Манай зарим нэг компаниуд бүхнийг хийдэг “универсаль” гэхэд заримдаа ч дэндээд байх юм даа. Тэр дундаа 85 жилийн түүхтэй үндэсний манлай үйлдвэрлэгч гэгддэг “АПУ” компани архи ундааныхаа хажуугаар, ариун цагаан сүүгээр сүүлийн үед эрчимтэй “занималдах “ болсон нь тун хачирхалтай. Хэн ч харсан “АПУ”-гийн логог санагдуулах хайрцагтай сүүгээ “цэвэр сүү” гэж ирээд л рекламдана. Гэтэл үнэндээ Улаанбаатарыг шингэн сүүгээр хангахын тулд Төв аймгийн хэдэн сумдаас өөр хямд өртөгтэй нь үнэндээ байхгүй. Тэр нь ядаж аль хэдийнэ “Сүү” –компанитай гэрээлчихсэн болохоор, дээрх компани хуурай сүү найруулж хэрэглэгчдийг “хуурдаг” болох нь хэнд ч ойлгомжтой байх. Өөрөөр хэлбэл Архи пиво ундаан дээр наадаг логогоо сүүн дээр “туршсан “ нь далд сурталчилгааны овжин арга гэдгийг гярхай хэрэглэгчид аль хэдийнэ олоод харчихаж. Өөрөөр хэлбэл үүний цаана архины борлуулалтаа ихэсгэх төлөвлөгөө “нуугдаж “байх юм. Ер нь эднийхэн ийм башир аргыг өмнө нь нэг бус удаа хэрэглэсээр ирснийг мэдэх юм. Ерөөл архиа ерөөл жигнэмэг болгож нэг үзсэн. Аавууд ерөөл өрхиа уугаад хүүхдүүд ерөөл жигнэмэг идэх юм гэнэ дээ. Энэ нь тийм ч үр дүнгээ өгөлгүй замхарсан. Одоо болохоор архи аваад ороод ирлээ гэсэн сүү, сүү аваад ороод ирлээ гэхэд архи байдаг. Ийм л сонголтыг “хүлээсэн” тэд хуурай сүүгээр хөгшдийн гэдэс дүүргэхээсээ ичихгүй байцгаана . Ёстой нөгөө жүжигчин Өлзийхүү нугарахаас бусдыг хийлээ гэдэг шиг АПУ ууж болох бүгдийг турших бололтой юм даг. Хүнсний манлай үйлдвэр гэгддэг компани хүнсний асуудал дээр хэт хайнга хандаж, хүнсний аюулгүй байдлыг ноцтой зөрчснөөс өдгөө АПУ-гийн сүүг хэрэглэсэн хэрэглэгчидээс олон арван хүн гэдэс гүзээ нь өвдөж, гүйлгэж эм эмчилгээнд тулсан жишээ олон гарах боллоо. АПУ-гийн зарим архины төрлийн бүтээгдэхүүн сайн л даа. Харин сүү гэдэг бүтээгдэхүүн арай ч хийдэг ажил нь биш бололтой.