалгаа нь анхных юм байна. Тус байгууллага нь ▲ ажлын байр болон ажлын нөхцөл байдал ▲ажил үүргээ гүйцэтгэж байгаад осолд орох, ажлаас хамааралтай өвчин туссан эсэх ▲эрүүл мэндийн байгууллагаар үйлчлүүлсэн ▲хөдөлмөр хамгааллын сургалт явуулсан зэрэг агуулгыг тусгасан судалгааг 5сарын сүүл хүртэл явуулна.
Тус байгууллагын судалгааны хүрээлэнгийн гишүүн И Гуан Хёнг “Дотоодод хөдөлмөр эрхлэж буй 500,000гадаад ажилчин байна хэмээн тооцоолж байгаа бөгөөд хөдөлмөр хамгааллын аюулгүй байдал харьцангуй бага сахигддаг жижиг үйлдвэрт ажиллах нь их байна.”гээд “Энэ удаагийн судалгаа нь гадаад ажилчдыг үйлдвэрийн ослоос урьдчилан сэргийлэх, түүнчлэн ажлын байрны аюулгүй байдлыг нэмэгдүүлнэ ”гэдэгт найдаж буйгаа илэрхийлсэн юм. .
Сурвалжилсан : Канг Гү Ёл