“Тэнгис” кино театрт гарч байгаа кинонуудыг танилцуулж байна. Нэгдүгээр танхимд Монголын хүүхдийн хөгжимт уран сайхны кино болох “Мөрөөдлийн зүгт” уран сайхны гарч байна. Мөн энэ танхимд “9009” монголын уран сайхны кино гарч байгаа аж. Тус кинонд Одод болох хүслэн бүжгийн тэмцээн болж байна. Генералууд хамтлагийн гишүүн болох Ариука, Төмөрөө, Пүүжээ нар тэмцээнд оролцох бөгөөд тэд охидын Солонго бүжгийн хамтлагтай хамтран амжилттай оролцож тэргүүн байр эзэлнэ. Найзуудын амьдрал хөгжилтэй явдлаар дүүрэн байх ба Чехэд ажиллаж байгаад ирсэн охидтой танилцсанаар үйл явдал өрнөнө.
2009 он буюу орчин үе
Хориод жилийн дараа Ариунболд, Төмөрөө, Пүүжээ нар тус тусын амьдралтай болсон хэдий ч бага насандаа тавьсан андын тангарагтаа үнэнч хэвээрээ байна.
Ариунболд нэгэн компанийн захирал бөгөөд ганц хүүтэй. Хүүгийн нэрийг Тамир гэнэ. Тамираа бол бусдын адил боломжтой айлын сэргэлэн залуу бөгөөд найзууддаа нэр хүндтэй нэгэн. Түүний найз охиныг Энхмаа. Энхмаа Японоос ирээд удаагүй ба Тамираа Төгөлдөр, Энхмаа 3 багын найзууд. Дэлхийн нийтийн хямрал монголын нийгэмд нөлөөлсөн нь Ариунболдын компанийг ч тойрсонгүй. Ариунболдын гэнэтийн үхэл Тамираад хүнд цохилт болж улмаар компанийн эрх мэдэл өөр хүнд шилжсэн нь түүнийг ямар ч өв залгамжлах эрхгүйгээр гудамжинд гаргана. Яг энэ мөчид Тамираа Энхмаагийн Японд байхдаа оюутан биш ширээний хүүхэн байсныг олж мэдэх аж. Энэ танхимд гарч буй бас нэгэн монголын уран сайхны кино бол саяхан нээлтээ хийсэн “Цувчуур цэг ком” юм. Кинонд компьютерийн мангас болсон гурван залуу интернэтэд эротик реалити шоу сайт. байгуулж түүгээрээ мөнгө олох аргыг сэднэ. Ингээд тэд хамгийн царайлаг болох нэгнийгээ камертай шил зүүлгэн охидын анд гарцгаана. Тэд охинтой танилцан улмаар ойр дотно болж оронд орох хүртэлх бүх процессийг камерт бичин тэр бичилгээ өөрсдийн байгуулсан эротик реалити шоу сайт болох “цавчуур.com”-д байрлуулна.Энэ бизнес ашиг авчирах тусам залуус ямар аюултай үр дагавар авчирч болохыг үл хайхран улам улайрснаар киноны үйл явдал өрнөх аж.Харин хоёрдугаар танхимд “Гоёлын даашинз” уран сайхны кино гарч байна. Кинонд сургуулийнхаа хамгийн хөөрхөн охин Ариунаа, түүнд санаандгүй байдлаар үнсүүлсэн Чука гэх залуусын хайр сэтгэлийн түүх эхэллээ. Хөрөнгө мөнгөөрөө гайхуулж, дэлхийд алдартай брэндийн гутал, цүнх, хувцас гоёл чимэглэлээр гангарах дуртай найзуудаасаа дутахгүй хичээх Ариунаа охин эгчийнхээ 1000 ам.доллларын үнэтэй ноолууран сваровскигийн шигтгээтэй гоёлын даашинзыг хулгайгаар шинэ жилийнхээ баярын хүлээн авалтанд өмсөнө. Мэдээж Ариунаа 1000 ам.