С хэмээх баян айлын эрх танхил охин уг ажилд бусдыгаа үлгэрлэн хошуучилдаг байжээ. Дийлэнх нь ширхэг тамхины мөнгөгүй болсон байхад С-ийн халаасанд хэзээ ямагт мөнгө байж л байна. Тэр эротик, порно киног үзэх үедээ өнөөхөө үнэртэн мансуурч орчноо умартдаг болсон байна. Ялангуя порно урлагийг хориглож буй энэ цагт сургуулийн хүүхдүүд ийнхүү нууцаар секс кино үзэх явдал хип хоп хувуаслалтаас илүү `мода` болон дэлгэрч буй ажээ.

Нэг удаа тэд сургуулийнхаа заалыг цагаар авч сагс тоглохоор цугларлаа. Хичээл нь аль хэдийнээ тарж нилээд орой болсон байв. Бүтэн цаг хөлсөө урсгасны эцэст хүүхдүүд тарцгаалаа. Харин мансуурагчдын бүлэг бие биедээ хорогдон үлджээ. Өнөө нунтаг бараг дуусах шахсан аж. Тэгээд ч сургуулт тарчихсан. Ганц муу өвгөн жижүүрээс өөр хүн байхгүй. Боломжийн үе юм биш үү хэмээн нэг нь санал гаргалаа. Хэдэн хормын дараа тэдний ухаан санаа энэ замбуулангаас хальж ертөнцийн чиндад орших улаан нүдэн гариг руу одсон байв.

Зааланд үлдсэн хүүхдүүдийг тараахаар өвгөн жижүүр бослоо. Тэрэр заалны хаалгыг татмагцаа л амьдралдаа анх удаа порно кино гээчийг ботидоогоор үзээд амаа ангайтал мэлэрчээ. Шалан дээр нүцгэн охид хөвгүүд дээ доороо орон ил задгай сексийн ажил үйлдэж, зарим нь дуулж, бүжиглэж галзуурсан мэт хөхрөлдөж байв. Айсандаа дуу нь гарахаа байсан өвгөн хажуунгынхаа компанийн хөрш жижүүрийг дуудлаа. Хоёр хуучны партизан хүүхдүүдийг зандран загнаж заримыг нь алгадан үзсэн боловч цөм чөтгөрт хорлуулсан мэт нэг л сонин мансуурлын байдалтай байв.

Ингээд ямар нэгэн аюултай халдвартай өвчин тусчихсан юм биш биз гэж сэжиглэсэн хоёр тэр даруй захирал, түргэн, цагдаа гурвыг дуудсанаар бүх зүйл тодорхой болжээ. Ялангуя иймэрхүү явдал улайм цайм сургууль дээр болсон нь манай хар тамхины нөхцөл АНУ-ыг хэлэлтгүй болсныг гэрчилнэ.