|
Стресс буюу бухимдлыг тоохгүй байх нь тийм ч аюултай биш гэцгээдэг. Гэхдээ л тунгааж үзэцгээе.
Асуудалгүй амьдрал гэж хэнд ч байхгүй шүү дээ. Тиймээс бухимдлаас хаашаа ч зугтахын аргагүй. Гэвч мэдрэлийн дарамтын үр дагавартай тэмцэж сурах ганц л арга бий. Тэр дундаа байнгын бухимдал гэдэг эмэгтэйчүүдийн нүүр царайг гундааж, нойргүй болгож, уур уцаар болон бусад муу хор уршиг үйлдвэрлэдэг. Стресс бол зөвхөн хор биш юм. Ярвигтай нөхцөлд хүч чадлаа дайчилж хурдан, зөв шийдвэр гаргах бололцоог олгодгоороо бас үр өгөөжтэй. Багахан бухимдал сэтгэлзүйн тэвчээрийг хурцалж өгдөг. Хувь заяаны цохилт нь хүнийг илүү хатуужилтай болгодог аж.
Гэвч та өөртөө хэдий чинээ их хариуцлага хүлээнэ, бухимдалтай тэмцэж чадахгүй байх магадлал чинь төдий чинээ өндөр байх болно. Бүх юманд хэмжээ хязгаар гэж бий. Хүн бүхэнд өөрийн гэсэн тэвчээрийн хэмжээ байдаг. Стресстэй тэмцэх хувилбарууд 1. Хэрвээ ажлынхаа байранд бухимдвал сандал дээрээ тэгшхэн суугаад бага зэрэг сатаархыг хичээ. Хэрвээ та энэ үйлдлийг хийхгүй юм бол гарах гарцыг олох тухай ярих байтугай нөхцөл байдлыг зөв ухаарч ч чадахгүйд хүрнэ. Өөртөө, өөрийн дотоод ертөнцдөө анхаарлаа төвлөрүүл. Амьсгалаа удаашруулж гэдсээрээ амьсгал. Тэгэхэд таны организм амьсгааны чинь байдалд зохицож зүрх чинь чичрэхээ болино. Энэ үед учраад байгаа хүнд нөхцөл байдлаа бодохгүй, хоромхон ч гэсэн оюун санаагаа түүнээс чөлөөлөх нь чухал. Бие организм чинь тайвшрахын хамт сэтгэл санаа чинь ч цэлмэх болно. 2. Гарах гарцгүй юм шиг санагддаг, яривагтай нөхцөл байдлаас үүссэн түгшүүр, бухимдал нь асуудлыг шийдэхэд тусалж чадахгүй. Хэрвээ таны шийдвэрлээгүй асуудал яаралтай хариу шаардааүй бол хотоос гарч явж сэтгэл санаагаа зөөлрүүлж тайвшрах хэрэгтэй. Тайван нөхцөл байдалд зөв шийдвэр өөрөө л гараад ирдэг юм. Түгшүүртэй, бухимдалтай сэтгэл санаанаас ухаалаг шийдвэр гардаггүй гэдгийг санаж яваарай. 3. Хэрвээ та байнга стрессдээд, жишээ нь хамт ажилладаг эмэгтэй чинь үргэлж өдөж хатгаад байвал та бухимдлаа арилгах иж бүрэн /хэрвээ энэ асуудлыг даргатайгаа шийдвэрлэх аргагүй, эсвэл бүр ажлаасаа халагдахад хүрвэл/ арга хэмжээ боловсруулах хэрэгтэй. Оройн цагаар эфирийн тос, сарнай юм уу лаванда, жасминтай ваннд ороод үзээрэй. 4. Найз нөхөдтэйгээ ярьж хөөрч сөрөг мэдээллийг няцаах сайн арга ч байдаг. Үр дүн нь шууд л мэдэгддэг. Өөрийнхөө асуудлыг ярьж эхлэнгүүт л тэр тийм ч хэцүү биш юм шиг болчихно. Гэхдээ байнга ингэж болохгүй. Хов живийг ойр дотныхоо хүмүүсийн анхааралд өртүүлээд байх нь онцгүй, найз нар чинь таниас дөлөх болно. 