Ерөнхий сайдын “Импортыг орлуулах” бодлого, Ерөнхийлөгчийн “Шинэ гудамж” төсөл биднийг дэмжиж, биднээс тусламж хүсэж байхад бид дуугүй сууж байгаа нь үнэхээр зохимжгүй явдал. Манай Ерөнхийлөгч “Шинэ гудамж” төслөө “Шинэ хот”, “Шинэ улс” болгон өрөгжүүлэхийн тулд үндэсний инженерүүдээсээ шинэ санаа, шинэ бүтээл хүлээж сууна. Ийм байхад бид нойрноосоо сэрж Монголдоо инженерийн олон төрлийн төсөл зохиож, Ерөнхийлөгчийнхөө төслийг дэмжицгээе.
Ерөнхий сайдаас Элчин сайд нартаа үүрэг даалгавар өгч гадаадад суугаа монгол инженерүүдийг судлуулж улмаар тэднийг нутагтаа ирж их үйл бүтээхийг санал болгож байна.
Жишээ нь, Англид суугаа суугаа манай Элчин сайд Б.Алтангэрэл миний ажилтай танилцаад Английн электроникийн үйлдвэрлэлийн дүр зургийг авч улмаар намайг Монголдоо тийм үйлдвэр байгуулахыг дэмжин тусалж байна.
Хэдийгээр манай инженерүүд одоохондоо зах зээлд эзлэх байр суурьгүй, сул зогсолтын байдалд байгаа нь өөрсдийн буруугаас бус тендер нэрээр импортлогчид ба тэднийг дэмждэг манай элитүүдийн гаж дон юм. Ийм байдал Японд ноёрхож байсан бол тэд өдийд Монгол Улсаас илүү ядууралд нэрвэгдсэн, сул дорой улс орон байх байсан гэж Японы NEC-ын ахлах инженер Стив Икей онцлон тэмдэглэж байсан. Би монгол инженерүүддээ заавар зөвлөгөө өгч, Англид байдаг бараа бүтээгдэхүүнийг зохион бүтээхийг санал болгоно. Тэдний нэг хэсэг миний хэрэглэгч болж байхад нөгөө нь нийлүүлэгч байх юм. Электроникийн үйлдвэрлэлийн бааз суурь ингэж инженерийн бүх салбарын оршин тогтнох эх үндэс болдог.
Жишээ нь, манай хэсэг инженер нано технологи ашиглаж эрчим хүч үйлдвэрлэлээ. Тэдэнд зайлшгүй хэрэгтэй автоматикуудыг би асар бага зардлаар зохион бүтээж нийлүүлж болно. Үйлдвэрлэсэн цахилгаан энергийг нь чанарын өндөр түвшинд хүргэх, доргилтын үед хүчдэлийг тогтворжуулах, үүсгэгч бүрт ачааллыг жигд хуваарилах зэргээр тэд нарт зайлшгүй шаардлагатай автоматикуудыг хангалттай зохион бүтээж нийлүүлж чадна.
Манай хэсэг инженер түлш болон цахилгаан эрчим хүчээр ажилладаг троллейбус зохион бүтээж Казахстан улсад нийлүүлсэн тухай уншлаа. Тэгвэл тэдний удирдлагын хэсгийн автоматикуудыг зохион бүтээж нийлүүлэх боломж байна. Учир нь би эсэргүүцэл конденциатор индукцлэлийн ороомог оролцсон ямар ч электроникийн хэлхээг программ хангамжийн аргаар хийж чадна.
Хэрвээ та хүнсний тоног төхөөрөмжийн инженер бол ямар нэгэн төхөөрөмж зохион бүтээгээрэй. Би түүнийг чинь цахилгаан автоматжуулалтыг нь хийж өгье. Ер нь бидэнд мэдэхгүй чадахгүй зүйл гэж байх учиргүй ээ. Учир нь бүх төрлийн инженержүүлэлтийн анхан шатны жишээ загвар, бүх мэдээлэл интернэтэд үнэгүй байдаг ба IEEE (International Electrical Electronics Engineering) гэдэг сэтгүүл дээр бүх мэдээлэл бий. Энэ сэтгүүл интернэтэд тавигдсан байгаа. Зарим электрон бараа бүтээгдэхүүний хийц загвар, тавил тохируулагийн тоо хэмжээг тухайн улсынх нь Засгийн газрын хуульчлан хатуу зааж өгдөг. Тиймээс бидэнд ямар ч үнэ төлбөргүй техникийн шийдлүүд бэлэн байна. Эдгээр хууль тогтоомж нь интернэт дээр үнэгүй байдаг. Хэрэв бид тэр улсад экспортлоё гэвэл тэдгээр хууль тогтоомжд заагдсан стандартад нь нийцүүлсэн байх ёстой.
Эцэст нь бид электроникийн хувьсгал хийж инженерийн бүх салбарын үйлдвэрлэлийг хөгжүүлэх техникийн бүрэн боломжтой боллоо. Гэтэл бидэнд нэг том саад бий. Юу байж болох вэ? Үүнийг дараачийн цувралдаа толилуулах болно.
Миний товч намтар
2000-2007 онд ALSTOM POWER CONVERSION LTD
CONVERTEAM LTD компанид електроник, программ хангамж,
эрчим хүчний реактив чадлын автоматжуулалт, тогтворжилт, реле-хамгаалалтын зохион бүтээгч инженер
2007.03-2007.09 онд NEC Electronics LTD компанид хүчний електроник, программ хангамж, моторын удирдлагын автоматжуулалт асуудал эрхэлсэн ахлах инженер
2007.09-аас одоо хүртэл Castle Care-Tech LTD компанид интернет, радио холбоо, дохиололын систем зохион бүтээгч програм хангамжийн инженер
Илгэгч:
Намхай овогтой Нацагням
26/03/2009