Moderator: mgl_300
Бичлэгийн тоо 42,366
Толгойдоо кетчуп түрх гэж хэн нэгэн хэлбэл та гайхах байлгүй. Гэтэл кетчупээр хоол амталдаг төдийгүй мөнгөн эдлэл цэвэрлэж болдог аж. Бас цайвар шаргал үстэй хүмүүс хлороор цэвэршүүлсэн ус үсийг нь гэмтээж болзошгүйг анхаарч усанд орохдоо толгойдоо кетчуп түрхэж байхыг зөвлөсөн байна.
Америкийн “Reader’s Digest” сэтгүүлийн газраас түүвэрлэн бэлтгэсэн “Энгийн зүйлийн ер бусын хэрэглээ” гэсэн нэгэн шинэ номд ийн бичжээ. Уншигч та бүхэнд энд өгүүлсэн А-гаас Z хүртэлх 2ООО ер бусын зөвлөгөөний заримаас нь хүргэе. Дашрамд хэлэхэд “Энгийн зүйлийн ер бусын хэрэглээ” ном энэ сарын 31-нд хэвлэлтээс гарах юм байна.
Apples - алим: Хэрэв та шөл, хуурганыхаа давсыг ихдүүлсэн бол хийж байгаа хоолондоо зүсэм алим юмуу эсвэл талх нэмээрэй. Тэрнийгээ 1О минут орчим чанаад, мөнөөх алим юмуу талхаа савнаас нь гаргаж хая. Хоолоо амсаад үзээрэй, давс нь яг таарсан байх вий.
Bread - талх: Тостой хурууны бохир ором хананд үлдсэн байж магадгүй. Үүнийг зүсэм цагаан талхаар арилгаж болно. Хананы цаасаа муухай болгохгүйн тулд талхаа эвтэйхэн зүсээрэй.
Compact discs - Компакт-диск: Гэрийн орцонд зориулсан тэмдгэнд ашиглаарай. Дискэндээ багахан шиг нүх гаргаад тэрнийгээ хаалга юмуу багананд өлгө. Шөнийн цагт машинаа тавихад гэгээтэй хялбар байх болно.
Dental floss - Шүд цэвэрлэхэд зориулсан утас: Энэ утсаар товчоо ханзаархааргүй бөх оёорой. Жирийн утасыг бодвол энэ нь бөх бат байдаг. Ийм утсаар шүхэр, майхан, үүргэвчээ сэлбэж оёвол дахиж урагдахгүй.
Emery board - Хумсны хуурай: Энэ нь танд хуучирч толбо тогтсон хилэн гутлаа цэвэрлэхэд тусална. Тогтсон толбоо хуурайгаар хуссаныхаа дараа гутлаа цайны данхны ууранд хэдэн хором барь. Таны гутал тун цэвэрхэн болно.
Fabric softener - Даавуунд зориулсан уусмал: Телевизорынхоо тоосыг даавуунд зориулсан уусмалаар бага зэрэг норгоод арчивал сайн. Дэлгэц халтартахгүй.
Golfing equipment - Гольфид зориулсан гоёл: Бөмбөгний тавиураа тосол. Хэрэв тавиур чинь ганхаж байгаа бол эрэгийг нь чангалаад модны цавууг ганхаж буй хэсэгт нь түрх. Тавиурынх нь толгойн хэсгийг зүсч янзалсан ч болно.
Hair spray- Үсний лак: Хүүхдийнхээ зурсан зургийг удаан хадгалахыг хүсч байна уу. Тэгвэл түүний зурсан зураг руу үсний лак цацаарай. Энэ нь шохойгоор зурсан зураг, баримлын шавраар хийсэн дүрсийг хадгалах хялбар арга юм.
Ice cube Tray - Мөс шиг хөлдөөсөн дарс: Шилэнд үлдсэн улаан цагаан дарсыг дөрвөлжин мөс шиг хэлбэрт оруулан хөлдөөгөөд үз. Дараа нь тэрнийгээ спагетти, мах, загасны маханд зориулсан сүмсэнд хэрэглэж болно.
Jars - Хоосон шилэн сав: Бээлийгээ түргэн хатаая гэвэл хоосон шилэн саванд углаарай. Дараа нь савныхаа амсарыг доош харуулан халаагуур дээр тавь. Бээлий чинь дорхноо хатна.
Ketchup - Кетчуп: Мөнгөөр хийсэн эдлэлийг хэдэн минут кетчупэнд байлга. Дараа нь гаргаж аваад угааж хатаа.
