010-8695-1971 Zeah dental Mongol orchuulagch
Шүдний мэргэжлийн салбарынхан агт арааг гуравдугаар их араа шүд гэж томьёолдог бөгөөд эрүү ба хоншоорын шүдний эгнээний хамгийн арын зайд ургадаг шүд юм. Зарим нэг хүний хувьд агт араа шүд нь огт анзаарагдахгүй ургадаг бол ихэнх хүмүүст энэ шүд нь ургах үедээ өвдөлт, таагүй байдал үүсгэх төдийгүй томоохон асуудал дагуулах нь ч бий. Энэ шүд нь ихэнхдээ 17-21 насанд шүдэлдэг ба агт араа шүд нь зажлах үйл ажиллагаанд бараг ач холбогдолгүй.
Агт араа ургах үед буйл зузаарсан байх тул нэмж ургасан шүд буйлыг аажмаар цоолон гарах гэж өвдөлт үүсгэдэг ба ургах үед ихэнхдээ тэсвэрлэхийн аргагүй өвдөлт, буйлны шүдний орчмын халдварын голомт, буйлны үрэвсэл ба шүдний цооролттой хавсран явагддаг. Агт араа шүдний эрт цооролт нь шүдний эгнээний хамгийн хойно байрлах учир угаахад хүндрэлтэйгээс байнга дутуу угаагдсанаас болж үүсдэг. Иймд агт араа шүдийг угаахдаа зориулалтын урт бариултай нимгэн сойз ашиглах хэрэгтэй. Агт арааны бас нэг томоохон асуудал нь саатсан агт араа шүдний ойролцоо эрүүний ясанд уйланхай буюу киста байх явдал юм. Энэхүү киста нь эрүүний ясыг идэж хатангиршуулах бөгөөд мэдрэлийг дарж үрэвсүүлдэг. Иймд та агт араа шүдээ асуудал болоогүй үед нь авхуулаарай.
