Та бүхэн бодож, төсөөлж, нэг үгээр бол "орж" уншаарай.
БОЛОМЖ
Боломж гэж юу вэ? Үүнийг нэг үгээр тайлбарлана уу? /Та дотроо сайн бодоорой/
Хүмүүс олон янзаар л төсөөлсөн байдаг хаалга, гарц, цонх, мөнгө, гүүр гэх мэтээр. Гэтэл олон талаас нь судласны эцэст боломж бол СҮҮДЭР юмаа гэж үзсэн байна.
Тийм биегүй хоосон зүйл гэж үү? хэмээх талаас нь харж болох боловч нөгөө талаас нь буюу "байнга л хажууд байж байдаг" энгийн, элбэг зүйл юм хэмээн ойлгох нь зүйтээ ажээ.
Нэг үгээр бол боломж хэмээгч нь таны хажууд байнга л байж байдаг бөгөөд гол нь та түүнийг анзаарч, олж харж, ухаж төнхөж, өшиглөж, чангааж байж л тэр танд ашиг тусаа өгч та хүмүүст энэ нээрээ ганц боломжийг ашиглаад л ийм амжилтанд хүрсэн хүн шүү хэмээн хүндлэгддэг жамтай юм.
Боломжийг олж хараад амжилтанд хүрсэн хүмүүсийн нэрс амжилтыг цувуулан бичвэл нэг БЛОГ байтугай л бичлэг болно. Ганц нэг жишээ:
Дэлхийн 2-р дайны дараа Японы байдал асар хүндэрч хүмүүс өдрийн хоолоо олж идэхийн тулд юу ч хамаагүй хийж байсан цагт ах дүү хоёр кордонон цаасны үйлдвэрт ором гаргагчийн ажил хийдэг байжээ. Шилээр зүсэн жаахан ором гаргахаар кордоныг нуглахад амар болдог шүү дээ. Хоёр нөхөр цөхрөлтгүй ажиллана. Жаахан байж байгаад хөдөлмөрийн ганц багаж хагархай шилнийх нь ир мохно. Ахиад хагалхаар сайхан шинэ ир гарна. Гэнэт л тэр хоёрт яг шил шиг үзүүрийг нь хугалаад шинэ ир гаргадаг хутга хийх санаа төрсөн байна. Одоо тэр хоёр дэлхий дээр хийгдэж байгаа цаасны хутга болгоноос мөнгө хармаалсан тэр бумтнууд болсон.
За ингээд тоочоод байвал өчнөөн л жишээ байгаа шүү дээ. Одоо харин жаахан тоо бодноо
Та болон танай эхнэр /нөхөр/ яг 25 настай байгаа бөгөөд та хоёр сургуулиа төгсөөд хоёулаа ажил хийж эхэллээ. Та хоёрын туйлын зорилго бол Улаанбаатар - Нью-Йорк - Улаанбаатар чиглэлийн усан онгоцны 30 хоногийн аялалд ямар ч байсан оролцох шүү. Ингээд өөртөө төсөөлөл бий болгодоо.
Гол нь уг тансаг зэрэглэлийн аялалын төлбөр нь 10,000$ байдаг. Хосоороо л оролцоход л доо.
Та хоёрын туйлын зорилго тул мөнгө хураахаар шийдлээ. Сарын тань дундаж орлого 500,000 төгрөг гэж үзюэл хэдийг сардаа цааш нь хийж чадах вэ? Сайн бодоорой. Байр, унаа, хоол, цахилгаан, ус, хувцас хунар хэрэгтэй. Тун удахгүй хүүхэд шуухадтай болвол бүүр л их зардал гарах байх.
За яахав өөрсдийгөө хууралгүйхэн шиг хамгийн боломжтой хувилбар гэж үзээд 30,000₮-ийг сар бүр мөрөөдлийн аялалынхаа төлөө цааш нь хийчихдэг боллоо. /Магадгүй заримд нь бага заримд нь их ч мөнгө хийгээд байх шиг санагдах л байх/
30,000 х 12 сар = 360,000₮ болох юм байна. За яахав Долларыг 1200 гээд бодоход жилдээ 300$ хураачихаж байна шүү. Болж байнаа.
