Сүүлийн үед Жи-Мобайл компани суурин утас руу үнэгүй ярьдаг боллоо гэсэн реклам цацах болсон. Харин энэ нь Монгол Улсын Харилцаа, холбооны зохицуулах хорооноос баталсан Цахилгаан холбооны сүлжээнд холбогдох, сүлжээ хоорондын харилцан холболтын ерөнхий журмын  10.1.1-10.1.5 заалтууд болон 11.4.4.1 заалтыг ноцтой зөрчсөн үйлдэл болжээ гэжээ.

 Миний бодлоор дараахь байдлаар няцааж болох юм.

1. Эхлээд ХХЗГ-н албан бичигт дурьдагдаад байгаа зөрчигдсөн гэх Цахилгаан холбооны сүлжээнд холбогдох, сүлжээ хоорондын харилцан холболтын ерөнхий журамд мэргэжлийн бус үүднээс өөрийн шинжилгээ дүгнэлт хийхийг оролдьё.

Зөрчигдсөн журам -1 буюу

10.1.1   Гэрээнд оролцогч талууд  харилцан холболтын болон сүлжээнд холбогдох  гэрээнд тусгах харилцан холболтын үйлчилгээний болон сүлжээнд холбогдох үйлчилгээний төлбөрийн,  орлого хуваарилах зарчмын тухай харилцан тохиролцсон эцсийн саналыг , тохиролцоонд хүрээгүй бол тус тусын саналыг үндэслэлийн хамт гэрээ байгуулахаас ажлын 21 хоногийн өмнө Зохицуулах хороонд ирүүлнэ.

 Миний санал:

-энэ журмын заалтыг харахад талууд хоорондоо үйлчилгээний төлбөрийн, орлого хуваарилах тухай гэрээг өөр хоорондоо байгуулах бүрэн боломжтой харагдаж байна. Өөрөөр хэлбэл МЦХ , Жи-Моб ХХК нар үйлчилгээний төлбөрөө 00 төгрөгөөр тогтооход болохгүй гэх үндэслэл харагдахгүй байна.     Үйлчилгээний төлбөр 00 төгрөг байна гэдгийг үнэ төлбөргүй үйлчилгээ гэж үзэж болохгүй. Эдийн засагч хүн бол гадарлах байх аа. 00  төгрөгт нуугдмал  өртөг шингэж байдаг. Энэ бол цэвэр бизнэсийн арга хэрэгсэл юм.  

Харин энд журам зөрчигдсөн гэх асуудал нь тухайн 2 компани гэрээгээ байгуулчихаад Зохицуулах хороонд эцсийн саналаа  хүргүүлээгүй нь техник үйл ажиллагааны зөрчил болчихсон юм уу  даа гэж харагдаж байна.

Гэвч  энэ журам зөрчигдсөн гэх энэ фактыг үгүйсгэж болох дараахь үндэслэл байж болох юм.  Энэ бол Монгол Улсын Иргэний хуулийн Гэрээний ерөнхий зарчим гэсэн үндэслэлээр. Ялангуяа “Гэрээний эрх чөлөө” гэсэн зарчмаар үгүйсгэж болох юм.  Яагаад гэвэл харилцагч гэрээний 2 тал үнээ өөрсдөө тогтоохоос биш ХХЗГазраас баталсан журмын зарчимд баригдаж үнэ тогтоох асуудал байж болохгүй санагдаж байна. 

Хуулиар тогтоосон нийтлэг журмаа мөрдөх үү аль эсвэл аль нэгэн газрын ялангуяа ашиг сонирхлын зөрчилтэй гэж хэлж болох төрийн байгууллагын баталсан журмыг мөрдөх үү гэсэн асуудал ч энд гарч ирж болох юм.  Тэгээд ч Үндсэн хуулиндаа “манай нийгэм эдийн засаг чөлөөт зах зээл байна”  аа гээд тунхаглачихсан үед төрийн байгууллагаас үнэ тогтооно гэсэн асуудал нь өөрөө зөрчил болох магадлал өндөр.

Зөрчигдсөн журам -2 буюу

10.1.2           Зохицуулах хороо нь энэхүү журмын 10.1.1 заалтын дагуу гэрээнд оролцогч талуудын ирүүлсэн  саналыг тооцооны үндэслэл болон тухайн салбарт төрөөс баримтлах бодлого, чиглэл, шударга өрсөлдөөний нөхцөлийг бүрдүүлэх, хэрэглэгчдийн эрх ашгийг хамгаалах зорилгын хүрээнд  хянан, шийдвэрлэнэ.

