Би нээх олон зүйлийг түүх болгож бичэх гэсэнгүй. Би одоо 27-той энгийн л байдаг эмэгтэй. Харин нөхөр маань АНУ руу сурах гэж яваад 4 жил болж байна. Нөхөртөгө 10 жилээ төгсөөд танилцаж суугаад өдийг хүрэхдээ хамт амьдарсан цагийнхаа ихэнхийг хүлээж байгаа ч удахгүй эргээд хамтдаа байна гэж итгэж явсан. Харин надад нэгэн сэтгэлийн шарх бий болчлоо. Манай нөхөр нэг л эгчтэй. Хадам эгч маань нөхөр хүүхэдтэйгээ тусдаа байдаг ч үргэлж холбоотой байсаар ирсэн. Харин хадам эгчийнхээ нөхөртэй би гэдэг хүн бэр, хүргэний л харьцаатай явж хүндэлж ирсэн. Гэтэл тэр хүндлэл нэг л өдөр замхарч нэг айлын хүргэн бэр байж чадахааргүй тийм зүйлийг хийсэн. Хадам эгчийнхээ нөхөртэй тийм асуудал үүсгэхдээ би өөрөө сээтэгнэж хүссэн бол одоо ингээд бичээд суухгүй байхсан. Гэтэл миний хувьд тэр өдөрөөс хойш тэр хүнийг хүндлэх ч сэтгэл ор сураггүй болж таарах болгондоо, би л гэм хийсэн юм шиг явж, гэтэл тэр хүнд энэ нь байдаг л зүйл мэт харагдаад үнэндээ би уйлахаас ч өөр зүйл чадахгүй юм даа.

Эр хүн чамруу хүч хэрэглээд дайрахад эмэгтэй хүн яачиж чадахгүй юм билээ. Энийг сонсоод зарим нэг нь битгий худлаа маягла чи өөрөө бас хүсэж байсан гэх байх л даа. Гэхдээ яахав дээ хүн намайг юу ч гэж дүгнэх байх даанч миний хүссэн биш таалагддаг ч биш нөхөр минь ч биш хэзээ ч төсөөлөөгүй хүн ингэсэнд л гомдоод байна. Уг нь манай хадам эгч хэнд ч дор орохооргүй үнэхээр чадалтай эмэгтэй нөхөр нь ч тэр хэн ч харсан амьдралаа залгуулдаг хүн…

Гэтэл тэр үэс эхэлэн боломж л гарвал надтай уулзах асуудал гарган харин би гэдэг хүн зугтаад ч хайчих билээ. Би ч сүүлдээ утасаа улайм цайм авдаггүй болсон. Өнөөдөр хүртэл намайг зовоосоор… Үнэхээр өөр хэн нэгнийг нууц амрагаа болгоё гэвэл тэр хүнд асуудалгүй. Яагаад намайг гээд байгааг үнэндээ би мэдэхгүй байна. Энийг уншаад зарим нэг нь хүчээр уулзаж байсан ч чи аажимдаа дасаад эвлэрээд энэ байдалтайгаа зохицсон гэж бодож байна уу, харамсалтай нь тийм биш юм даа. Би энэ бүгдээс болж нөхрийгөө хүлээх итгэлгүй болоод байна, ямар сайхнаар мөрөөдөж хүлээж байснаа бодохоор одоо нөхөртөө юу гэж хэлэх билээ. Түүндээ өөрийгөө ойлгуулахын тулд энэ бүгдийг хэлвэл нэг биш 2 айлын амьдрал сүйднэ. Хүүхэдтэй тэр айлыг хэзээд тэр хэвээр нь үлдээж, би энэ бүгдийг орхих хэрэгтэй юм шиг санагдаад байна. Намайг нэг ч гэсэн хүн ойлгодог бол. Энэ бүхнийг найз нөхөддөө хэлвэл миний нөхрийн нэр гарах болохоор би яаж хэлэх билээ. Одоо надад 2 сонголт л гарч ирээд байна… Нэг бол нөхрөө гомдоохгүйн тулд би өөрөө бүгдийг орхих… Нөгөө бол нөхрөө ирсэн ч би үүниг мэдэгдэхгүй байж амьдрах… Гэтэл хэзээ ч нууц гэж байдаггүй тэр хүн хэзээд минь хадам эгчийн маань нөхөр хэвээрээ л байна шүү дээ… Хүн цагаа тулхаар ямар ч гарц байдаг гэдэг байхаа надад чин үнэнээсээ зөвөлгөө өгч туслаач…