Диломат ёсонд дуугүй байхыг..
Дэлхийн олон улс орны байгаа байдал болон аливаа үйл явдлуудын улмаас гарч болзошгүй бэрхшээлүүдийг зэрэглэн ангилдаг юм байна л даа. За та бүхэн мэдэх байх сая тэр гахайн ханиад гээд НҮБ-с хүртэл сэрэмжлүүлэг гаргаад л, тэр ангилалд нь ийм ийм зүйл хамаарна, ингэх ёстой ингэх ёсгүй гээд хийх болон хийж болохгүй үйлдлийг заахыг.
монголчууд аа! та бүхэн Солонгосын хойгын энэ асуудлаас болоод АНУ (28 000 цэрэг БНСУ-д байрлаж байгаа), БНСУ, Япон улс (арал тэр чигээрээ), АНУ-н баруун эрэг байлдааны бэлэн байдалд байгаа юм гэж ойлгож байгаа. Харин БНСУ-д буюу халуун цэгт Монгол улсын 30 000 орчим иргэн( монгол улсын нийт гэр бүлийн 5%) байгаа. Японд ч бас нилээн хэд бий. БНСУ, Японы ард түмэн болон удирдлага бол ойлгомжтой эх орон тусгаар тогтнолынхоо төлөө гэсэн байр суурьнаас агаарын болон бусад болзошгүй занал хийлтээс хамгаална гээд бэлэн байдалд орсон. Харин тэнд байгаа монголчууд яах вэ? За тэр хөдөлмөрийн гэрээгээр байгаа хэд ч яах вэ? яах вэ ч юу ч байх вэ дээ, ТҮН хийвэл юун гэрээний ажилчин биз дээ. Визгүй хэд бол тэгээд мэдэхгүй ээ ёстой л дайн болохгүй юм чинь гээд сууж байдаг байх даа.
За тэр дайн болох болохгүй ч дүүр ч. Дайн тулаангүй манай улсад байгаа АНУ-н иргэд (Монгол БНСУ-н засгийн газар хооронд хийсэн гэрээт ажилчинтай адил бол бүр нарийн) монгол улсад хүнсний бараа худалдан авах, хөдөө гадаад оронд зорчих гээд нарийн журамтай байдаг юм. Дайн байлдааны нөхцөлтэй улс оронд бол бүр нарийн Афган, Ирак, Изриль гээд одоо БНСУ ч орсон л байх.
Гэтэл бид хөдөлмөрийн чадвартай 30 000 орчим иргэдээ дэлхийн халуун бүсэд албан болон албан бусаар байлгаж байгаа мөртлөө БНСУ, Японы (тэдэнд ухрах газар байхгүй шүү дээ) байдал тайван байна гээд л ёстой нөгөө ТЭМЭЭ гэдэг шиг хээв нэг байж байх юм даа.
Монгол улсын гадаад хэргийн яамнаас хийсэн мэдэгдэлд монгол улс зүүн хойд азийн бүсэд байдаг гэсэн үүднээс мэдэгдэл хийхдээ Солонгосын хойгт байгаа иргэдэдээ хандаад ганц ч үг ган хийгээгүй. Үнэхээр л тайван байсан (бодит аюул байхгүй бол) бол иргэдийнхээ төлөө биш юун том юманд санаа зовж мэдэгдэл хийсэн юм.
Тиймээ үнэхээр томруулж болохгүй бас жижиг гэж болохгүй асуудал юм байна тэгвэл БНСУ-д суугаа элчин сайдын яамнаас мэдээлэл гарах болов уу гэтэл байдаггүй. Сайн ч гэдэг гүй муу ч гэдэг гүй. Таг. Дэлхийн нөлөө бүхий том улсууд мэдэгдэл гаргаад л байдаг манайх тэдэнтэй бар;цаад бас мэдэгдэл хийсэн, харин барьцаат жирийн иргэд хэрэв.. хэрэв шүү дээ... гээд заавар, за болий л доо заавар гаргадаг зоригтой, хариуцлага үүрэх хүн байхгүй бол зүгээр л нэг мэдээлэл хийгээч ээ л гэсэн юм. Ийм зүйл болж байгаа нь үнэн үүнийг мaнай улс харж байна, танадаж байна та бүхэн амар амгалан ажил, сургуульдаа явцгаа гээд. Сард нэг удаа ядаж. Д.Мөнх
ЭСЯ нь суугаа оронд онцгой байдал үүссэн үед БНСУ-ын зарим байгууллагатай
хамтран ажиллах тохиролцоотой. Энэ тохиролцооны дагуу Солонгост амьдарч буй
өөрийн орны иргэдийн аюулгүй байдлыг хангах, сонор сэрэмжтэй холбогдолтой
мэдээлэл өгөх шилжин байршуулах арга хэмжээг авах үүрэгтэй.