10,000/300 гэхээр 33 жил хэрэгтэй болчихоод байна. За яахав гэнэтийн олз, сугалааны ашиг энээ тэрээ гээд 30 жилийн дараа та хоёр жинхэнээсээ аялалдаа гарахаар боллоо.
Та хоёрт баяр хүргэе. Хүн хүсээд тэмүүлвэл амжилтанд хүрдгийн тод жишээ бол одоо ингээд 30 хоногийн тансаг зэрэглэлийн аялалд гарах гэж байгаа 55 настай энэ хосуудыг хэлнээ... хэмээн ТВ-ээр гарч байна шүү дээ.
Усан онгоцны тавцан дээр бүх л зүйлс байх юмаа. Үнэхээр гайхалтай юм байна шүү дээ. Бүх төрлийн зугаа цэнгээний хөтөлбөрүүд байхаас гадна бассейн, гольфийн талбай, казино, 5 одтой дээд зэрэглэлийн ресторанууд гээд хүний хүсдэг бүх л зүйлс байлаа.
Хоёр хөгшнийг маш тансаг нэг өрөөнд байрлуулсан бөгөөд өрөө нь хүртэл гайхалтай тансаг бөлгөө. Өглөө, өдөр, оройн хоолыг дэндүү тансаг байдлаар өрөөнд нь зөөж авчирна. Далай ч аятай тухтай байж хоёр хөгшин нарлангаа хүмүүс хэрхэн жаргаж байгааг хардаг байлаа. Өөрсдөө оролцохыг хүсэвч илүү мөнгө байхгүй тул яг байгаа энэ жаргал нь хангалттай тул харамсахгүй байв.
Та хоёр үнэхээр 30 жил хүссэний эцэст төлсөн 10,000$-тоо болон энэ их хичээл зүтгэлдээ огтхон ч харамсаагүй бөгөөд жаргалын дээд жаргалыг мэдэрч байлаа.
Аялал маргааш дуусах орой буюу 29 дэх өдрийн орой хэн нэг нь өнөөхдөө "Хоёулаа ийм тансаг аялалд явж байгаа юм чинь байгаа хэдээрээ нэг сайхан вино авч уувал ямар вэ?" гэсэн санал гаргалаа. ӨНөөх ч уухайн тас зөвшөөрөөд хоёулаа асар том аквариум бүхий нэгэн тансаг барнд орж Үнэтэй вино хоёр зууш захиаллаа.
Аялалын төлбөрөөс гадна 1500 доллартай яваа тул хамаагүй их юм захиалвал үнэ нь дийлдэхгүй тул бас болгоомжилж л байлаа. Хоёулаа уулаа, дурсамжаа ярилаа, ирээдүйн талаар ч ярилаа. Дахин нэг шил вино авч бүүр ч сайхан боллоо доо. Энэ бүхний эцэст та хоёр сэтгэл ханамжийг бараг л 1000% эдэлж амьдралын үнэ цэнийг мэдрэх шиг боллоо.Та хоёрын жаргалтай аялалын сүүлийн оройн сар аяархан долиглох далайн мандал дээр яг л хадсан мэт гэрэлтэж байлаа.
Жаргалын дээдийг эдлэсэн тул өрөөндөө орж амархаар зөөгч охиныг дуудлаа.
- Хүү минь тооцоогоо хийе
- Аан
- Тооцоогоо хийе ах нь явж амарлаа
Охин хэсэг тээнэгэлзэн зогслоо, эргээд барменрүүгээ нэг харснаа жаал эээрч байгаад
- Уучлаарай ахаа манай онгоцон дээрх бүх зүйл үнэгүй шүү дээ гэлээ...
/ anjigai.com copy-dov /