Moderator: mgl_300
Гэрлэсэн хүмүүс ганц бие хүнээс хоёр дахин их таргалдаг гэж эрдэмтэд мэдэгджээ. Грекийн мэргэжилтнүүд 20-70 настай 17 мянга гаруй хүнийг судалгаанд хамруулан ийм дүгнэлт гаргажээ.
Судалгаагаар гэрлэсэн хос биеийн тамирын дасгал харьцангуй бага хийдгээс гадна, дотно харилцаанд орох хугацаа нь хол байдаг болон тэжээл багатай хоол унд хэрэглэдэг болохыг тогтоосон байна. Гэрлэсэн хүн биеийн тамирын дасгал хийхээс илүү хоол идэх, зурагт үзэхэд ихэнх цагаа зарцуулдаг аж. Таргалалт нь тухайн хүний амьдралын хэв маяг өөрчлөгдсөнтэй холбоотой гэж судалгааг удирдсан профессор Димитрис Киортсис хэлжээ. Гэрлээгүй хүн хамтрагчаа олохын тулд бусдад сайхан харагдахаар биедээ ихээхэн анхаарал тавьж, биеийн тамирын дасгал хийдэг бол гэрлэсэн хүн өөрийгөө зөнд нь хаядаг гэж мэргэжилтнүүд ярьжээ.
Таргалалт нь дэлхийн хүн амын эрүүл мэндэд хамгийн их заналхийлж буй өвчний нэг болж байгаа билээ. Мэргэжилтнүүдийн зөвлөснөөр, насанд хүрсэн хүн долоо хоногт наад зах нь таван удаа өдөрт 30 минут биеийн тамирын дасгал хийх хэрэгтэй аж. Британийн хувьд тус улсын дөрвөн хүн тутмын нэг нь таргалалттай гарчээ. 2020 он гэхэд тус улсын 10 эрэгтэй тутмын найм, 10 эмэгтэй тутмын долоо нь таргалалттай болохыг урьдчилсан судалгаа харуулжээ.