Lemons - Нимбэг: Гантиг чулуун дээр тогтсон хуучин толбыг арилгана. Нимбэгээ дундуур нь хуваагаад дээр нь давс үр. Давстай нимбэг гантигны толбыг дорхноо арилгана.
Milk cartons - Сүүний уут: Сүүний хоосон уутанд хөлдөөсөн мөсийг халуун цай юмуу дөнгөж чанасан жимсний шүүсэнд хий. Халуун ундаа дорхноо хөрөөд зогсохгүй амны цангааг сайн тайлдаг.
Nail varnish - Хумсны лак: Ямар нэгэн зүйлийн хаягийг унагахгүй байя гэвэл түүн дээрээ хумсны өнгөгүй лак түрх. Мөн хувцасныхаа товчийг бат бөх байлгая гэж бодож байгаа бол товчоо тогтоосон утсан дээр өнгөгүй лак түрхээрэй.
Olive oil - Оливийн тос: Гэрийн нөхцөлд модон тавилгаа өнгөлөх хэрэг гарвал нимбэгний шүүс буюу цагаан цууг оливийн тостой хольж хутгаарай. Энэ бэлдмэлээрээ тавилгаа арчвал өнгө орно.
Plastic bottles - Хуванцар лонх: Цэцэг ногоо услах саваа өөрсдөө бэлдэж болно. Хуванцар савныхаа ёроолд томхон нүх гарга.
Харин тагных нь ойролцоо 1,5 мм орчим хоёр гурван нүх гаргаж болно. Мөнөөх лонхоо услах цэцэг ногооныхоо ойролцоо ухсан газар тавь. Дараа лонх руугаа усаа хэрэгцээнийхээ хэрээр хий. Цоорхой лонхоос гоожсон ус таны цэцэг ногоог тогтмол сайн усална.
Rubber flip-flops - Гэрийн резинэн шаахай: Резинэн шаахайгаа гартаа углаад хивсээ арчаарай. Муур нохой гэх мэтийн тэжээвэр амьтадтай айл хивсээ ингэж цэвэрлэх нь тохиромжтой. Амьтадын үсийг тоос сорогчоор соруулбал машин чинь амархан эвдэрч магадгүй. Тиймээс ингэж шаахайгаараа цэвэрлэх хамгийн сайн арга ч байж магад.
Salt - Давс: Гэрийн тавилгаа арчиж цэвэрлэхэд давс тусална. Хоёр гурван дусал усан дээр нэг цайны халбага давс хийгээд хутгаарай. Яг л зуурмаг мэт болно. Энэ зуурмагаараа тавилга дээрх толбыг тойруулан зөөлөн арчаад үз.
Tennis balls - Теннисийн бөмбөг: Өөртөө иллэг хийхийн тулд теннисний бөмбөгийг томоохон нусны алчуурт боогоод амсарыг нь уя. Ингээд бөмбөгөөрөө нуруугаа үр.
Umbrella - Шүхэр: Хуучин шүхрийнхээ даавууг урж ав. Шүхрийнхээ ишээр газар ух. Ургамалд таарсан сайхан хэлбэртэй дүрс бий болно. Шүхрэн хэлбэртэй цэцэг тун гоё харагдана шүү дээ.
Vodka - Водка: ЗО мл цагаан архийг хэдхэн дусал угаалгын нунтаг, 4ОО мл устай хольж хутга. Дараа нь энэ холимогоо шингэн зүйлээр зайлаад нартай өдөр хогийн ургамал руу шүршээрэй. Хогийн ургамал дорхноо унах болно. Харин бүрхэг өдөр таны энэ бэлдмэл ач тусаа өгөхгүй гэдгийг анхаараарай.
WD40 - Спирттэй шүршдэг шингэн тос: Хэрэв та зөгийнд хатгуулсан бол хазуулсан хэсэг рүүгээ “WD-40”-ийг шүршээрэй. Өвчин дорхноо намжина.
Yoghurt - Йогурт: Та хөвд ургуулмаар байвал 2ОО мл усанд йогуртаа хийгээрэй. Энэ холимогоо хөвдөн дээрээ хийвэл дорхноо ургана.
Zip - Цахилгаан: Наран шарлагын үеэр хэрэглэдэг алчуураараа цахилгаантай халаас хийгээрэй. Энэ халаасандаа түлхүүр, нарны шил, тав арван зоос хадгалж ч болно.