Дуучин Гантулгаас болгоомжил

Нэгэн үе ганц нэг цэргийн дуу дуулж олонд танигдах болсон Нарантуяагийн Гантулга гэгч нь сүүлийн үед БНСУ-д хүн гаргаж харлуулах бизнест гаршиж, Солонгос руу гүйдэлтэй болжээ.

Ингэхдээ өөрийн эхнэр гэх Сандуйн Эрдэнэчимэг (Асашьёрю аваргын хадам эх) гэгчтэй хамтран ажил хэрэгч сайхан хүмүүсийн дүр эсгэн бусдын итгэлийг авч, улмаар Солонгост ийм тийм ажил хамтарч хийх гэсэн юм, урилга гаргаж өгөөч гэж гуйж гувшин урилга гаргуулан, Солонгост хүн гарган харлуулдаг байна.

Гар бариад бугуй барина, бугуй бариад булчин барина гэгчээр өчүүхэн мөнгөний төлөө тэдний хийж байгаа бусармаг хар үйл нь бусдад ямар хор хохирол учруулж байгааг эдгээр хүмүүс мэдсээр байж юман чинээ тоохгүй, бүр цайчихсан яваад байдаг нь даанч харамсалтай.

Эд нарын үйлдсэн энэхүү хуудуутай хэргийн талаар бодит үнэнийг товчхон толилуулъя.

Дуучин Н. Гантулга, С. Эрдэнэчимэг нар нь 2011 онд БНСУ-ын Сөүл хотод хууль ёсны дагуу үйл ажиллагааг явуулдаг нэгнээс хэд хэдэн удаа өөрсөддөө урилга гаргуулан Солонгос явж байжээ.

Эдгээр хүмүүс 2012 оны 2-р сард Монголын Цагаан сарыг тохиолдуулан Сөүлд урлагийн тоглолт хийх гэсэн юм. Энэ 4-н хүнийг урьж өгөөч, бид ямар нэг асуудал гаргахгүй, найдвартай, бидний ажилд туслаж өгөөч гэж дахин дахин гуйж байжээ.

Н. Гантулга нь олонд танигдах дуучин, түүний эхнэр С. Эрдэнэчимэг нь их аварга Дагвадоржийн хадам ээж гээд бас ч гэж нэртэй төртэй хүмүүс ямар нэг асуудал гаргахгүй биз. Тэгээд ч урьд нь хэд хэдэн удаа Солонгост ирээд буцсан юм чинь гайгүй биз. Ажил хэрэгт нь ч туслая гэж бодон урилга гаргаж өгчээ.

Энэ 4-н хүн дотор МУГЖ дуучин Сийлэгмааг оруулсан байсан бөгөөд энэ нь бас л итгэл төрүүлэх гэсэн Гантулгын нэгэн далд санаа байсан бололтой.

Гантулга нөгөө хоёр хүнийг нь Соёл урлагийн их сургуулийн дуулаачийн анги төгссөн, сайн дуучин болох ирээдүйтэй дуучин Хандаажавын Алтанцэцэг, Нанзадын Сэлэнгэсайхан гэдэг 2 эмэгтэй байгаа гэсэн байдаг.

Гэтэл энэ 2 хүн нь дуучин ч биш, СУИС ч төгсөөгүй, тэс өөр мэргэжилтэй бөгөөд Солонгост очоод ямар ч урлагийн тоглолт хийлгүй, Солонгост бултаж алга болсон байна. Энэ нь анхнаасаа Солонгост харлах гэсэн зорилготой 2 эмэгтэй байсан байгаа юм.

Гантулга энэ нөхдүүдийг явуулахаасаа өмнө “би эд нарыг танихын дээдээр танина, бид хамтарч олон удаа тоглолт хийж байсан, бид нэг бүлэг, хамтлагийн хүмүүс” гэж ярьж байснаа харлаж алга болсны дараа “би олж чадахгүй хаана байдаг, гэр орныг нь ч мэдэхгүй, би харлуулчихаа юу” гэж ичих ч үгүй ярьж сууна. Ийм хүнийг ямар хүн гэх вэ. Амьдрах гэж аргаа барж, мөнгө олох гэж яваа нь энэ юм байхдаа зайлуул.