долларын даашинзтайгаа бусдаас онцгой харагдаж байлаа. Харамсалтай нь түүний энэ их баяр баясгалан удаан үргэлжилэхгүй ээ. Тэрбээр бүжгийн талбай дээр 1000 ам.долларын үнэтэй нөгөөх даашинзаа улаан дарс, коктейлороор будуулна. Хичнээн цэвэрлэсэн ч даашинзны улаан толбо ариласангүй. Яахаа мэдэхгүй болсон Ариунаа 1000 ам.долларын үнэтэй тэрхүү ноолууран даашинзыг дахин захиалж хийлгэхээр шийднэ. Гэсэн хэдий ч түүнд дахин даашинз хийлгэх мөнгө байхгүй тул сургуулийнхаа Чука гэх залуугаас тусламж хүснэ. Урд нь Ариунаа найзуудтайгаа мөрий тавин Чука гэх энэ залууг уруул дээр нь үнсэн тоглоомоо болгосон. Тиймээс Чука хариугаа авч хоёр сарын турш үерхэх болзол тавьснаар үйл явдал цааш өрнөнө. Мөн энэ танхимд монголын “Төрийн дайсан” уран сайхны кино гарч байгаа аж. Киноны үйл явдал Монголын том орд газрыг хууль бусаар ашиглахыг хүссэн гадны компанийн төлөөлөгч харь иргэн өөрийн бусармаг ажлыг хэрэгжүүлэхэд нь саад болоод байгаа Түвшин сайдыг замаасаа зайлуулахыг хүсэх ба Том ордуудаас орж ирэх ашгийг хэсэг бүлэг олигархиуд биш ард түмэн хүртэх ёстой гэсэн хатуу байр суурь баримтлаж байгаа УИХ-ын гишүүн, Засгийн газрын сайд Түвшин гарцаагүй алуулахаар болно. Киноны гол дүр болох цагдаагийн ахмад Мөнхтөрийн амьдрал энэ хэргээс болж орвонгоороо эргэж учир нь үл тайлагдах асуудлууд дунд хутгалдан орсноор үргэлжлэх юм. Харин гуравдугаар танхимд Солонгосын инээдмийн “36-тай өвөө” уран сайхны кино гарч байна. Кинонд охид бүсгүйчүүдийн зүрх сэтгэлийг шархлуулагч царайлаг залуу Нам Хён Су 30 хэдхий гарсан ч гэлээ гэр бүлтэй болоход яараагүй нэгэн. Түүний амьдралд бүх зүйл бий мөнгө, сайхан ажил, нэр хүнд, шүтэн бишрэгчид, араас нь гүйх бүсгүйчүүд ... Нам Хён Су радиогийн чадварлаг хөтлөгч. Тэр гайхалтай олон нэвтрүүлэг бэлтгэж явуулдаг бөгөөд олон сонсогчдыг байлдан дагуулж чадсан ч хамгийн олон фенүүдтэй “Нам Хён Сүгийн Үдшийн нэвтүүлэг”- ээр нь нэгэн охин шууд холбогдох ба охин хэзээ ч уулзаж байгаа аавынхаа тухай ярина. Хөтлөгч түүнд зөвлөгөө өгөх бөгөөд аавыгаа заавал олж уулзах хэрэгтэй гэж захина. Энэ сэтгэл доглуулсан ярианы дараа ч нэвтрүүлэгийн ретинг асар хурдацтай өсжээ.
Энэ ярианаас хэд хоногийн дараа хаалганы хонх дуугаран өөрийгөө түүний охин гэж нэрийдсэн залуу бүсгүй 7 настай хүүгээ дагуулж ирснээр киноны үйл явдал өрнөнө.
Гэрлэж ч амжаагүй байсан ганц бие залуу нэг л өдөр аав болоод зогсохгүй бүр өвөө гэж дуудуулах болсон хөгжилтэй түүхийг өгүүлэх
- Холбоотой бичлэг :
- http://www.mglclub.com/1751009/c7a/trackback