Байдал хүндрэх тохиолдолд БНСУ-ын ГХХЯ болон хүчний байгууллагуудаас
туслалцаа дэмжлэг авч бусад орны Дипломат Төлөөлөгчийн Газруудын нэгэн адил
өөрийн иргэдийг нутаг буцаах нэгдсэн төлөвлөгөөг ханган ажиллана.
Харин энэ зорилгыг биелүүлэхэд БНСУ-д байнга болон түр хугацаагаар оршин сууж
буй өөрийн орны иргэдийг нэгдсэн бүртгэлд оруулах шаардлага байдгийн дагуу
бүртгэлийг хийдэг. Иргэд БНСУ-д оршин сууж буй газрын хаяг, холбоо барих
утасны дугаар зэргийг ЭСЯ-нд өгч бүртгүүлэх шаардлагатай байдаг.
Энэ нь суугаа оронд онцгой байдал зарлах тохиолдолд иргэдтэйгээ яаралтай
холбоо барих, урьдчилсан байдлаар мэдээлэл хүргэх, тухайн үед биеэ хэрхэн
авч явах талаар зааварчилга өгөх боломжийг өгөх юм.
Онц байдал /дайн, мөргөлдөөн/-ын журам улсын нууцын зэрэглэлтэй байдаг болно.
Онц байдал ба Хэвлэл мэдээлэл
БНСУ-ын Онцгой байдал тогтоох тухай 2008 оны 2 дугаар сарын 28-нд
шинэчлэн найруулсан хуулинд зааснаар дайн, олон нийтийг хамарсан онц ноцтой
байдал, гамшгийн үед иргэний засаг захиргааны шугамаар улс орон, тухайн хот,
бүс нутгийн байдлыг бүрэн зохицуулах боломжгүй нөхцөлд тус улсын
Ерөнхийлөгч Онц байдлыг хэсэгчилэн болон улсын хэмжээнд тогтоож,
үүнийг зохицуулах онц эрхийг Онц байдлын штабт олгодог.
Энэ штаб онц байдал зарлагдсан тухайн нутаг дэвсгэрт нийгмийн хэв журмыг
сахиулах болон бусад бүх үйл ажиллагааг зохицуулдаг бөгөөд тогтоосон
хэв журмыг зөрчсөн, олон нийтэд аюул занал, хор хөнөөл учруулах зэрэг
12 төрлийн /үндэсний аюулгүй байдалд харшлах бүх төрлийн гэмт хэрэг,
батлан хамгаалахад саад учруулах гэмт хэрэг, гадаад харилцаанд хор хөнөөл
учруулах гэмт хэрэг, тэсэлж дэлбэлэх, хорлон сүйтгэх гэмт хэрэг, үндэсний болон
гадаад валютын гэмт хэрэг г.м./ гэмт хэргийг цэргийн шүүхийн шугамаар
шийдвэрлүүлдэг байна.
Мөн дээрх штабаас онц байдалтай холбогдуулж гаргасан бүх төрлийн мэдээллийг
төв, орон нутгийн үндэсний болон хувийн хэвшлийн зөвшөөрөл бүхий бүх радио,
телевиз, мэдээллийн агентлагуудаар дамжуулан ард иргэд, олон нийтэд шуурхай
мэдээлж, сонордуулдаг юм байна. Үүнээс гадна хүмүүс олноороо байрласан
газруудад штабын мэдлийн тусгай хэвлэл, мэдээллийн хэрэгслүүдийг ч ашиглаж болдог аж.
Харин олон нийтийг төөрөлдүүлэх, сөрөг мэдээлэл цацагдахаас сэргийлж,
штабын зүгээс онц байдлын үед хэвлэл мэдээллийн хэрэгслүүдээр явуулж буй
нэвтрүүлэгт шаардлагатай гэж үзвэл хяналт тавьдаг байна.
Солонгоын хойг дээр үүсээд байгаа өнөөгийн байдал болон дэлхийн эдийн засгийн хямралын үед БНСУ-н хийж байгаа арга хэмжээний талаар мэдээлэл өгсөн Элчин сайдын яамны хэвлэл мэдээллийн албанд баярлалаа.
