Монгол Улсын Ардын жүжигчин Б.Дамчаа хорвоогийн мөнх бусыг үзүүллээ
Уншсан 3578 vote 0 2009.06.26 01:33:17Монголын кино болон тайзны урлагт олон сайхан дүрээ мөнхөлж, Монголчуудын хүндлэн хайрладаг Монгол Улсын Ардын жүжигчин Б.Дамчаа гуай өчигдөр 18.00 цагийн үед хорвоогийн мөнх бусыг үзүүлсэн байна.
Түүний нас барсан шалтгааныг гэр бүлийнхэн нь хэлэхдээ “гэнэт зүрх нь хаагдсан. Өчигдөр өглөө биеийн байдал нь хэвийн байсан. Сувилалд амрахаар яваад байсан. Гэнэт л ийм зүйл болчихлоо” гэлээ.Таалийгаач Б.Дамчаа гуай бидний зүрх сэтгэлд хоногшсон тайз, дэлгэцийн олон сайхан дүрийг мөнхлөн 2007 онд Монгол Улсын Ардын жүжигчин цол тэмдгээр энгэрээ мялаасан. Тэрбээр “Мандухай цэцэн хатан”, “Би чамд хайртай”, “Дайсны цэргүүдээ сонсоцгоо”, “Ичээнд нь”, “Өглөө”, “Үер”, “Хааны сүүлчийн хатан”, “Хатанбаатар”, “Хөдөөгийн баясгалан”, “Хүргэн хүү”, “Сэрүүн Дуганы мөхөл” зэрэг Монголын кино урлагийн түүхийг бичилцэх сор болсон бүтээлүүдэд өөрийн дүрээ чадварлагаар бүтээсэн авъяаслаг жүжигчний нэг билээ.
Тэрбээр 1932 оны хоёрдугаар сарын 7-нд Баян-Өлгий аймгийн Буянт сумд төрсөн бөгөөд өөрийн амьдралаа Монголын урлагт алтан үеэс эдүгээ хүртэл тасралтгүй хөдөлмөрлөсөөр 77 насандаа ийнхүү бурхны оронд мориллоо.
Ардын жүжигчин Б.Дамчаа гуайн гэр бүл, төрөл төрөгсөд, найз нөхөд, хамтран ажиллагсад нь гүн эмгэнэл илэрхийлье.
xairlaj xundeldeg jujigchin mine Гүн эмгэнэл илэрхийлье!!!