Нийслэлийн шүүх дээр өнөөдөр Нийгмийн даатгалын газрын дарга асан, УИХ-ын 2008 оны сонгуулийн 25 дугаар тойрогт нэр дэвшигч С.Эрдэнэ болон түүнд холбогдох хүмүүсийн хэргийг хэлэлцэх талаар бид мэдээлсэн. С.Эрдэнийг Улсын нийгмийн даатгалын ерөнхий газрын даргаар ажиллаж байхдаа Нийгмийн даатгалын сангийн хөрөнгийг хууль бусаар зарцуулж, хувьдаа завшсан хэргээр Эрүүгийн хуулийн 150 дугаар зүйлд зааснаар зургаан жилийн хорих ял ногдуулан ялыг эдлүүлээд байсан билээ.
С.Эрдэнэ, Д.Үүрийнтуяа, Б.Лувсандагва нар болон сонгууль будилаантуулсан хэргээр торгуулийн ял сонссон УИХ-ын сонгуулийн 25 дугаар тойргийн хэсгийн хорооны дарга Н.Ширэндэв, гишүүн Б.Жаргал, Ч.Чулуунчимэг, Г.Намхайдорж нарт холбогдох хэргийг Нийслэлийн шүүх хэлэлцээд нотлох баримт хангалттгүй, хэргийн зүйлчлэл өөрчлөгдсөн зэрэг шалтгаанаар Баянгол дүүргийн шүүхээс гарсан анхан шатны шүүх хурлын шийдвэрийг хүчингүй болгож хэргийг нэмэлт мөрдөн байцаалтад шилжүүллээ.
Өнөөдрийн шүүх хуралд шүүгдэгч нарыг оролцуулаагүй бөгөөд Нийслэлийн шүүхийн шийдвэрээр С.Эрдэнэ удахгүй “наранд” гарахаар боллоо