2009 оны 06 сарын 15-нд БНСУ-д суугаа монгол улсын элчин сайдын яамны цахим хуудаснаа асуулт хариулт буланд дээрх захидлын эхний хэсгийг бичсэн бөгөөд 3 өдөр хүлээгээд хариу ирээгүй учир 2-р хэсгийг нэмж бичсэн юм. Гэвч хариу байхгүй байсан учир гуравдахь хэсэг буюу сүүлчийн хэсгийг бичсэн юм шүү. Элчин сайд, болон элчин сайдын яам, консулын үйл ажилагааны талаар мэдээлэл багатайгаас миний бие буруу мэдээлэл, буруу аргаар хүссэн бол хүлцэл өчье.
Хэн нэгнийг үймээн самуунд уриалсан зүйл үгүй бөгөөд олон улсын болон монгол улсын хэвлэл мэдээллээр цацагдсан мэдээлэл үнэн эсэх бөгөөд үнэн бол дайны байдалтай гээд байгаа газарт монгол улсын иргэн хэрхэх юм бол гэдгийг болон монгол улсын төрийн төлөөллөөс л Солонгосын хойгын цаг үеийн мэдээ өгч байхыг хүссэнг ойлгоно биз дээ.
Үнэндээ Солонгос хэл мэдэхгүй хэдэн мянган монгол иргэд бий нь миний сэтгэлийг улам ихээр тавгүйтүүлсэн учир дээрх бүгдийг бичих болсон юм.
Жич: дээрх асуудлаар санал сэтгэгдлээ хуваалцсан монгочууддаа баярлалаа. Солонгосын хойгын асуудлаар сэтгэгдэл бичихээс илүүтэй Элчин сайдын яамны ажилтан болон ажиллах журмын талаар гомдол байсныг БНСУ-д Монгол Улсаас суугаа элчин сайдын яамны ажилтан ажилчид тунгаан бодно гэдэгт итгэж байна.
Иргэн ТАНАА- ЭЛЧИН САЙДАД хандсан Иргэн ТАНЫ захидалын хариу
ИргэнТАНАА
БНСУ-ын гадаад, дотоод улс төр , эдийн засгийн байдлыг танд сонордуулахад
1. Сүүлийн хоёр сарын хугацаанд Умард Солонгос алсын тусгалтай пуужин хөөргөж, цөмийн хоёр дахь туршилт хийсэнтэй холбогдон тус улстай цөмийн хөтөлбөрийн асуудлаарх олон талт яриа хэлэлцээ тасалдаж, хоёр Солонгосын харилцаа хурцдан, Хойгийн байдал түгшүүртэй болж байна.
2. Дэлхийн санхүүгийн хямралтай холбогдуулан 2008 оны 9 сараас Санхүүгийн тогтворгүй байдлыг намжаахаар БНСУ-ын Засгийн газар эдийн засгийн хямралыг хохирол багатай гэтлэх зоримог, шийдэмгий, эрчимтэй арга хэмжээ байнга авч явуулж ирсэн нь үр дүнд хүрлээ хэмээн Олон Улсын байгууллага, эрдэмтэд, судлаачид дүгнэж байна.
2008 оны 9 сараас 2009 оны 2 сарын хооронд л гэхэд БНСУ-ын Төв банк зээлийн хүүг зоригтой, эрсдэлтэй хэдий ч 6 удаа 5.25%-аас 2.0% хүртэл бууруулсан нь зөв алхам байсан гэдэг нь нотлогдож байна.
Мөнгөний нийлүүлэлтийг нэмэгдүүлсэн нь зээлийн хүндрэлийг даван туулахад онцгой үүрэг гүйцэтгэсэн. Тухайлбал:
- Төв банкнаас санхүүгийн чадавхийг сайжруулахад 6.5 триллион байсан хөнгөлттэй зээлийг 10 триллион хүртэл нэмэгдүүлсэн,
- Хөрөнгийн зах зээлийн урсгалыг нэмэгдүүлэх үүднээс банкууд болон төрийн өмчит агентлагийн бонд, Засгийн газрын нэмэлт бонд, Засгийн газраас баталгаа олгосон бонд, санхүүгийн тогтвортой байдлын бонд зэргийг уян хатан болгосон,
- Валютын солилцооны зах зээлд 12 санхүүгийн байгууллагыг нэмж оруулсан
ЖИЧ: Иргэн Мөнх болон иргэд та бүхэнд тодорхой мэдээлэл хэрэгтэй бол
тодорхой нэр хаягаараа манай ЭСЯ-нд хандаж болно.