Урьсан хүнийг Монголд ирээд Солонгос руу буцаж орох гэтэл “2 хүн харлуулсан байна. Иймд таныг нэвтрүүлэхгүй” гэж Солонгосын Гадаадын харъяатын алба саатуулсан байна. Энэ үед Гантулгын эхнэр С. Эрдэнэчимэгтэй утсаар холбогдож “Та нарын 2 хүн харалснаас болж би ч өөрөө Солонгос руу зорчиж чадаа байлаа. Та нарт хэлээд байхад яагаад арга хэмжээ авч, тэр 2 хүнээ олж өгөхгүй байгаа юм бэ ? Би одоо яах юм бэ ? “ гээд уйлаад ярихад С. Эрдэнэчимэг:  “Чи юундаа уйлаад, сүржигнээд байгаа юм бэ. Чи ч зовлон үзээгүй л байна даа” гэж хүйтэн цэвдэг үгээр хариулсан байна.

Ийм хүнийг юу гэх вэ ? Ёстой л таарсан . . . . . юм даа гэхээс өөр хэлэх үг алга.

Ийм хүмүүсийн хийсэн балагтай хар муу үйлээс болж БНСУ-д оршин суух визгүй болж хилээр нэвтэрч чадахгүйд хүрч энгийн нэгэн эмэгтэйн 10-н жилийн хөдөлмөр талаар болж, Монголд Соёлын чиглэлээр хэрэгжихээр батлагдсан Олон улсын төслийн нэгэн ажил саатахад хүрээд байна.

Монголчууд минь !  Бид чинь цөөхүүлээ байж нэг нь нэгэндээ туслаж, хэлсэн амандаа хүрч, хүнлэг сайхан сэтгэлийн дор ажиллаж, амьдарч явбал хөгжилд хүрнэ биз дээ. Түүнээс биш дор дороо хувиа хичээж, өчүүхэн мөнгө бодож, хүн чанараа гээж, хууран мэхэлж амьдраад сайн сайхныг хэзээ ч үзэхгүй.

Сониноор дамжуулан хэлэхэд:

1.    Н. Гантулга, С. Эрдэнэчимэг мэтийн бусдыг хуурч мэхэлж явдаг хүмүүст гэнэдэж хууртахаас болгоомжилж явахыг хүмүүст захъя.

2.    Солонгост харлаад байгаа

а/ Хандаажавын Алтанцэцэг Хаяг нь: БГД-ийн 8-р хороо   25² байр 607 тоот  Нөхөр нь Баасанжавын Баттөмөр

б/ Нанзадын Сэлэнгэсайхан Хаяг нь: Сэлэнгэ аймаг, Баянгол сумын харъяат.

нарыг олж өгөхөд туслаж өгөхийг сайн санаат хүмүүсээс хүсч байна.

Шагналтай.  

3.    Х. Алтанцэцэг, Н. Сэлэнгэсайхан нарт болон тэдний ар гэрийнхэнд хандаж хэлэхэд: Бид та нарыг ойлгож байна. Та нар бол өнөөгийн зах зээлийн хүнд үед гадаадад хөдөлмөр эрхэлж, амьдралаа өөд нь татах гэсэн олон арван монголчуудын нэг. Та хоёр тэр чигтээ Солонгост насан турш харлаж, амьдрахгүй нь лавтай бөгөөд хэзээ нэгэн цагт бид уулзалдаж л таарна. Хүний зовлонгоор олсон мөнгө мөнгө болохгүй, жаргал ч жаргал  болохгүй.

Та нарын хэдэн төгрөг олохоос илүүтэй  бидэнд асар их хохирол учрах гээд байна.

Муугаар эхэлсэн харьцаа сайнаар төгсөж болдог. Гэхдээ энэ нь тухайн хүн та бүхний зүрх сэтгэл, хүнлэг чанараас шалтгаална.

Та бүхэн сайн тунгаан бодоод бидэнтэй шууд холбоо бариад уулзчих. Ингэх байх гэж итгэж байна.

Бид та нарт сайнаар хандаж, харин ч туслах болно.

Бидэнтэй харилцах утас: 96021022, 99805043, 010-3332-3126

Хуульч Б. Сэргэлэн