 Миний санал:

-Ок . зөв хөө. Шудрага өрсөлдөөний нөхцөлийг бүрдүүлэх үнэхээр  зорилготой бол  монополь байдлаа ашиглаад байгаа, өөр хоорондоо үгсэн хуйвалдаж өрсөлдөгчөө зах зээлээс арчих гэсэн  МОБИКОМ, СКАЙТЭЛ, ЮНИ гэсэн гурван газраа хазаарлах ёстой одоо Танай ХХЗГазраас. Энүүн дээр жинхэнэ төрийн төмөр нүүрээ гаргах хэрэгтэй гэж бодох юм.

Хэрэглэгчийн эрх ашгийг хамгаалах зорилгын хүрээнд асуудлыг шийдвэрлэнэ гэжээ.  Тиймээ хэрэглэгчдэд хямд үнэ, өргөн боломж олгох  хэрэглэгч татах гээд энэ Жи-Моб, МЦХ ХХК нар чинь  харилцан холболтын үйлчилгээний болон сүлжээнд холбогдох үйлчилгээний төлбөрийн,  орлого хуваарилахдаа  үйлчилгээний төлбөрөө 00 төгрөг болгосон байна.   Харин ч бүүр дэмжмээр үйлдэл биш гэж үү энэ чинь. Хэрэглэгч ЗолбинББ миний эрх ашигт 100 хувь нийцэж байна. Эрхэм төрийн байгууллагаа ийм юм аа дэмжээч ээ.

 Энэ заалт зөрчигдсөн гэх ямар ч үндэслэл алга байна.

 Зөрчигдсөн журам -3 буюу

10.1.3          Зохицуулах хороо нь гэрээнд оролцогч талуудын ирүүлсэн саналыг хянаад үндэслэлтэй гэж үзвэл ирүүлсэн саналыг зөвшөөрсөн тухай шийдвэрийг, хэрэв үндэслэлгүй гэж үзвэл ирүүлсэн саналаа дахин хянан үзэх тухай мэдэгдлийг, дүгнэлтийн хамт талуудад хүргүүлнэ.

 Миний санал:

Нэгэнт гэрээний хуулбараа танайд мэдэгдээгүй болохоор техник зөрчил мөн л байх. Гэхдээ л бас журам өөрөө хуульд нийцсэн байх ёстой гэдгээрээ бол өнөөх л гэрээний эрх чөлөөт байдал энд алдагдаад байна.

Талууд хоорондоо тохиролцчихсон, хэрэглэгчдийн эрх ашиг сонирхолд нийцэхүйц гэрээний зүйл болоод гэрээ нь заавал энэ Харилцаа Холбооны Зохицуулах газрын зөвшөөрлөөр хүчин төгөлдөр болох ёстой юу. 

Энэ төрлийн гэрээ заавал энэ байгууллагаар батламжигдана, зөвшөөрөгдөнө  эс бөгөөд гэрээ хүчин төгөлдөр бус байна аа гэсэн хуулийн үндэслэл хаана байгаа вэ.

 Хэрэглэгчийн эрх ашгийг хамгаалах тухай хууль, Иргэний хуульд байгаа зарчимаа мөрдлөгө болгох уу аль эсвэл  энэ Монгол хүн эх хэлээрээ уншаад ч ойлгоход бэрхшээлтэй, логик утга болоод найруулгын алдаатай , эргэлзээ  бүхий  журмыг үгчлэн дагах уу.

Зөрчигдсөн журам -4 буюу

10.1.4          Гэрээнд оролцогч талууд хорооноос хүргүүлсэн мэдэгдэл, дүгнэлтийг хүлээн авснаас  хойш 14 хоногийн дотор шинэчилсэн саналаа үндэслэлийн хамт ирүүлээгүй эсвэл ирүүлсэн санал нь 10.1.2-т заасан хүрээнд хянан үзэхэд хүлээн авах боломжгүй тохиолдолд зохицуулах хороо нь гэрээнд тусгах харилцан холболтын үйлчилгээний болон сүлжээнд холбогдох үйлчилгээний төлбөр, харилцан холболтын үйлчилгээний орлого хуваарилах зарчмыг тогтоон, шийдвэрийг талуудад хүргүүлнэ.