5. Моддын дундуур паркаар зугаалах, гүйх, биеийн тамирын зааланд очих нь бүр ч илүү бухимдлыг арилгадаг, биеийн тамирын ачаалал бол уур хилэн, уцаар, ер нь бүх муу сэтгэл хөдлөлийг арилгадаг. 6. Дуртай киногоо үзэж, далай дээр амарч байсан өөрийнхөө бичлэгийг сонирхож /сэтгэл санаагаа/ өөдрөг болгож болно. Сайн сайхан дурсамжиндаа умбах нь тайвшрахад их тус болдог. Харж байгаа биз дээ, стрессээс ангижрах гарцууд ийм олон байна? Ер нь бол гарах гарцгүй нөхцөл байдал гэж байдаггүй юм. Эцсийн эцэст “нөхцөл байдлыг өөрчилж чаддаггүй юм бол түүнд хандах өөрийн хандлагыг л өөрчлөөрэй”. 7. Шүршүүр бол стрессээс аврах сайн хэрэгсэл юм. Өдрийн турш хуримтлагдсан муу муухай бүхнийгээ угаагаад арилгаж байна хэмээн төсөөлөөд л өдөр бүр сэрүүн шүршүүрт орж байгаарай. Эхний удаад жаахан мангардуу, хэрэггүй юм шиг бодогдож байвч ингэх нь заавал үр дүнтэй байдаг. Ус гэдэг бол өөрөө мэдээлэл хүлээн авах чадалтай шүү дээ. Ийм ч учраас бүх сөрөг мэдээллүүд устай хамт урсаад явчихдаг. 8. Өөртөө тохирсон үр дүнтэй аргыг олохын тулд янз бүрийн хувилбаруудыг биеэрээ шалгаж ямар үр дүн үзүүлж байгааг дотроо тэмдэглэж байх хэрэгтэй. Ямар хувилбар нь танд тохирч байгааг мэдээд түүнийгээ долоо хоногийн турш хэд хэдэн удаа хэрэглээд үзэх хэрэгтэй. 9. Стресстэй учрах бүрт та амьдралынхаа эрч хүчийг алдаж байдаг. Энергийн гэрлэн бүрхүүл чинь нимгэрч, сэмэрч тэр нь таны эрүүл мэндэд сөргөөр нөлөөлнө. Ядарч сульдаж толгой өвдөх гэх мэтийн зовиуриуд бий болно. Биеийнхээ эрч хүчийг сэргээхийн тулд жимс жимсгэнэ /алим, жүрж, лийр/ идээд үзээрэй. Ингэснээр та нарны эрч хүчийг биедээ шингээж гэрлэн бүрхүүлээ сэргээх болно. Магадгүй та стрессын үед ямар нэгэн амттан /шоколад ч юмуу, алим ч юмуу/ идмээр болж байсныгаа анзаарч байсан байж болох юм. Тэгвэл организм чинь өөрөө алдсан эрч хүчээ сэргээхийг чармайж байна гэсэн үг. Ийм л учраас бухимдлын үед өөрийн бие организмаа анзаарч, анхаарч байх нь нэн чухал. Таны бие чинь эргэн төлжихөд юу хэрэгтэй байгаагаа мэддэг юм. Хэнд юу ч тохирч болно. Ерөнхийдөө хүний биологийн бүхэл бүтэн систем өөрөө эргэн төлжих чадвартай байдаг учир таны зорилго бол түүнд нь туслах эсвэл ядаж л үйл явцыг гүнзгийрүүлэхгүй байх явдал юм. Өөрийгөө хайрладаг л юм бол бухимдах, стрессдэх шалтаг бүү гаргаж бай. Ерөнхийдөө амьдрал бол тоглоом бөгөөд та юу хүсдэг вэ, түүнийгээ л авдаг юм.
Altanbolomj.com |