Бичлэгийн тоо 2,391
б.Сиамын ихрүүд
Гэвч энэ зуур Ц.Нямдорж зүгээр суугаагүй байна. Монгол банкны ерөнхийлөгч О.Чулуунбат нэгэнтээ ойр дотныхондоо Ц.Нямдорж надаар оролдож яах вэ дээ? Өөрөөрөө л оролдож байгаа гэсэн үгшдээ гэж хэлсэн байдаг юм. Хэвлэлд мөн л байгаа даа.
Ц.Нямдорж "Центрпойнт" болон бас бус томоохон хэргүүдийн цаад эзэнийг хайхад О.Чулуунбат уруу очоод байсныг албан тушаалынхаа ачаар мэдэж, хангалттай мэдээлэлтэй болжээ. Тэгээд ч О.Чулуунбатыг баривчлах гэж хоёр удаа оролдоод бүтэлгүйтжээ. Учир нь Н.Энхбаяр хаагаад байсан гэдэг.
О.Чулуунбат бас А.Базархүүгийн тархийг нь барьсан хүн юм. 2000 онд Н.Энхбаярын ЗГ анхны төсвөө УИХ-аар хэлэлцүүлэхэд А.Базархүү "Ийм төсөл оруулж ирэхдээ яадаг юм, шууд буцаа гэж агсарч байсан. Тэр төсвийг нь ёстой бут авсан, Н.Энхбаяр ч их айсан гэдэг. Чингээд Сиамын ихэр Чулуунбатыг дуудаж цаад А.Базархүүгээ аргалаадах гэжээ.
Цаадах нь бараг А.Базархүүгийн өрөөнд ажлаа хийнгээ бас гишүүнийг архиар угжиж эхлэжээ. А.Базархүүгийн хүүгийн хурим "Баянгол" зочид буудлын ресторанд болоход нэг сая төгрөг бэлэглэсэн байдаг. А.Базархүүгийн хурц хэл ч мохож, бүр Монгол Банкыг шалгасан УИХ-аас томилсон ажлын хэсгийг ахлаж, банкыг магтаж эхэлжээ. Энэ ачийнх нь хариуд түүнд Монгол банкнаас байр өгчээ.
Тиймээс А.Базархүүг Говь-Алтайнхан турхирсан уу, Сиамынхан турхирсан уу? гэх асуулт гарч ирнэ. Ц.Нямдорж намын дотор нөлөө бүхий хоёр бүлэгийнхнийг л гартаа оруулж авах гээд оролдоод байсан хэрэг л дээ. Харин тэр хоёр нь цаагуураа нийлж аваад Ц.Нямдоржийнхоо дор нүх ухаад байж л дээ.
О.Чулуунбатыг баривчлах гэж оролдсоны нэг дэхь нь Ц.Нямдорж Центрпойнтын хэргийг мөрдөж байсан мөрдөн байцаагчийг дуудаж, "Төв аймгийн хориход байгаа Дамбын хишгээ, Шөвгөр Өлзий нарыг байцаагаад ир" гэж явуулжээ. Ерөнхий сайдыг Японд айлчлах үеэр Мянганбаяр, Хишгээ, Өлзий та нар О.Чулуунбатаар дамжуулж 20 мянган доллар Ерөнхий сайдад өгсөн нь үнэн үү? гэсэн ганцхан асуултын хариуг аваад ир гэж явуулжээ.
Харин өнөөх бүтэлгүй байцаагч нь хэлтсийн даргадаа ороод ийм ажлаар явах гэсэн юм гэж хэлснээр нууц задарчихжээ. Зарим хүний ярих нь тэр байцаагч явж энэ асуултынхаа хариуг авсан гэлцдэг. Тэгээд ажлаа хийхгүй хаачаад ирэв гэж даргыгаа загнахаар нь сайдын тушаалыг биелүүлж яваад ирлээ гэж хэлээд нууц задалчихсан ч гэх юм билээ:
Хоёр дахь удаад нь Улсын Прокурор О.Чулуунбатыг дуудаж байцаагаад О.Чулуунбатыг тусгаарлаж шалгах шаардлагатай гэдэг дүгнэлтэнд хүрчээ. Монгол Банкны ерөнхийлөгчийг УИХ-ын зөвшөөрлөөр тусгаарлах ёстой учраас албан бичиг төлөвлөхөөр О.Чулуунбатыг түр гарна уу гэжээ. Гармагцаа О.Чулуунбат Ерөнхий сайд Н.Энхбаяртай холбогдож амжаад мултарчихжээ. Уг нь албан бичгийг компьютерт гарцаагүй төлөвлөснийг харсан хүн байдаг ч тэр албан бичиг тэгээд л алга болчихжээ. Үүнээс болж Ерөнхий сайдын өрөөнд Энхбаяр, Нямдорж хоёр чи, би, нохой, гахайдаа тулжээ.
Ямар боловч Ц.Нямдорж Сиамынхны бүх булхайг мэддэг болж таарч байна. Яг иймдээ тулбал "Л.Гүндалай бол яршиг л байна" гэдэг Ц.Нямдоржийг үг ч ортойдог. 45 хуудас материал задарсны дараа Ц.Нямдорж Ерөнхий сайдаас алхам ч холдохоо байж, Сиамын ихэр гурамслах янзтай болоод ирлээ. Гурамслал тун ч аюултай.
Яаж ийгээд Н.Энхбаяраас салахгүй сахиж байгаад л төөргөө харъя гэж бодсон бололтой. Хэрвээ Ц.Нямдоржийг огцруулахаар болбол Ц.Нямдорж ч олон юмыг "онгойтол" ярьж чадах нөхөр шүү. Тэр хавчигдаж хийсэн хэвлэлийн хурал дээрээ "Би бол олон юм мэднэ, нэг сэтгэлээ онгойтол ярьчихмаар л байна" гэж хэлсэн билээ. Сонгууль дөхөж, Ц.Нямдоржийг золиослох нь намаа зольсонтой адил болох тул Н.Энхбаяр түүний хэргийг яаж ийгээд дарсан билээ. Гэвч Ц.Нямдоржтой хийх түүний тулаан үүгээр дуусаагүй юм. Гэхдээ энэ материалыг Н.Энхбаяр л гаргасан ба яаж гаргасныг дараа өгүүлнэ.
...
- Холбоотой бичлэг :
- http://www.mglclub.com/1644244/648/trackback