 Миний санал:

Төрийн байгууллагаас аж ахуйн нэгж хоорондын төлбөр хуваах , үнэ тогтоох гэрээнд шууд ингэж орох нь ер зөв үү.    Хойд Солонгос, Куба –д яахав болж байна. Монгол улс чинь өөрөө чөлөөт зах зээлийн  баримжаат биш бил үү.  Монополь байдлаа ашиглаад үнэ хөөрөгдөх, хэрэглэгчийн эсрэг үйл ажиллагаа явуулсан онцгой тохиолдолд төрөөс энэ харилцаанд орж болох юм аа . бас шууд үгүйсгэнэ ч гэх юу байхав.   

Зөрчигдсөн журам -5 буюу

10.1.5          Гэрээнд оролцогч талууд тухайн сүлжээний төрөл болон онцлогоос үл шалтгаалан гэрээнд тусган мөрдөх харилцан холболтын болон сүлжээнд холбогдох үйлчилгээний төлбөр, харилцан холболтын үйлчилгээний орлого хуваарилах зарчмыг зохицуулах хорооны шийдвэрийн дагуу гэрээнд тусган, гэрээг байгуулна.

Өмнөхтэй яг адилхан тайлбар өгөв.

Зөрчигдсөн журам -6 буюу

11.4.4.1 Зохицуулах хороо өөрөөр тогтоогоогүй бол харилцан холбогдогч талуудад ноогдож буй төлбөрийн хэсэг бүр нь сүлжээний төрөл ба онцлогоос үл шалтгаалан ямагт өртгөө нөхсөн байна.

Миний тайлбар

00 төгрөг  гэсэн үнэ  өөртөө өртөг агуулна аа агуулна.

бас нэг зүйл ХХЗГазар гэрээг хүчин төгөлдөр бус  болохыг шийдэх газар өөрөө мөн үү. Төрийн байгууллага иргэний эрх зүйн харилцаа, ялангуяа гэрээний асуудалд адилхан эрх тэгш хуулийн этгээд гэж оролцдоггүй юм уу. аль эсвэл онцгой субьектийн хувиар оролцоод байх уу. 

Миний хариулт :

Биш.  ХХЗГазар харин хүчин төгөлдөр бус гэж тооцуулахаар шүүхэд хандах эрхтэй 3 дагч этгээд гэж миний хувьд үзэж байна.

нэгтгээд харахад энэ албан бичиг өөрөө логик болоод хуулийн ерөнхий зарчим, төрийн байгууллагын чиг үүргийнхээ хувьд алдаатай буруу байна аа гэдэг нь тодорхой ч юм шиг ээ хэ хэ хэ

нэг зүйл буруу явагдаад байгаан.  Монгол улсад үйл ажиллагаа явуулж байгаа бол хууль дүрмийнх нь дагуу ажиллах ёстой санагдаад байгаан.  

Жи Моб  журам зөрчөөгүй биш зөрчсөн нь тодорхой байгаа . гэхдээ түүнийг нь бусад хууль, хуулийн ерөнхий зарчимаар үгүйсгэж болох тийм л зөрчил.

гэтэл өнөө хууль дүрэм мөрдүүлэх гээд байгаа өрсөлдөгч компаниуд журам биш бүүр хуулиа зөрчөөд шууд тасалж энэ тэр.  

бас энэ Харилцаа Холбооны зохицуулах газар нь  зүгээр санаа амар  аж ахуйн нэгж хоорондын байгуулсан гэрээг хүчингүйд тооцож ч байх шиг.  төрийн байгууллага нь хүртэл хууль дүрмээрээ ажилладаггүй шаасан. 

Хэн эцэстээ хохирох гээд байгааг та нар зүгээр төсөөлөөд үзээрэй.   хэрэглэгч лав биш 

тусгай зөвшөөрөл гэдэг нэрийн дор энэ төрийн байгууллагууд заваан юм их хийж байна аа.

ХАМГИЙН СҮҮЛЧИЙН НЭЭЛТТЭЙ АСУУЛТ:

 ХЯМД ҮНЭ, ИЛҮҮ ӨРГӨН БОЛОМЖ ХЭРЭГЛЭГЧИЙН ЭРХ АШИГТ ҮНЭХЭЭР ХОХИРОЛ УЧРУУЛАХУЙЦ ҮЙЛДЭЛ МӨН ҮҮ

Дараагийн удаа тэр интэрнэт телефон гэдгийг нь бичнэ ээ

би асар завтаймаа нээрээ бас дээр хэрүүл уруулд асар сонирхолтой хүн юм гэж ха ха ха